Highways England បានផ្លាស់ប្តូរវិធីសាស្ត្រគ្រប់គ្រងបណ្តាញផ្លូវជាតិរបស់ប្រទេសអង់គ្លេស ដោយប្រើប្រាស់វេទិកា AssetWise របស់ Bentley Systems ដើម្បីដំណើរការប្រព័ន្ធគ្រប់គ្រងការប្រើប្រាស់ផ្លូវ Network Occupancy Management System (NOMS) ដែលដំណើរការលើ Cloud។
កម្មវិធីនេះជួយឱ្យវិស្វករ និងអ្នកគ្រប់គ្រងគម្រោងហេដ្ឋារចនាសម្ព័ន្ធ អាចមើលឃើញព័ត៌មានអំពីការបិទផ្លូវ ការងារថែទាំ និងហេដ្ឋារចនាសម្ព័ន្ធផ្សេងៗ បានភ្លាមៗ (Real-time) តាមរយៈផែនទីឌីជីថលតែមួយ។
ដូច្នេះ វាជួយឱ្យការរៀបចំផែនការការងារកាន់តែងាយស្រួល ជៀសវាងការប៉ះទង្គិចកាលវិភាគ និងឆ្លើយតបបានយ៉ាងឆាប់រហ័សចំពោះហេតុការណ៍មិនបានរំពឹងទុក។
តាមរយៈការជំនួសប្រព័ន្ធចាស់ដោយវេទិកាឌីជីថលកណ្តាល AssetWise ជួយឱ្យក្រុមការងារ អាជ្ញាធរមូលដ្ឋាន ក្រុមហ៊ុនម៉ៅការ និងសេវាសង្គ្រោះបន្ទាន់ ចែករំលែកព័ត៌មានបានភ្លាមៗ ដែលជួយបង្កើនកិច្ចសហការ និងការសម្រេចចិត្ត។
កម្មវិធីនេះក៏អាចតាមដានការបិទផ្លូវជាបន្តបន្ទាប់ រកឃើញការប៉ះទង្គិចនៃព្រឹត្តិការណ៍ដោយស្វ័យប្រវត្តិ និងជួយកាត់បន្ថយការកកស្ទះចរាចរណ៍ ព្រមទាំងបង្កើនសុវត្ថិភាពដល់បុគ្គលិកដែលបំពេញការងារផងដែរ។
ដោយប្រើកម្មវិធីនេះ Highways England រំពឹងថានឹងអាចកាត់បន្ថយការបិទផ្លូវប្រមាណ 3,600 លើកក្នុងមួយឆ្នាំ សន្សំថវិកាបានប្រហែល 7 លានផោន ក្នុងមួយឆ្នាំ និងកាត់បន្ថយពេលវេលាការងារថែទាំប្រមាណ 14,400 ម៉ោង តាមរយៈការសម្របសម្រួលការងារប្រកបដោយប្រសិទ្ធភាព។
ប្រព័ន្ធនេះក៏ត្រូវបានព្យាករថានឹងផ្តល់អត្រាចំណេញលើការវិនិយោគ (ROI) រហូតដល់ 1,651% ក្នុងឆ្នាំដំបូង ដែលបង្ហាញពីរបៀបដែលបច្ចេកវិទ្យាគ្រប់គ្រងទ្រព្យសម្បត្តិឌីជីថលរបស់ Bentley Systems អាចជួយឱ្យអ្នកគ្រប់គ្រងហេដ្ឋារចនាសម្ព័ន្ធ កាត់បន្ថយការចំណាយ បង្កើនប្រសិទ្ធភាពប្រតិបត្តិការ និងធ្វើឱ្យចរាចរណ៍ដំណើរការបានកាន់តែរលូន។
ក្រុមហ៊ុន Bentley Systems ថ្មីៗនេះបានបង្ហើបពីនិន្នាការប […]
ក្រសួងសេដ្ឋកិច្ច និងហិរញ្ញវត្ថុ បានផ្តល់អនុសាសន៍ចំនួន៥ […]
English 
ខ្មែរ