ភ្នាក់ងារអចលនទ្រព្យថ្មីៗបង្ហាញពីវិសាលភាពនៃកំណើនអចលនទ្រព្យ

ដោយសារតែកំណើនដែលប្រកបដោយថាមវ័ន្ត និងចីរភាព ធ្វើឲ្យទីផ្សារអចលនទ្រព្យនៅកម្ពុជាឥឡូវនេះឈរជើងយ៉ាងរឹងមាំនៅក្នុងដែនទីផ្សារអន្តរជាតិ ហើយទាក់ទាញអ្នកវិនិយោគ និងភ្នាក់ងារអចលនទ្រព្យអន្តរជាតិជាច្រើនមកកាន់ប្រទេសកម្ពុជា ដែលក្នុងនោះក៏មានមកពីតៃវ៉ាន់ផងដែរ។

ក្រុមហ៊ុន Century 21 Regent Realty គឺជាក្រុមហ៊ុនមួយក្នុងចំណោមក្រុមហ៊ុនអចលនទ្រព្យនៅតៃវ៉ាន់ដែលបានបើកប្រតិបត្តិជាលើកដំបូងនៅកម្ពុជា ដែលក្រុមហ៊ុននេះបានចូលមកក្នុងប្រទេសកម្ពុជានៅចុងខែធ្នូ​ ឆ្នាំមុន ក្រោមឆ័ត្ររបស់ក្រុមហ៊ុន Century 21 ។

សាខារបស់ក្រុមហ៊ុននេះនៅកម្ពុជា ត្រូវបានគ្រប់គ្រងនិងដំណើរការដោយក្រុមហ៊ុន Century 21 របស់តៃវ៉ាន់ដែលជាក្រុមហ៊ុនមួយមានបទពិសោធន៍ជាង ២០ ឆ្នាំក្នុងអាជីវកម្មអចលនទ្រព្យនៅតៃវ៉ាន់។

លោក ម៉ាត់ យី នាយកប្រតិបត្តិនៃក្រុមហ៊ុន Century 21 Regent Realty បានលើកឡើងថា ដោយមើលឃើញលំហូរនៃការវិនិយោគយ៉ាងច្រើនពីតៃវ៉ាន់មកកាន់ប្រទេសកម្ពុជា ព្រោះទីផ្សារអចលនទ្រព្យនៅតៃវ៉ាន់មានភាពនៅទ្រឹង បានជំរុញឲ្យលោកមកកាន់ប្រទេសកម្ពុជាដើម្បីចាប់យកចំណែកទីផ្សារសម្រាប់តៃវ៉ាន។

លោកបានលើកឡើងថា យើងក៏ព្យាករណ៍ឃើញនិន្នាការនៃការអភិវឌ្ឍវិស័យអចលនទ្រព្យ ដែលនឹងបម្រើអតិថិជនតៃវ៉ាន់នៅក្នុងពេលអនាគតផងដែរ ហើយសហគមន៍សេដ្ឋកិច្ចអាស៊ានខាងមុខនឹងផ្តល់ឱកាសអភិវឌ្ឍន៍សេដ្ឋកិច្ចដល់ប្រទេសកម្ពុជា ព្រមទាំងឱកាសដើម្បីបង្កើនប្រាក់ចំណេញអាជីវកម្មផងដែរ។

លោក ម៉ាត់ យី បានរំឭកថាវិនិយោគិនអន្តរជាតិ ដែលកំពុងគ្រប់គ្រងអាជីវកម្មនៅបរទេស ជាញឹកញាប់អាចជួបប្រទះបញ្ហាប្រឈមជាច្រើន ហើយអ្នកវិនិយោគត្រូវយល់ពីបរិបទនយោបាយ វប្បធម៌ និងបរិស្ថាននៅក្នុងតំបន់។ នេះជាមូលហេតុចម្បងដែលលោកពឹងផ្អែកទៅលើកេរ្តិ៍ឈ្មោះរបស់ក្រុមហ៊ុន Century 21 ដែលត្រូវបានចាត់ទុកថាជាក្រុមហ៊ុនឈ្មួញកណ្តាលក្នុងវិស័យអចលនទ្រព្យល្បីល្បាញទូទាំងពិភពលោកដើម្បីជួយឲ្យជំនួញក្នុងវិស័យនេះរីកចំរើនខ្លាំងនៅក្នុងប្រទេសកម្ពុជា៕

- Video Advertisement -

ព័ត៌មានដែលទាក់ទង

Bentley ចេញកម្មវិធីថ្មី ទស្សនាទីក្រុងស៊ីដនីបែបនិម្មិតសម្រាប់សន្និសីទ Illuminate 2026

ដើម្បីអបអរសាទរដល់សន្និសីទ Bentley Illuminate 2026 ដែលនឹ […]

អាម៉េរិកប្តេជ្ញាចូលរួមលើកកម្ពស់បរិយាកាសវិនិយោគ និងបរិស្ថានធុរកិច្ចនៅកម្ពុជា

ស្ថានទូតអាម៉េរិកប្រចាំកម្ពុជា ប្តេជ្ញាចូលរួមចំណែកលើកម្ព […]

ក្រុមហ៊ុន Seequent នាំយកបច្ចេកវិទ្យាថ្មី ២ សំខាន់ៗទៅប្រទេសកាដាណា

ក្រុមហ៊ុន Seequent ដែលជាក្រុមហ៊ុនជំនាញខាងផ្នែកកម្មវិធីវ […]

ត្រឹមខែកុម្ភៈ ២០២៦៖ កម្ពុជាទទួលបានគម្រោងវិនិយោគថ្មីជាង ១០០គម្រោង ក្នុងតម្លៃជិត១ប៊ីលានដុល្លារ

ក្រុមប្រឹក្សាអភិវឌ្ឍន៍កម្ពុជារាយការណ៍ថា គម្រោងថ្មីជាង ១ […]

បាត់ដំបងបើកការដ្ឋានជួសជុលផ្លូវ ស្ថាបនាលូ និងអណ្តូងលូ ចំនួន ៦២កន្លែង ក្នុងក្រុងបាត់ដំបង

កំណាត់ផ្លូវលេខ១៥៤ លូទឹកភ្លៀង ខឿនបេតុងចិញ្ចើមផ្លូវ និងអណ […]

កម្ពុជា-កូរ៉េ សិក្សាលើលទ្ធភាពដំឡើងវារីអគ្គិសនីខ្នាតតូចលើគម្រោងអាងទឹកដូនទ្រី និងអាងទឹករក្សា

ការសិក្សាលទ្ធភាពរួមគ្នាផ្តោតលើការរួមបញ្ចូលថាមពលកកើតឡើងវ […]