ស្ពានកោះនរា តម្លៃជិត៤០លានដុល្លារ សម្រេចការសាងសង់បាន៧០ភាគរយ

26 ខែមេសា 2023
ព័ត៌មានក្នុងស្រុក
9 មើល

ស្ពានតភ្ជាប់ពីកោះពេជ្រ ទៅកោះនរា តម្លៃ៣៨លានដុល្លារ បច្ចុប្បន្នសម្រេចការសាងសង់បាន ៧០ភាគរយ និងគ្រោងដាក់ដំណើរការតាមការគ្រោងទុក ។

ស្ពានតភ្ជាប់ពីកោះពេជ្រ ទៅកោះនរាខាងលើនេះ បានបើកការដ្ឋានដំណើរការសាងសង់កាលពីថ្ងៃទី២៦ ខែតុលា ឆ្នាំ២០២០ ក្រោមអធិបតីភាពដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា។ (អានបន្ថែម)

ស្ពាននេះមានប្រវែង ៨២៤ម៉ែត្រ មានទទឹង ២៤,៥០ម៉ែត្រ ។

ស្ពានបេតុងខ្សែកាប ឆ្លងកាត់ទន្លេបាសាក់ ពីតំបន់កោះពេជ្រ ទៅកាន់តំបន់អភិវឌ្ឍន៍កោះនរា បានសាងសង់រួចរាល់សម្រេចបាន៧០ភាគរយ ហើយការដ្ឋានសាងសង់ នឹងរួចរាល់ នៅចុងខែវិច្ឆិកា ឆ្នាំ២០២៣ខាងមុខនេះ។ នេះបើយោងតាម លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ ត្រូវបានស្រង់សំដីចុះផ្សាយនៅលើសារព័ត៌មាន BTV News នៅថ្ងៃទី២៥ ខែមេសា។

នៅពេលដាក់ដំណើរការ ស្ពានថ្មីនេះ នឹងដើរតួនាទីយ៉ាងសំខាន់ក្នុងការបម្រើដល់ការធ្វើដំណើររបស់ពលរដ្ឋ អាចឆ្លងពីតំបន់កោះនរា ទៅកាន់តំបន់អភិវឌ្ឍន៍កោះពេជ្រ ដែលធ្វើឱ្យលំហូរចរាចរណ៍ មានភាពល្អប្រសើរ ខណៈខណ្ឌច្បារអំពៅ មានភាពប្រឈមលើការកក់ស្ទះចរាចរណ៍ជាប្រចាំថ្ងៃ។

- Video Advertisement -