2026 Year in Infrastructure របស់ក្រុមហ៊ុន Bentley នៅប្រទេសសិង្ហបុរី រៀបចំជាមួយនឹងទម្រង់ថ្មី

• Proeksa Meas
• 25 ខែ​តុលា 2026
• ព័ត៌មានសំណង់
• 42 មើល

អ្នកត្រួសត្រាយផ្លូវក្នុងហេដ្ឋារចនាសម្ព័ន្ធសាកល បានទទួលបទពិសោធន៍ដ៏អស្ចារ្យដូចជាការងារដែលពួកគេបានសម្រេច ហើយនៅឆ្នាំនេះ ក្រុមហ៊ុន Bentley បានបង្កើតបទពិសោធន៍នេះឡើង

ពិធីប្រគល់ពានរង្វាន់ Year in Infrastructure របស់ក្រុមហ៊ុន Bentley បានចាប់ផ្តើមនៅប្រទេសសិង្ហបុរីជាមួយនឹងរូបរាងថ្មី។ គិតមកដល់ពេលនេះ គឺឈានចូលឆ្នាំទី ២២ នៃព្រឹត្តិការណ៍ដែលត្រូវបានគេហៅថា «ពានរង្វាន់អូស្កាផ្នែកហេដ្ឋារចនាសម្ព័ន្ធ» ជាមួយពិធីករថ្មី បានធ្វើបទបង្ហាញអំពីទម្រង់ថ្មី និងវិធីសាស្ត្រថ្មីសម្រាប់ភ្ញៀវក្នុងការទទួលបានបទពិសោធន៍ពីគម្រោងក្នុងវគ្គផ្តាច់ព្រ័ត្រដែលមាន ៣៦ក្រុម កំពុងប្រកួតប្រជែងដើម្បីទទួលបានពានកិត្តិយសនៅឆ្នាំនេះ។

ភ្ញៀវដែលមកដល់សណ្ឋាគារ Fairmont Singapore ត្រូវបានស្វាគមន៍ជាមួយនឹងកន្លែងសម្រាកលំហែដាច់ដោយឡែក ជាមួយឈ្មោះឆ្លាក់ និងសិប្បករក្នុងស្រុក ដែលជាព័ត៌មានលម្អិតបង្ហាញអំពីមនុស្សនៅក្នុងចូលរួមនៅក្នុងកម្មវិធី។ គំនិតនៅពីក្រោយការកែទម្រង់ថ្មីនេះ គឺចង់បង្ហាញអំពីបុគ្គលដែលកំពុងបង្កើតហេដ្ឋារចនាសម្ព័ន្ធសាកល ដែលសមនឹងទទួលបានបទពិសោធន៍ដ៏អស្ចារ្យដូចនឹងការងារដែលពួកគេបានធ្វើ។

ជាលើកដំបូងដែលពានរង្វាន់ YII Awards រយៈពេលពីរថ្ងៃនេះមានពិធីករមកពីខាងក្រៅ។ អ្នកនិពន្ធលោក Chris Luebkeman បានចាប់ផ្តើមកម្មវិធី និងដឹកនាំពិធីប្រគល់ពានរង្វាន់។ លោក Parag Khanna ជាស្ថាបនិកក្រុមហ៊ុនបញ្ញាសិប្បនិម្មិតភូមិសាស្ត្រ AlphaGeo និងជាទីប្រឹក្សាយុទ្ធសាស្រ្តសាកលរបស់ក្រុមហ៊ុន Bentley បានថ្លែងសុន្ទរកថាគន្លឹះពេលចាប់ផ្តើមកម្មវិធី ជាមួយការសន្ទនាជាជាងការធ្វើបទបង្ហាញក្នុងសន្និសីទ។ សាររបស់លោកទៅកាន់ទស្សនិកជនគឺថា ប្រជាជនពិភពលោកនឹងកើនឡើងដល់ ៩,៥ ប៊ីលាននាក់នៅឆ្នាំ ២០៤៥ ដែលស្ទើរតែទាំងអស់ស្ថិតនៅក្នុងទីក្រុង ហើយអ្នកជំនាញដែលរៀបចំផែនការអនាគតនោះត្រូវការទិន្នន័យដែលមានលក្ខណៈសម្បូរបែប និងលម្អិតជាងមុន ក៏ដូចជាការយល់ដឹងដែលមើលទៅថ្ងៃអនាគតជាជាងទិន្នន័យដែលកំពុងប្រើប្រាស់សព្វថ្ងៃនេះ។ លោក Khanna បានមានថ្លែងថា លោកនៅតែមានសុទិដ្ឋិ​និយមដោយសារតែ «គ្រប់គ្នានៅតែជាអ្នកគាំទ្រហេដ្ឋារចនាសម្ព័ន្ធ» ដោយពិភពលោកពិតជាបានសាងសង់អ្វីដែលខ្លួនត្រូវការ ទោះបីជាពេលខ្លះយឺតជាងពេលដែលខ្លួនគួរធ្វើក៏ដោយ។

បញ្ហាមួយក្នុងចំណោមបញ្ហាមួយដែលត្រូវបានគេលើកឡើងច្រើនជាងគេនៅទីនេះគឺ Bentley Labs ដែលជាអនាគតដ៏រំភើបមួយសម្រាប់គម្រោងផ្តាច់ព្រ័ត្រទាំង ៣៦ ត្រូវបានរៀបចំផ្សាយបន្តផ្ទាល់ជាមួយគំរូឌីជីថល 3D បែបអន្តរកម្ម។ ភ្ញៀវដែលបានចូលរួមអាចសាកល្បងជាមួយបទពិសោធន៍គម្រោងនីមួយៗនៅលើអេក្រង់ LED ខ្នាតយក្ស ហើយបន្ទាប់មកបោះជំហានចូលទៅខាងក្នុងរូបភាពពិតរបស់វាដោយប្រើប្រាស់ឧបករណ៍ Apple Vision Pro។ លោកស្រី Liana O’Cleirigh ជាអ្នកជំនាញផ្នែកបច្ចេកវិទ្យាច្នៃប្រឌិតរបស់ក្រុមហ៊ុន Bentley Labs ដែលបានជួយបង្កើតបទពិសោធន៍នេះបានមានប្រសាសន៍ថា «រាល់គំរូទាំងអស់អាចមានជីវិតរស់រវើកឡើងបាន»។

អ្នកចូលរួមប្រកួតវគ្គផ្តាច់ព្រ័ត្រដែលរួមមាន ក្រុមមកពីប្រទេសចិនរហូតដល់សាធារណរដ្ឋឆេក គឺជាតួអង្គដ៏សំខាន់នៃព្រឹត្តិការណ៍នេះ។ ចាប់ផ្តើមពីឆ្នាំនេះ ការប្រកាសរបស់ក្រុមហ៊ុន Bentley ដែលធ្លាប់កើតមាននៅក្នុងពានរង្វាន់ YII Awards កាលពីពេលមុនៗ នឹងត្រូវប្តូរទៅកាន់កិច្ចប្រជុំកំពូលបច្ចេកវិទ្យា Bentley Tech Summit នៅទីក្រុងតូរ៉ុនតូ (Toronto) នារដូវផ្ការីកខាងមុខនេះ ដោយទុកឱ្យពានរង្វាន់ YII Awards ផ្តោតតែលើគម្រោង មនុស្ស និងការងារ។

អត្ថបទដោយលោក Tomas Kellner

• Year In Infrastructure
• Bentley Systems
• Bentley
• Bentley Tech Summit