ព័ត៌មានក្នុងស្រុក
កាលវិភាគសាងសង់ស្ពានឆ្លង់ការព្រំដែនកម្ពុជា-ថៃត្រូវបានកំណត់
រាជរដ្ឋាភិបាលកម្ពុជា និងថៃ បានព្រមព្រៀងក្នុងការកំណត់ពេលវេលាបើកការដ្ឋានសាងសង់ស្ពានថ្មី…(សូមអភ័យទោស យើងខ្ញុំកំពុងរៀបចំបញ្ចូលអត្ថបទ)
អានបន្ថែម
មណ្ឌលកំសាន្តអាណាចក្រអង្គរបោះទុនវិនិយោគ ១៥លានដុល្លារ
អ្នកជំនួញលេចធ្លោមួយរូបនៅកម្ពុជា គឺអ្នកឧកញ៉ា ពុង ឃាវសែ បានសម្លឹងឃើញសក្តានុពលក្នុងទឹកដីអង្គរខេត្តសៀមរាប ដោយបានចាប់ដៃគូជាមួយក្រុមហ៊ុនចិន បោះទុនវិនិយោគមណ្ឌលកំសាន្តអាណាចក្រអង្គរ ក្នុងតម្លៃ ១៥លានដុល្លារអាមេរិក។ មណ្ឌលកំសាន្តបែបប្រវត្តិសាស្រ្តនេះ ជាការវិនិយោគរួមគ្នារវាងក្រុមហ៊ុនកម្ពុជា Canadia Integrated Enterprise Group និងក្រុមហ៊ុនរបស់ប្រទេសចិន កាហេង អិនធើណេសិនណល (Ca Heng international Cultural Tourism Investment Co., Ltd.) ស្ថិតនៅចំកណ្តាលបេះដូងនៃខេត្តទេសចរណ៍វប្បធម៌ប្រវត្តិសាស្ត្រសៀមរាប មានចំងាយ ៥គីឡូម៉ែត្រពីប្រាសាទអង្គរ ដែលជាមរតកនៃបញ្ជីបេតិកភណ្ឌជាតិកម្ពុជាយូនីស្កូ មណ្ឌលកម្សាន្តអាណាចក្រអង្គរ ជាគម្រោងមណ្ឌលកម្សាន្ដចម្រុះ ដោយមានការសម្ដែងល្ខោនជាស្នូល មានរោងមហោស្រព តំបន់ពាណិជ្ជកម្ម កន្លែងកម្សាន្ដ និងភោជនីយដ្ឋានជាដើម នឹងសាងសង់លើផ្ទៃដីទំហំ ៦០០០ ម៉ែត្រក្រឡា ដែលអាចមានសមត្ថភាពផ្ទុកភ្ញៀវចូលទស្សនាកំសាន្តបានលើសពី ១ ពាន់នាក់ផងដែរ។ អ្នកឧកញ៉ា ពុង ឃាវសែ បានថ្លែងក្នុងសន្និសីទសារព័ត៌មាន ស្ដីពីមណ្ឌលកម្សាន្ដអាណាចក្រអង្គរ នារសៀលថ្ងៃទី ២៥ ខែតុលា បានប្រសាសន៍ថា មណ្ឌលកម្សាន្តអាណាចក្រអង្គរនេះ នឹងក្លាយជាមជ្ឈមណ្ឌលវប្បធម៌សៀមរាប ជានិមិត្តរូបថ្មីមួយទៀតរបស់កម្ពុជា […]
អានបន្ថែម
ក្រុមហ៊ុនម៉ាឡេស៊ី បង្ហាញពីការលាយល្បាយជុសជុលផ្លូវសម្បុកមាន់
ក្រុមហ៊ុន Probase Manufacturing Sdn Bhd មានមូលដ្ឋាននៅប្រទេសម៉ាឡេស៊ីបានបង្ហាញពីគុណភាពល្បាយ Cold Mix សម្រាប់ជួសជុលផ្លូវសម្បុកមាន់ដល់មន្ត្រីជំនាញផ្លូវថ្នល់នៃ មន្ទីរសាធារណការខេត្តសៀមរាប។ យោងតាមប្រភពសារព័ត៌មានជាតិ AKP លោក អាំង គមស៊ុន ប្រធានការិយាល័យស្ពានថ្នល់ នៃមន្ទីរសាធារណការ និងដឹកជញ្ជូនខេត្តសៀមរាប បានមានប្រសាសន៍ថា ការប្រើប្រាស់ល្បាយ Cold Mix នេះ ក្រោយពេលការបិទជិតហើយ យានយន្តគ្រប់ប្រភេទ អាចបើកបរកិនពីលើបាន ហើយវាមានភាពជាប់មាំរហូតដល់១០ឆ្នាំ។ ការប្រើប្រាស់ល្បាយ Cold Mix ប្រើប្រាស់ថវិកាតិច ហើយអាចធ្វើការលាយល្បាយនេះដោយខ្លួនឯងបាន តាមរូបមន្តដែលក្រុមហ៊ុនបានធ្វើការណែនាំ ដោយក្នុង Mix Binder មួយធុង ក្រោយលាយរួចបានជាល្បាយ Cold Mix ទម្ងន់ ២២៣គីឡូក្រាម។ នេះបើតាមការបញ្ជាក់របស់លោក គិមស៊ុន។ ក្នុងអំឡុងពេលត្រួតពិនិត្យការងារពង្រីកផ្លូវជាតិលេខ២ កាលពីដើមខែសីហា ឯកឧត្តម ស៊ុន ចាន់ថុល រដ្ឋមន្រ្តីក្រសួងសាធារណៈការនិងដឹកជញ្ជូន បានមានប្រសាសន៍ថា កម្ពុជាចំណាយប្រហែល ២០០ លានដុល្លារអាមេរិកក្នុងមួយឆ្នាំ សម្រាប់ការងារថែទាំ […]
អានបន្ថែម
អត្ថប្រយោជន៍នៃគម្រោងថវិកា និងការធ្វើផែនការចំណាយសម្រាប់គម្រោងសាងសង់
អស់រយៈពេលជាច្រើនឆ្នាំមកហើយ នៅក្នុងទីក្រុងជាច្រើននៅអាស៊ីអាគ្នេយ៍ វាក្លាយជារឿងធម្មតាទៅហើយដែលគេឃើញមានម្រោងសាងសង់ដែលមិនពេញលេញ ឬបរាជ័យ ហើយមួយចំនួនស្ថិតនៅទីតាំងសំខាន់បំផុតទៀតផង។ យ៉ាងណាក៏ដោយគម្រោងទាំងនេះអាចនឹងត្រូវបានបញ្ចប់ ប្រសិនបើមានការរៀបចំថវិកានៃដំណើរការសាងសង់ត្រឹមត្រូវ នៅដំណាក់កាលរៀបចំផែនការដំបូង និងនៅពេលចាប់ផ្តើមការងារគម្រោង។ ជាទូទៅ មុខងារនេះត្រូវមាន អ្នកលើកគម្រោងបរិមាណ (QS) ដើម្បីបំពេញតួនាទីក្នុងការជួយដល់អ្នកអភិវឌ្ឍន៍ដោយផ្តល់នូវយុទ្ធសាស្រ្តចំណាយទាំងមូល និងយុទ្ធសាស្រ្តលទ្ធកម្ម តាំងពីដំបូង។ ទាំងនេះត្រូវបានផ្តល់ជូនតាមរយៈការសេវាពិគ្រោះយោបល់ ដែលអាចផ្តល់ឲ្យអ្នកអភិវឌ្ឍន៍នូវភាពជាក់លាក់នៃតម្លៃ នៅក្នុងទម្រង់នៃការផ្តល់ដំបូន្មានតាមកិច្ចសន្យា ការណែនាំអំពីយុទ្ធសាស្រ្តលទ្ធកម្មត្រឹមត្រូវ និងការផ្តល់នូវការរំពឹងទុកនៃលំហូរសាច់ប្រាក់ជាក់ស្តែង។ កត្តាសំខាន់ដែលរួមចំណែកដល់ការបញ្ចប់គម្រោងសំណង់ប្រកបដោយជោគជ័យ គឺការរៀបចំផែនការថវិកា ផែនការចំណាយ និងប្រភេទនៃលទ្ធកម្មដែលត្រូវជ្រើសរើស។ កត្តាទាំងនេះជារឿយៗត្រូវបានអ្នកអភិវឌ្ឍន៍មើលរំលង ដោយអ្នកអភិវឌ្ឍន៍ជាញឹកញាប់ប្រញាប់ប្រញាល់ទៅរកអ្នកសិក្សានិងគូសប្លង់ ឬអ្នកម៉ៅការសាងសង់ដោយផ្ទាល់មុនពេលពិចារណាលើកត្តាសំខាន់ៗទាំងនេះ។ ការរៀបចំថវិកាត្រឹមត្រូវគួរតែជាអាទិភាពទីមួយក្នុងការរៀបចំគម្រោងសាងសង់។ ដំណើរការនេះគួរតែចាប់ផ្តើមមុនពេលដែលដីត្រូវបានទិញ ឬគំនិតរចនាត្រូវបានគិតគូរ ។ ដំណាក់កាលត្រឹមត្រូវត្រូវបានបង្ហាញដូចខាងក្រោម៖ ១. ការបង្កើតក្រុមគម្រោង ៖ ជួលអ្នកលើកគម្រោងបរិមាណ និងអ្នកគ្រប់គ្រងគម្រោងដែលមានកេរ្តិ៍ឈ្មោះដើម្បីជម្រុញដំណើរការរៀបចំថវិកា។ តួនាទីទាំងនេះគួរតែត្រូវបានបំពេញមុនពេលដែលក្រុមការងារគូសប្លង់អនុវត្តការងារ។ ២. ការរៀបចំថវិកាលម្អិត – នេះគឺជាការងារដំបូង និងសំខាន់បំផុត។ ទាក់ទងនឹងការទំនាក់ទំនងរវាងក្រុមហិរញ្ញវត្ថុរបស់ក្រុមហ៊ុនអភិវឌ្ឍន៍ និងអ្នកលើកគម្រោងបរិមាណ ដើម្បីទទួលបានរូបភាពត្រឹមត្រូវនៃតម្រូវការរបស់គម្រោង។ ការចំណាយសរុបរបស់គម្រោង នឹងត្រូវគ្រោងនៅដំណាក់កាលនេះ មិនមែនគ្រាន់តែថ្លៃសាងសង់នោះទេ។ ចំណាយសរុបនេះរួមបញ្ចូលទាំង ថ្លៃដី ថ្លៃអាជ្ញាប័ណ្ណ ថ្លៃឈ្នួលអ្នកអាជីព និងចំណាយផ្ទាល់លើថ្លៃសាងសង់ […]
អានបន្ថែម
ឧស្សាហកម្មសំណង់នៅកម្ពុជាកំពុងកើនឡើងមានកំណើនខ្លាំង
យោងតាមស្ថិតិចេញផ្សាយដោយក្រសួងរៀបចំដែនដី នគរូបនីយកម្ម និងសំណង់ (MLMUPC) កាលពីខែកក្កដា បានឱ្យឲ្យដឹងថា ឧស្សាហកម្មសំណង់នៅកម្ពុជាបន្តមានកំណើននៅក្នុងឆមាសទីមួយនៃឆ្នាំ ២០១៧។ ឧស្សាហកម្មនេះបានកើនឡើង ២៨ភាគរយក្នុងរយៈពេលដូចគ្នាកាលពីឆ្នាំ ២០១៦ ដោយមាន គម្រោងថ្មីចំនួន ១.៥២៣ ត្រូវបានអនុម័ត នៅចន្លោះខែមករា និងខែមិថុនាឆ្នាំ ២០១៧។ ក្រសួង MLMUPC បានផ្តល់តម្លៃសរុបលើគម្រោងដែលបានអនុម័តក្នុងឆមាសទីមួយនៃឆ្នាំ ២០១៧នេះ ថាមានតម្លៃ ៤,៩៤ ប៊ីលានដុល្លារ។ តួលេខទាំងនេះគឺធៀបនឹងគម្រោងចំនួន ១.១៨៣ ដែលមានតម្លៃ ៣.៩៧ ប៊ីលានដុល្លារ ដែលត្រូវបានអនុម័តកាលពីឆមាសទីមួយនៃឆ្នាំ ២០១៦។ អ្នកជំនាញផ្នែកឧស្សាហកម្មនេះមួយចំនួនបានចោទជាសំណួរថា តើតួលេខនេះមានភាពត្រឹមត្រូវទាក់ទងនឹងគម្រោងដែលត្រូវបានអនុវត្តជាក់ស្តែង ឬគ្រាន់តែជាគម្រោងដែលត្រូវបានអនុម័តទេ?យ៉ាងណាក៏ដោយ អ្នកមួយចំនួនទៀតបានបង្ហាញពីការកើនឡើងនៃប្រាក់ចំណូលនៅក្នុងវិស័យផ្គត់ផ្គង់ទីបីដែលមានដូចជា ឧបករណ៍ភ្លើងបំភ្លឺ សោរ និងការតុបតែងខាងក្នុង។ល។
អានបន្ថែម
ស្ថាបត្យករឆ្នើមរបស់កម្ពុជាបានទទួលមរណភាពហើយ
ភ្នំពេញ៖ លោក វណ្ណ ម៉ូលីវណ្ណ ដែលគេស្គាល់ថាជាស្ថាបត្យករឆ្នើមរបស់កម្ពុជា បានទទួលមរណភាពដោយជរាពាធក្នុងអាយុ៩១ ឆ្នាំ។ នេះបើតាមការចុះផ្សាយពីស្ថានីយទូរទស្សន៍ CNC កាលពីព្រឹកមិញនេះ។ លោក វណ្ណ ម៉ូលីវណ្ណ កើតក្នុងឆ្នាំ ១៩២៦ មានដើមកំណើតនៅខេត្តកំពត ជាស្ថាបត្យករនាំមុខគេ និងបានបង្កើតស្នាដៃជាច្រើននៅក្នុងចលនាស្ថាបត្យកម្មខ្មែរថ្មីរបស់ប្រទេសកម្ពុជា។ ពោលលោកគឺជាបុគ្គលដែលមានភាពល្បីល្បាញនៅក្នុងសង្គមស្ថាបត្យកម្មថ្មីរបស់ខ្មែរ ដែលមានការរីកចំរើនខ្លាំងនៅក្នុងទសវត្សឆ្នាំ ១៩៥០ និង ១៩៦០។ ក្នុងឆ្នាំ ១៩៤៦ លោកបានទទួលអាហារូបករណ៍ទៅសិក្សានៅប្រទេសបារាំង។ លោកបានសិក្សាផ្នែកស្ថាបត្យកម្មរួមជាមួយផ្នែកសិល្បៈផ្សេងទៀតនៅសាលាវិចិត្រសិល្បៈ និងបានវិលត្រឡប់មកកាន់ប្រទេសកម្ពុជាក្នុងឆ្នាំ១៩៥៦។ ស្នាដៃដែលមានភាពល្បីរន្ទឺរបស់លោករួមមាន វិមានឯករាជ្យ សាលសន្និសីទចតុមុខ ពហុកីឡដ្ឋានជាតិអូឡាំពិក និងអាគារសំខាន់ៗផ្សេងៗមួយចំនួនទៀត ដូចជាសាលមហោស្រពជាតិព្រះសុរាម្រឹត សំណង់ផ្ទះ១០០ខ្នង វិមានរដ្ឋចំការមន សាកលវិទ្យាល័យភូមិន្ទ វិទ្យាស្ថានភាសាបរទេស និង ប្លង់វត្តអារាម ក៏ដូចជា ស្ថានទូតខ្មែរនៅបរទេសជាច្រើនផងដែរ៕
អានបន្ថែម
ប្រែក្លាយជាអាជីវកម្មដ៏ធំមួយចេញពីហេដ្ឋារចនាសម្ព័ន្ធដែលចាស់ទ្រុឌទ្រោមក្នុងប្រទ�
ហេដ្ឋារចនាសម្ព័ន្ធដែលមិនទាន់អភិវឌ្ឍន៍នៅកម្ពុជាគឺជាឧបសគ្គចម្បងដែលរារាំងវិនិយោគិននិងអាជីវកម្មជាច្រើន។ ទោះជាយ៉ាងណាក៏ដោយ ក្រុមហ៊ុនសម្ព័ន្ធអាជីវកកម្មកម្ពុជា-ចិនមួយ បានមើលឃើញភាពទ្រុឌទ្រោមនេះថាជាឱកាសមាស។ ក្រុមហ៊ុននៅកម្ពុជា World Bridge Land (Cambodia) Co., Ltd. និងក្រុមហ៊ុន Sino Great Wall International Engineering Co., Ltd. (SGW) មកពីប្រទេសចិន បានចុះហត្ថលេខាលើកិច្ចព្រមព្រៀងបណ្តាក់ទុករួមគ្នាជាមួយនិងចក្ខុវិស័យមួយក្នុងការផ្លាស់ប្តូរបញ្ហាប្រឈមផ្នែកហេដ្ឋារចនាសម្ព័ន្ធរបស់ប្រទេសកម្ពុជាទៅជាឱកាសអាជីវកម្មដ៏ធំមួយ។ សម្ព័ន្ធជាដៃគូរក្រុមហ៊ុននេះត្រូវបានរៀបចំឡើងដោយភាគីចិនមានភាគហ៊ុន ៦០ ភាគរយ និងភាគីកម្ពុជាមាន ៤០ ភាគរយ។ នៅពេលចុះហត្ថលេខាលើអនុស្សរណៈបណ្តាក់ទុនរួមគ្នា នៅរាជធានីភ្នំពេញ កាលដើមខែសីហា ក្រុមហ៊ុនទាំងពីរបានប្រកាសពីបំណងរបស់ខ្លួនក្នុងការធ្វើការយ៉ាងជិតស្និទ្ធជាមួយរាជរដ្ឋាភិបាលកម្ពុជាលើការអភិវឌ្ឍសាធារណៈជាច្រើនដែលនឹងជួយលើកកំពស់ស្ថានភាពហេដ្ឋារចនាសម្ព័ន្ធសាធារណៈរបស់ប្រទេសកម្ពុជា។ គម្រោងដែលពួកគេកំណត់គោលដៅរួមមាន ស្ពាន ផ្លូវថ្នល់ និងអគារ ជាពិសេសគម្រោងដែលត្រូវធ្វើឡើងដោយមានការគាំទ្រផ្នែកហិរញ្ញវត្ថុពីប្រទេសចិន។ ក្រុមហ៊ុន World Bridge Land ដែលដឹកនាំដោយសេដ្ឋីអចលនទ្រព្យកម្ពុជា ឧកញ៉ា សៀ រិទ្ធី គឺជាក្រុមហ៊ុនបុត្រសម្ព័ន្ធមួយក្នុងចំណោមក្រុមហ៊ុន ៣០ ផ្សេងទៀតនៅក្នុងក្រុមហ៊ុនមេរបស់លោក។ ក្រុមហ៊ុននេះគឺជាក្រុមហ៊ុនអភិវឌ្ឍន៍គម្រោងខុនដូធំៗចំនួនបីនៅរាជធានីភ្នំពេញ ដែលរួមមាន The Bridge, The Peak និង […]
អានបន្ថែម
កំណត់ហេតុព័ត៌មានរបស់ក្រសួងរៀបចំដែនដី នគរូបនីយកម្ម និងសំណង់ោ៖ ខែកក្កដា-សីហា ២០១៧
គ្រួសារជនជាតិដើមភាគតិចចំនួន ២២២គ្រួសារ ទទួលបានកម្មសិទ្ធិដីធ្លី (០៣ កក្កដា) គ្រួសារជនជាតិគ្រឹងប្រមាណ ២២២ គ្រួសារ មកពីសហគមន៍ចំនួន ៤ ដែលរស់នៅក្នុងស្រុកអូរជុំ ខេត្តរតនគិរី ទទួលបានប័ណ្ណកម្មសិទិ្ធដីធ្លីសរុបចំនួន ៣៩ ដែលមានទំហំដីជាង ៣,៣ ហិកតា។ រហូតមកដល់ពេលនេះ ក្រសួងរៀបចំដែនដី នគរូបនីយកម្ម និងសំណង់ កំពុងធ្វើការចុះបញ្ជីកម្មសិទ្ធដីធ្លីសម្រាប់គ្រួសារជនជាតិភាគតិចនៅក្នុងខេត្តចំនួនបួន រួមមាន ខេត្តមណ្ឌលគិរី រតនគិរី ក្រចេះ និងស្ទឹងត្រែង។ ក្រសួងបានទទួលពាក្យស្នើសុំប័ណ្ណកម្មសិទិ្ធចំនួន ៥០ និងបានបញ្ជាក់ប័ណ្ណកម្មសិទ្ធិដីធ្លីដល់សហគមន៍ចំនួន១៨។ ការវិនិយោគលើវិស័យសំណង់កើនឡើងក្នុងឆមាសទី ១ ឆ្នាំ ២០១៧ (១៤ កក្កដា) ក្រសួងរៀបចំដែនដី នគរូបនីយកម្ម និងសំណង់ បានបង្ហាញថា ការវិនិយោគលើវិស័យសំណង់នៅទូទាំងប្រទេសបានកើនឡើង ២៧,៤៤ ភាគរយ ក្នុងរយៈពេល ៦ខែដំបូងនៃឆ្នាំនេះ ប្រៀបធៀបទៅនឹងរយៈពេលដូចគ្នាកាលពីឆ្នាំមុន។ ក្នុងអំឡុងពេលខែមករា ដល់ខែមិថុនាឆ្នាំ២០១៧ ក្រសួងបានអនុម័តគម្រោងចំនួន ១.៥២៣ ដែលគ្របដណ្ដប់លើផ្ទៃដីប្រមាណ ៧,២ លានម៉ែត្រការ៉េ និងមានតម្លៃប្រមាណជិត […]
អានបន្ថែម
ការទទួលយកអនាគតឌីជីថល ៖ ការសិក្សាស្វែងយល់ពីសក្តានុពលនៃវិស័យសំណង់
ឧស្សាហកម្មសំណង់បានឈានដល់របត់មួយដែលគួរឲ្យចាប់អារម្មណ៍ ដោយបន្សល់ទុកចន្លោះសម្រាប់ការផ្លាស់ប្តូរដ៏ធំធេង ដែលអាចធ្វើឲ្យប្រសើរឡើងនូវស្ថានភាពប្រតិបត្តិ ការដ្ឋានដូចដែលយើងដឹង។ ការផ្លាស់ប្តូរដែលខ្ញុំកំពុងនិយាយនេះគឺជាការផ្លាស់ប្តូរបច្ចេកវិទ្យានៅក្នុងដំណើរការសាងសង់ ដែលនឹងជួយសន្សំសំចៃពេលវេលា និងបង្កើនផលិតភាព។ ខណៈពេលដែលឧស្សាហកម្មដទៃទៀតបានកំពុងតែធ្វើឲ្យមានលក្ខណៈឌីជីថលជាច្រើនទសវត្សមកហើយនោះ ឧស្សាហកម្មសំណង់ហាក់ដូចជាយឺតយ៉ាវក្នុងកិច្ចការនេះ មួយផ្នែកដោយសារតែលក្ខណៈពិសេសនៃវិស័យនេះ។ ការសាងសង់ គឺជាវិស័យដែលមានមូលដ្ឋានលើគម្រោង និងមានបែងចែកជាផ្នែក។ នេះមានន័យថាការអនុម័តស្តង់ដារនិងវិធីសាស្រ្តថ្មីៗ ទទួលនូវបញ្ហាប្រឈមជានិច្ច ដោយសារតែបញ្ហាគម្រោងរយៈពេលខ្លី និងការលំបាកក្នុងការកំណត់ស្តង់ដារឧស្សាហកម្មទាំងមូល។ ដោយសារហេតុផលទាំងនេះ ឧស្សាហកម្មនេះមិនទាន់មានការកើនឡើងខ្លាំងផ្នែកផលិតភាពក្នុងកំឡុងពេលប៉ុន្មានឆ្នាំចុងក្រោយនេះ ហើយវានៅតែជាឧស្សាហកម្មមួយដែលមានលក្ខណៈឌីជីថលតិចតួចបំផុត។ ទោះជាយ៉ាងណាក៏ដោយក្រុមហ៊ុនបច្ចេកវិទ្យាកាន់តែច្រើនឡើងៗ កំពុងទទួលស្គាល់កំណើនតម្រូវការឌីជីថលនៅក្នុងឧស្សាហកម្មសំណង់។ នៅក្នុងតំបន់ដូចជានៅអាមេរិកខាងជើង និងអឺរ៉ុប យើងមើលឃើញក្រុមហ៊ុនចាប់យកបច្ចេកវិទ្យាបានយឺត ប៉ុន្តែនៅបន្តចាប់យកការប្រើបច្ចេកវិទ្យានៅការដ្ឋានសំណង់អស់ជាច្រើនឆ្នាំមកហើយ។ នៅតំបន់អាស៊ីអាគ្នេយ៍ នៅមានចន្លោះច្រើនសម្រាប់ការធ្វើឲ្យមានលក្ខណៈឌីជីថលដោយសារតែកម្មវិធីថ្មីៗទាំងនេះជាច្រើនមិនទាន់ត្រូវបានអភិវឌ្ឍឬនៅថ្មីសម្រាប់ទីផ្សារនៅឡើយ។ នេះក៏ជាចំណុចគួរឲ្យព្រួយបារម្ភ ពីព្រោះថាតំបន់អាស៊ីអាគ្នេយ៍មានទីកន្លែងដែលមានសំណង់កំពុងរីកលូតលាស់ខ្លាំងបំផុត ហើយត្រូវការការអភិវឌ្ឍបែបនេះច្រើនជាងតំបន់ផ្សេងៗទៀតនៅក្នុងពិភពលោក។ ទោះបីជាមានការធ្វើឲ្យប្រសើរឡើងនូវបច្ចេកវិទ្យានៅទូទាំងឧស្សាហកម្មក៏ដោយ ក៏ដំណោះស្រាយភាគច្រើនមានទំនោរផ្តោតតែទៅលើទិដ្ឋភាពមួយ ឬដំណាក់កាលមួយនៃគម្រោង ជាជាងការចូលទៅដោះស្រាយជារួម។ ការងារដូចជាការពិនិត្យផ្ទៀងផ្ទាត់ប្លង់ឥដ្ឋការ៉ូ គឺមានលក្ខណៈសាមញ្ញនៅពេលវាមានលក្ខណៈឌីជីថល ហើយការប្រើប្រាស់គំរូព័ត៌មានសាងសង់ (BIM) កំពុងក្លាយជាស្តង់ដារថ្មីសម្រាប់ឧស្សាហកម្ម។ ប៉ុន្តែហេតុអ្វីធ្វើឲ្យមានលក្ខណៈឌីជីថលចំពោះតែដំណើរការមួយនៃការដ្ឋាន ចុះដំណាក់កាលដែលនៅសល់ផ្សេងទៀត? ហេតុអ្វីបានជាដំណាក់កាលមុនការសាងសង់ត្រូវបានកែសម្រួល និងមានប្រសិទ្ធភាពច្រើន ចំណែកដំណាក់កាលសាងសង់ ដំណាក់កាលប្រគល់ និងថែទាំ មិនទទួលបានការសម្រួល និងប្រសិទ្ធភាពដូចគ្នា? ការមិនទទួលស្គាល់សក្តានុពលនៃការធ្វើឲ្យប្រសើរឡើងនៅក្នុងផ្នែកទាំងនេះ អាចកម្រិតការទទួលបានផលិតភាព។ យើងមើលឃើញពីដំណោះស្រាយដ៏ទូលំទូលាយមួយ ដែលអាចធ្វើឲ្យមានលក្ខណៈឌីជីថលគ្រប់ទិដ្ឋភាពនៃគម្រោង ទាំងនៅក្នុងការិយាល័យ និងនៅការដ្ឋាន […]
អានបន្ថែម
តើ ក្លឹប Lighthouse គឺជាអ្វី?
Lighthouse Club ត្រូវបានបង្កើតឡើងដើម្បីលើកកម្ពស់មិត្តភាពល្អក្នុងចំណោមសមាជិករបស់ខ្លួន ដែលធ្វើការនៅក្នុង ឬទាក់ទងជាមួយនិងឧស្សាហកម្មសំណង់។ ក្លឹបនេះក៏ផ្តល់ជំនួយសប្បុរសធម៌ដល់អ្នកនៅក្នុងឧស្សាហកម្ម និងអ្នកនៅក្នុងបន្ទុករបស់ពួកគេ នៅពេលមានការស្លាប់ ឬរបួសធ្ងន់ធ្ងរកើតឡើងចំពោះពួកគេ។ ក្លឹបនេះមានដើមកំណើតនៅចក្រភពអង់គ្លេសក្នុងឆ្នាំ 1956 ហើយបច្ចុប្បន្នក្លឹប Lighthouse មានសាខានៅទូទាំងតំបន់អាស៊ីប៉ាស៊ីហ្វិក រួមទាំងទីក្រុងបាងកក គួឡាឡំពួរ និងភ្នំពេញ។ សាខាទាំងនេះអនុញ្ញាតឲ្យសមាជិកក្លឹប Lighthouse ទាំងអស់ជួបជុំគ្នាក្នុងតំបន់របស់ពួកគេ ដើម្បីរៀបចំកម្មវិធីសង្គម សកម្មភាពរៃអង្គាសប្រាក់ និងការចែកចាយមូលនិធិពីក្លិប Lighthouse ដល់អ្នកដែលត្រូវការ។ ហេតុអ្វីគួរក្លាយជាសមាជិកក្លឹប Lighthouse? សមាជិកភាពក្នុងក្លឹប Lighthouse ផ្តល់នូវឱកាសសម្រាប់ក្រុមហ៊ុន និងបុគ្គលឲ្យទទួលបានការការទទួលស្គាល់ថាជាអ្នកគាំទ្របុរេសកម្មចំពោះសុវត្ថិភាពនៅក្នុងឧស្សាហកម្មសំណង់ និងផ្តល់ជំនួយហិរញ្ញវត្ថុដល់អ្នកដែលក្រខ្សត់ ដែលធ្វើការពាក់ព័ន្ធនឹងឧស្សាហកម្មសំណង់ហើយទទួលរងការប៉ះពាល់ដោយផ្ទាល់នូវគ្រោះថ្នាក់ និងជំងឺ។ ក្លឹប Lighthouse បានបង្កើតសកម្មភាពសប្បុរសធម៌ដើម្បីជួយដល់អ្នកដែលត្រូវការជំនួយ ដោយផ្តល់ជំនួយហិរញ្ញវត្ថុដល់គ្រួសារដែលមានគ្រោះថ្នាក់នៅក្នុងឧស្សាហកម្មសំណង់ និងជំនួយដល់ការអប់រំកូនៗរបស់ពួកគេ។ ក្លឹបនេះក៏ជំរុញយ៉ាងសកម្មនូវសុវត្ថិភាពនៅការដ្ឋានសាងសង់តាមរយៈការផ្តល់ជូននូវពានរង្វាន់សុវត្ថិភាពដល់បុគ្គល និងអង្គភាព ដែលបានរួមចំណែកយ៉ាងសំខាន់ក្នុងការធ្វើឲ្យប្រសើរឡើងនូវសុវត្ថិភាពលើគម្រោងសាងសង់របស់ពួកគេ។ សមាជិកភាពក្លឹបក៏ផ្តល់ឱកាសសម្រាប់ការបង្កើតបណ្តាញសង្គម ឬអាជីវកម្ម តាមរយៈការចូលរួមនៅក្នុងមុខងារជាច្រើន មានសិក្ខាសាលា និងវេទិកាដែលត្រូវបានធ្វើឡើងពេញមួយឆ្នាំទាំងក្នុងស្រុក និងក្នុងតំបន់។ ក្លឹប Lighthouse កម្ពុជា ក្លឹបនេះមានការជួបជុំគ្នាម្តងក្នុងមួយខែនៅកន្លែងដែលបានជ្រើសរើសនៅរាជធានីភ្នំពេញ ដែលចំណូលប្រមូលបានពីការចូលរួមនេះ ត្រូវបានប្រើសម្រាប់ផ្តល់អាហារូបករណ៍ដល់និស្សិតកម្ពុជាដែលសិក្សានៅតាមសាកលវិទ្យាល័យបច្ចេកទេសជាច្រើន ដោយរួមគ្នាជាមួយនិងជំនួយពីមូលនិធិ […]
អានបន្ថែម