Bentley និង NXT BLD រួមានគ្នាផ្ដល់ជំនួយ ៣លានដុល្លារដល់វិស្វករច្នៃប្រឌិតជំនាន់ថ្មី

• Sommana Yan
• 26 ខែ​ឧសភា 2026
• ព័ត៌មានសំណង់
• 204 មើល

Bentley Systems និង NXT BLD បានសហការគ្នាបង្កើតកម្មវិធីមួយឈ្មោះថា NXT Activate ដែលជាកម្មវិធីជម្រុញ និងគាំទ្រដល់អ្នកច្នៃប្រឌិតទាក់ទងនឹងវិស័យសំណង់ជំនាន់ក្រោយជុំវិញពិភពលោក។

កម្មវិធីនេះមានទំហំទឹកប្រាក់ ៣លានដុល្លារ ដែលនឹងផ្ដល់ជូនក្រុមហ៊ុន Startups កំពុងបង្កើតកម្មវិធីកុំព្យូទ័រថ្មីៗទាក់ទងនឹងវិស័យស្ថាបត្យកម្ម វិស្វកម្ម និងការសាងសង់។

កម្មវិធីនេះមានរយៈពេល ៣ឆ្នាំនេះ ដែលនឹងជ្រើសរើសក្រុមក្រុមហ៊ុន Startups ចំនួនពី ៦ ទៅ ៨ ក្រុមហ៊ុនជារៀងរាល់ឆ្នាំ ដោយចាប់ផ្តើមនៅរដូវស្លឹកឈើជ្រុះឆ្នាំ ២០២៦​ នេះ។ ក្រុមហ៊ុនដែលត្រូវបានជ្រើសរើសនឹងទទួលបាន៖

• ទឹកប្រាក់វិនិយោគរហូតដល់ ២០០,០០០ ដុល្លារ
• ការទទួលបានបច្ចេកវិទ្យាផ្ទាល់ និងការណែនាំពីអ្នកជំនាញក្នុងឧស្សាហកម្ម
• ការណែនាំឱ្យស្គាល់ក្រុមហ៊ុនធំៗ ដើម្បីសាកល្បងនិងបញ្ជាក់ពីគុណភាពផលិតផល
• ឱកាសបង្ហាញខ្លួននៅក្នុងវេទិកាឧស្សាហកម្មធំៗ ដូចជា NXT BLD និង NXT DEV។

ខុសពីកម្មវិធីគាំទ្ររបស់សាជីវកម្មដទៃទៀត NXT Activate មិនកម្រិតលើប្រព័ន្ធបច្ចេកវិទ្យាណាមួយឡើយ។ ក្រុមហ៊ុន Startups មានសិទ្ធិទទួលបានមូលនិធិដូចគ្នា មិនថាពួកគេបង្កើតឡើងនៅលើប្រព័ន្ធស្តង់ដារបើកចំហ (ដូចជា IFC ឬ 3D Tiles) ឬនៅលើប្រព័ន្ធកម្មសិទ្ធិផ្តាច់មុខនោះទេ។

លោក Martyn Day នាយកក្រុមហ៊ុន NXT BLD បានមានប្រសាសន៍ថាសំណង់ឌីជីថលគឺសំខាន់ណាស់ពិសេសសម្រាប់ក្មេងៗជំនាន់ក្រោយ។ ដូច្នេះដើម្បីលើកទឹកចិត្តដល់ក្រុមហ៊ុន Start Up ទាំងនោះ យើងក៏សម្រេចធ្វើកម្មវិធីជំនួយនេះឡើង។

កម្មវិធីរយៈពេល ១៦សប្តាហ៍នេះ មានគោលបំណងជម្រុញក្រុមហ៊ុន Startups ឱ្យដើរបានលឿន ចាប់តាំងពីដំណាក់កាលគិតផែនការ រហូតដល់ដំណាក់កាលដាក់លក់លើទីផ្សារ។

ការបើកទទួលពាក្យសុំនឹងចាប់ផ្តើមនៅក្នុងរដូវក្តៅឆ្នាំ ២០២៦ សម្រាប់ក្រុមការងារដំណាក់កាលដំបូង ដែលផ្តោតលើការបង្កើតកម្មវិធីសម្រាប់បរិស្ថានសំណង់ និងបរិស្ថានធម្មជាតិ។

• Social and Contribution
• Bentley
• Bentley Systems
• NXT