រដ្ឋសម្រេចបង្កើតភូមិថ្មីចំនួន ២៩ ទៀតនៅស្រុកស្នួល ខេត្តក្រចេះ

• 16 ខែ​មករា 2023
• Uncategorized @km
• 7 មើល

ក្រសួងមហាផ្ទៃ សម្រេចបង្កើតភូមិថ្មីចំនួន ២៩ បន្ថែមទៀតនៅស្រុកស្នួល ខេត្តក្រចេះ ដើម្បីងាយស្រួលក្នុងការគ្រប់គ្រង និងធ្វើការអភិវឌ្ឍន៍មូលដ្ឋាន។

តាមរយៈប្រកាសលេខ ៦៩៤៦​ ប្រ.ប ភូមិថ្មីទាំងនេះ ត្រូវបានកាត់ចេញពីបណ្តាភូមិនៃឃុំមួយចំនួននៃស្រុកស្នួល ដែលក្នុងនោះរួមមាន៖

• ភូមិដងរ៉ែក ភូមិត្រពាំងឈូក នៃឃុំឃឹ្សម
• ភូមិសាមគ្គី ភូមិរវៀងជ័យ ភូមិអូរបោះរបង ភូមិសំបួរសែនជ័យ និងភូមិអូរសាឡូង នៃឃុំស្វាយជ្រះ
• ភូមិជ្រៃម៉ាំង ភូមិត្រពាំងស្បែក នៃឃុំ២ធ្នូ
• ភូមិផ្សារស្នួល ភូមិរោងចក្រ ភូមិក្រសាំង និងភូមិត្រពាំងលាក់ នៃឃុំស្នួល
• ភូមិអញ្ចាញ ភូមិជីប៉ែ ភូមិបាត់ហើយ ភូមិស្រែចារ ភូមិដូនប៉ុក ភូមិដូនមាស១ ភូមិដូនមាស២ ភូមិដូនមាស និងភូមិអូរតាញាន៣ នៃឃុំស្រែចារ
• ភូមិសែនអភិវឌ្ឍន៍ ភូមិគ្រញូង៣ ភូមិ១០៤ ភូមិអូរចរចាមានជ័យ ភូមិអូរសែនជ័យ ភូមិការបួនសែនជ័យ និងភូមិប្រឹមប្រិយ នៃឃុំគ្រញូងសែនជ័យ

ក្នុងដំណើរចុះពិនិត្យដំណើរការបោះឆ្នោតស្ទាបស្ទង់ជ្រើសរើសបេក្ខជនប្រធានមេភូមិដូនប៉ុក នៅឃុំស្រែចារ ស្រុកស្នួ​ល​ ឯកឧត្តម ព្រុំ សុខា រដ្ឋមន្រ្តីក្រសួងមុខងារសាធារណៈ  និងជាប្រធានក្រុមការងាររាជរដ្ឋាភិបាលចុះមូលដ្ឋានខេ​ត្ត​ក្រចេះ បានលើកឡើងថា ក្រសួងមហាផ្ទៃសម្រេចបង្កើតនូវភូមិថ្មីនេះ គឺសំដៅធ្វើឲ្យងាយស្រួលក្នុងការគ្រប់គ្រង និង​ងា​យស្រួលក្នុងការកសាងអភិវឌ្ឍន៍មូលដ្ឋាន ជាពិសេសបង្ខិតសេវាសាធារណៈឲ្យកាន់តែកៀកជិតមូលដ្ឋានប្រជា​ពល​​រដ្ឋដាច់ស្រយាល កុំឲ្យពិបាកក្នុងទទួលសេវាតម្រូវការចាំបាច់នានា ក្នុងការប្រកបរបរប្រចាំថ្ងៃ។

គួររម្លឹកផងដែរថា ថ្មីៗនេះ រាជរដ្ឋាភិបាលកម្ពុជា ក៏បានសម្រេចបង្កើតភូមិចនួន ១៥ ក្នុងខេត្តពោធិ៍សាត់ផងដែរ។ (អានបន្ថែម និង បន្ថែម)

• Laws and Regulation