សហគ្រាសអង្គរដែលគ្រប់គ្រងដោយរដ្ឋរាយការណ៍ពីការធ្លាក់ចុះនៃភ្ញៀវទេសចរអន្តរជាតិ និងប្រាក់ចំណូលបើប្រៀបធៀបទៅនឹងរយៈពេលមុនៗ ខណៈដែលតំបន់បេតិកភណ្ឌបន្ទាប់បន្សំរួមចំណែកដល់ប្រាក់ចំណូលទេសចរណ៍…
គិតត្រឹមរយៈពេល៥ខែ ពោលពីខែមករា-ឧសភា ឆ្នាំ២០២៦ មានភ្ញៀវទេសចរអន្តរជាតិជិត ៣៦ម៉ឺននាក់ ទិញសំបុត្រចូលទស្សនារមណីយដ្ឋានអង្គរ ទទួលបានចំណូលជាង ១៧លានដុល្លារ។ នេះបើយោងតាមសេចក្តីប្រកាសព័ត៌មានរបស់គ្រឹះស្ថានអង្គរ ផ្សាយចេញកាលថ្ងៃទី១ ខែមិថុនា ឆ្នាំ២០២៦។
សេចក្តីប្រកាសដដែល បានឱ្យដឹងថា រយៈពេល៥ខែ មានភ្ញៀវទេសចរអន្តរជាតិប្រមាណ ៣៥៩.៤៧១នាក់ បានទិញសំបុត្រចូលទស្សនារមណីដ្ឋានអង្គរ ថយចុះ ៣១.៨៦% និងទទួលបានចំណូល ១៧ ២០៤.៣២២លានដុល្លារ ថយចុះ ២៩,៩៨%។
បន្ថែមពីនេះ ទទួលបានចំណូលការលក់សំបុត្រចូលទស្សនា នៅប្រាសាទកោះកែរ ចំនួនជាង ១១ម៉ឺនដុល្លារ ប្រាសាទបេងមាលាចំនួន ៧,៧៩ម៉ឺនដុល្លារ នៅភ្នំក្បាលស្ពាន ចំនួន ៣.២៣០ដុល្លារ និងសំបុត្រទូកតំបន់កំពង់ផែចុងឃ្នៀស ចំនួន ៣៩៨.៣១៥ដុល្លារ។
សូមរំឭកដែរថា ក្នុងឆ្នាំ២០២៥ មានភ្ញៀវទេសចរអន្តរជាតិ ៩៥៥.១៣១ នាក់បានទិញសំបុត្រចូលទស្សនារមណីយដ្ឋានអង្គរ ដែលធ្វើឱ្យអង្គភាពមួយនេះប្រមូលប្រាក់បាន ៤៤,៧១ លានដុល្លារ។ បើធៀបនឹងឆ្នាំ២០២៤ គឺចំនួនភ្ញៀវទិញសំបុត្រ បានធ្លាក់ចុះ ៦,៧% និងប្រាក់ពីការលក់សំបុត្រធ្លាក់ចុះ ៦,៥១%៕ (អានបន្ថែម)
នៅក្នុងរយៈពេល១ឆ្នាំ២០២៥ កម្ពុជាបានទទួលចំណូលរហូតដល់ $៤៤ […]
រយៈពេល១១ខែ គិតចាប់ពីខែមករា រហូតដល់ខែវិច្ឆិកា ឆ្នាំ២០២៤ន […]
English 
ខ្មែរ