ផ្លូវ និងហេដ្ឋារចនាសម្ព័ន្ធ
ក្រុមហ៊ុនអាកាសយានដ្ឋានអន្តរជាតិសៀមរាបអង្គរ គ្រោងសាងសង់ផ្លូវថ្មីតភ្ជាប់ទៅទីក្រុងសៀមរាប
ក្រុមហ៊ុនអាកាសយានដ្ឋានអន្តរជាតិសៀមរាបអង្គរ នឹងសាងសង់ផ្លូវថ្មីមួយខ្សែ ប្រវែងប្រមាណជិត ៦០ គីឡូម៉ែត្រ តភ្ជាប់ពីអាកាសយានដ្ឋាន ទៅកាន់ទីក្រុងសៀមរាប ខណៈដែលក្រុមហ៊ុនបានបញ្ចប់ការងារសំណងដល់សហគមន៍ដែលរងផលប៉ះពាល់ពីគម្រោងនេះរួចរាល់ហើយ។ លោក លី សំរិទ្ធ អភិបាលខេត្តរងសៀមរាប បានឱ្យដឹងថា ផ្លូវថ្មីនេះនឹងជួយសម្រួលដល់លំហូរចរាចរណ៍ ពីអាកាសយានដ្ឋានថ្មីចូលទៅទីក្រុងសៀមរាប នាពេលអនាគត។ លោក បានលើកឡើងថា៖ «ផ្លូវចាស់ គឺកំណាត់ផ្លូវជាតិលេខ៦ មានស្ថានភាពតូច មិនអាចទ្រាំទ្រនឹងកំណើនចរាចរណ៍នៅពេលអាកាសយានដ្ឋានថ្មីសៀមរាប បើកដំណើរការបានទេ»។ លោកក៏បានបញ្ជាក់យ៉ាងច្បាស់ថា៖ «នេះជាផ្លូវថ្មី ផ្លូវធម្មតា មិនមែនជាផ្លូវល្បឿនលឿនទេ ប៉ុន្តែផ្លូវថ្មី នឹងមានទំហំធំជាងកំណាត់ផ្លូវជាតិលេខ៦ បច្ចុប្បន្ន»។ យោងតាមរដ្ឋបាលខេត្តសៀមរាប សហគមន៍ព្រៃឈើចាន់ សជើង ទើបតែទទួលបានសំណងជាថវិកា ពីក្រុមហ៊ុនអាកាសយានដ្ឋានសៀមរាប អង្គរ លើផលប៉ះពាល់ដីសហគមន៍ ប្រមាណ ១១ ហិកតា។ ដោយឡែក ក្រុមហ៊ុន មិនបានបង្ហាញពីព័ត៌មានលម្អិតទាក់ទងនឹងទីតាំងរបស់ផ្លូវមួយខ្សែនេះទេ។ គួរបញ្ជាក់ផងដែរថា គម្រោងអាកាសយានដ្ឋានអន្តរជាតិសៀមរាបថ្មីនេះ វិនិយោគដោយក្រុមហ៊ុនចិន Yunnan Investment Holdings ក្នុងទឹកប្រាក់តម្លៃ ជិត ៩០០ លានដុល្លារ ដែលបច្ចុប្បន្នសម្រេចបាន ៣៥% […]
អានបន្ថែម
ការស្ថាបនាផ្លូវល្បឿនលឿនភ្នំពេញ-ព្រះសីហនុ សម្រេចបានជិត៤០%ហើយ
គិតត្រឹមដើមឆ្នាំ២០២១ នេះ ការស្ថាបនាផ្លូវល្បឿនលឿនពីរាជធានីពីភ្នំពេញទៅខេត្តព្រះសីហនុ សម្រេចបាន ៣៩% ហើយ ដោយគ្រោងនឹងបញ្ចប់នៅឆ្នាំ ២០២៣ ខាងមុននេះ។ នេះបើតាមរបាយការណ៍របស់ស្ថានទូតចិននៅកម្ពុជា។ របាយការណ៍ដែលបានចេញផ្សាយកាលពីថ្ងៃទី ១ មករា កន្លងមកនេះ បានឱ្យដឹងថា ដំណើរការសាងសង់គម្រោងនេះ ធ្វើទៅដោយរលូន បើទោះបីជាមានវិបត្តិកូវីដ១៩ក្តី។ គម្រោងនេះ គឺជាផ្លូវល្បឿនលឿនដំបូងបង្អស់នៅកម្ពុជា និងជាគម្រោងហេដ្ឋារចនាសម្ព័ន្ធដ៏ធំសម្បើមមួយដែលចំណាយថវិកាសាងសង់ប្រមាណ ២ពាន់លានដុល្លារអាមេរិក ដោយសាងសង់ជា ៤គន្លង និងមានប្រវែងសរុប ១៩០ គីឡូម៉ែត្រឆ្លងកាត់ខេត្ត-ក្រុងចំនួន ៥។ ផ្លូវមួយខ្សែនេះកំពុងសាងសង់ដោយក្រុមហ៊ុនសាជីវកម្មស្ពាន និងថ្នល់ចិន (CRBC) ហើយគ្រោងដំណើរការនៅត្រឹមខែមីនា ឆ្នាំ២០២៣ ខាងមុខនេះ។ គួរបញ្ជាក់ផងដែរថា ចាប់ពីខែ មករា ដល់ ខែវិច្ឆិកា ឆ្នាំ ២០២០ កម្ពុជាទទួលបានការវិនិយោគផ្ទាល់ (FDI) ពីចិនចំនួន ៨៦០ លានដុល្លារ ដែលកើនឡើងប្រមាណ ៧០% បើប្រៀបទៅនឹងរយៈពេលដូចគ្នាកាលពីឆ្នាំ ២០១៩ ហើយក្នុងនោះភាគច្រើនជាគម្រោងហេដ្ឋារចនាសម្ព័ន្ធ។ (អានបន្ថែម)
អានបន្ថែម
រដ្ឋាភិបាលគ្រោងស្ថាបនាផ្លូវសរុបជិត៤០០គីឡូម៉ែត្របន្ថែមទៀតនៅខេត្តសៀមរាបក្នុងឆ្នាំ២០២១
មន្ទីរអភិវឌ្ឍន៍ជនបទខេត្តសៀមរាបគ្រោងនឹងស្ថាបនាផ្លូវថ្នល់សរុបប្រមាណ ៣៧៣គីឡូម៉ែត្រទៀតក្នុងឆ្នាំ២០២១ ដើម្បីសម្រួលដល់ការធ្វើដំណើរជូនប្រជាពលរដ្ឋ ។ នេះបើយោងតាមសារព័ត៌មានវិទ្យុជាតិកម្ពុជាកាលពេលថ្មីៗនេះ។ លោក សៅ ប៊ុនធី ប្រធានការិយាល័យផ្លូវលំជនបទនៃមន្ទីអភិវឌ្ឍន៍ជនបទខេត្តសៀមរាបបានថ្លែងប្រាប់ប្រភពដដែល កាលពីថ្ងៃទី៤ ខែមករានេះ ថា៖ «មន្ទីរមានគោលការណ៍ចំនួន ៤ ក្នុងការថែទាំផ្លូវ រួមមាន គម្រោងស្តារឡើងវិញនូវផ្លូវថ្នល់ដែលរងការខូចខាត គម្រោងកែលម្អពីផ្លូវគ្រួសក្រហមមកជាផ្លូវកៅស៊ូ គម្រោងថែទាំខួប និងគម្រោងថែទាំជាប្រចាំនូវហេដ្ឋារចនាសម្ព័ន្ធផ្លូវថ្នល់»។ លោកបានបន្តទៀតថា៖ «ក្នុងឆ្នាំ២០២០ មន្ទីរអភិវឌ្ឍន៍ជនបទខេត្ត បានជួសជុលផ្លូវថ្នល់ ប្រមាណ ១៩៣គីឡូម៉ែត្រ។ ដោយឡែកក្នុងឆ្នាំ ២០២១ វិញ មន្ទីរមានផែនការជួសជុលផ្លូវថ្នល់ជនបទសរុបប្រមាណ ៣៧៣ គីឡូម៉ែត្រទៀត»។ សម្រាប់គម្រោងដែលបានរៀបរាប់ខាងលើ គឺទទួលបានជំនួយពីអង្គការដៃគូមួយចំនួន ដូចជាធនាគារអភិវឌ្ឍន៍អាស៊ី (ADB) និងធនាគារពិភពលោក (World Bank)។ ដោយឡែកគម្រោងថែទាំផ្លូវថ្នល់ និងគម្រោងស្តារឡើងវិញនូវផ្លូវថ្នល់ដែលរងការខូចខាតដោយសារទឹកជំនន់កន្លងមកគឺទទួលបានថវិកាពីរាជរដ្ឋាភិបាល និងមួយចំណែកទៀតបានពីគម្រោងជំនួយរបស់រដ្ឋាភិបាលអាឡឺម៉ង់(KFW)។ គួរបញ្ជាក់ផងដែរថា ក្រៅពីគម្រោងខាងលើ គម្រោងស្ថាបនាផ្លូវ ៣៨ខ្សែ ក៏កំពុងដំណើរនៅខេត្តសៀមរាបផងដែរ ក្រោយបើកការដ្ឋានកាលពីខែវិច្ឆិកា កន្លងមកនេះ។ គម្រោងនេះមានប្រវែងសរុប ១០៨ គីឡូម៉ែត្រ ដោយគ្រោងប្រើប្រាស់ថវិកាជាតិសរុបប្រមាណ ១៤០លានដុល្លារអាមេរិក ហើយនឹងបញ្ចប់ការសាងសង់នៅចុងឆ្នាំ […]
អានបន្ថែម
ការវិនិយោគផ្ទាល់ពីចិនមានដល់ ៨៦០ លានដុល្លារក្នុងរយៈពេល ១១ ខែ ឆ្នាំ២០២០ កើនឡើង ៧០%
ចាប់ពីខែ មករា ដល់ ខែវិច្ឆិកា ឆ្នាំ ២០២០ កម្ពុជាទទួលបានការវិនិយោគផ្ទាល់ (FDI) ពីចិនចំនួន ៨៦០ លានដុល្លារ ពោលគឺកើនឡើងប្រមាណ ៧០% បើប្រៀបទៅនឹងរយៈពេលដូចគ្នាកាលពីឆ្នាំ ២០១៩។ នេះបើតាមការឱ្យដឹងពីការប្រកាសព័ត៌មានរបស់ស្ថានទូតចិននៅកម្ពុជាកាលពីពេលថ្មីៗនេះ។ ប្រភពដដែលបានឱ្យដឹងថា បើទោះជាវិបត្តិកូវីដ-១៩ ធ្វើឱ្យប៉ះពាល់ដល់កំណើនសេដ្ឋកិច្ច និងវិនិយោគបរទេសក្ដី ប៉ុន្តែគម្រោងហេដ្ឋារចនាសម្ព័ន្ធបានដំណើរការទៅមុខយ៉ាងរលូនរួមមាន គម្រោងអាកាសយានដ្ឋានអន្តរជាតិសៀមរាបអង្គរថ្មី (AIAI) ដែលសម្រេចបាន៣៥% ហើយ និងគម្រោងផ្លូវល្បឿនលឿនពីភ្នំពេញ-ព្រះសីហនុ ដែលបានបញ្ចប់ ៣៩% នៃសំណង់វិស្វកម្មសរុបផងដែរ។ ជាមួយគ្នានេះ គម្រោងសាងសង់រោងចក្រថាមពលអគ្គីសនីផ្សេងៗ ក៏ដំណើរការទៅដោយរលូនដែរ ក្នុងនោះ ស្ថានីយ៍អគ្គិសនី Huadian នៅខេត្តព្រះសីហនុ ដែលដើរដោយថាមពលកម្តៅ បានបញ្ចប់ការតម្លើងគ្រោងដែកនៃរោងចក្រហើយ។ ចំណែកឯ ក្រុមហ៊ុន Sinomach Heavy Equipment Group CO.,Ltd ក៏បានចុះហត្ថលេខាលើកិច្ចព្រមព្រៀងលើគម្រោងវិនិយោគ BOT នៃស្ថានីយ៍វារីអគ្គិសនីស្ទឹងតាតៃលើផងដែរ។ បន្ថែមពីនេះ ចំនួនសហគ្រាសក្នុងតំបន់សេដ្ឋកិច្ចពិសេសខេត្តព្រះសីហនុបានកើនឡើងជាបន្តបន្ទាប់ ដែលក្នុងនោះ បរិមាណនៃការនាំចូល និងនាំចេញ ក៏កើនឡើងគួរឱ្យកត់សម្គាល់ផងដែរ។ ឧត្តមស៊ុន […]
អានបន្ថែម
ក្នុងឆ្នាំ ២០២០ ផ្ទៃដីបឹងតាមោកយ៉ាងហោចជិត ៧០០ ហិកតាត្រូវបានកាត់ឱ្យស្ថាប័នរដ្ឋ និងឯកជន
ក្នុងឆ្នាំ ២០២០ នេះ រដ្ឋាភិបាលកម្ពុជាបានសម្រេចកាត់ដីបឹងតាមោកយ៉ាងហោច ៩ លើក ឬស្មើនឹង៦៨២ ហិកតា ឱ្យទៅជាកម្មសិទ្ធិឯកជន និងស្ថាប័នរដ្ឋមួយចំនួន។ នេះបើយោងតាមឯកសារដែលទស្សនាវដ្ដីសំណង់ និងអចលនទ្រព្យទទួលបាន។ ការកាត់ផ្ទៃដីនៅបឹងតាមោកនេះចំនួន ៩ ដងនោះ រួមមាន៖ ដើមខែមិនា ឆ្នាំ ២០២០៖ ដី ៨៣ ហិកតា ត្រូវបានរាជរដ្ឋាភិបាល សម្រេចកាត់ជូនរដ្ឋបាលរាជធានីភ្នំពញ ដើម្បីអភិវឌ្ឍសួន និងឧទ្យានធម្មជាតិសាធារណៈនេះ និងត្រូវបានបែងចែកជា ២ ផ្នែក។ ផ្នែកទី១ រាជរដ្ឋាភិបាលយល់ព្រមផ្តល់ផ្ទៃបឹងតាមោក (បឹងកប់ស្រូវ) ទំហំ៨ហិកតា ស្ថិតនៅសង្កាត់គោករកាខណ្ឌព្រែកព្នៅ រាជធានីភ្នំពេញ ដើម្បីសាងសង់អគារ និងហេដ្ឋារចនាសម្ព័ន្ធនាយកដ្ឋានកណ្តាលសន្តិសុខ នៃអគ្គស្នងការដ្ឋាននគរបាលជាតិ ក្រសួងមហាផ្ទៃ។ ផ្នែកទី ២ រាជរដ្ឋាភិបាលយល់ព្រមផ្តល់ផ្ទៃបឹងតាមោកទំហំ ៧៥ ហិកតា ដើម្បីអភិវឌ្ឍហេដ្ឋារចនាសម្ព័ន្ធ និងបង្កើតសួន ព្រមទាំងឧទ្យានធម្មជាតិសាធារណៈ។ (អានបន្ថែម) នៅថ្ងៃ ២៧ មេសា ឆ្នាំ២០២០៖ រដ្ឋាភិបាលបានសម្រេចដោះដូរដី ក្នុងទំហំ ៣០ […]
អានបន្ថែម
រោងចក្រផលិតដែកចេញពីអេតចាយតម្លៃ ១៧ លានដុល្លារ នៅកំពង់ស្ពឺ បើកឱ្យដំណើការជាផ្លូវការហើយ
រោងចក្រស្លដែក និងផលិតដែកតម្លៃជាង ១៧ លានដុល្លារថ្មីមួយ នៅស្រុកឧត្តុង ខេត្តកំពង់ស្ពឺ បានដាក់ឱ្យដំណើរការជាផ្លូវការហើយកាលពីចុងសប្តាហ៍មុន ដែលរួមចំណែកបង្កើនចំនួនរោងចក្រស្លដែកសរុបនៅកម្ពុជា ដល់ទៅ ៤ រោងចក្រ។ គម្រោងនេះ វិនិយោគដោយក្រុមហ៊ុនចិន Hong De Sheng (Cambodia) ដោយជំហានដំបូងនេះ រោងចក្រនឹងប្រើប្រាស់ការរំលាយដែកអេតចាយជាសំណល់រឹងនានាក្នុងប្រទេស ដោយអាចផលិតដែកក្នុងបរិមាណ កន្លះលានតោន ក្នុងមួយឆ្នាំ។ ឯកឧត្តម អ៊ុំ សុថា អ្នកនាំពាក្យក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ បានឱ្យដឹងថា៖ «វត្តមាន រោងចក្រស្លដែកនេះ នឹងរួមចំណែកដល់ការងារអភិវឌ្ឍន៍ហេដ្ឋារចនាសម្ព័ន្ធ និងសំណង់ ទាំងឯកជន និងរដ្ឋនៅកម្ពុជា»។ គួរបញ្ជាក់ផងដែរថា ក្រៅពីរោងចក្រស្លដែក Hong De Sheng (Cambodia) កម្ពុជាក៏មានរោងចក្រស្លដែកចំនួន ៣ ទៀត រួមមាន រោងចក្ររបស់ក្រុមហ៊ុន Cambodian Jin Liang Metallic Technology ស្ថិតនៅខេត្តព្រះសីហនុ ក្រុមហ៊ុន Dopro […]
អានបន្ថែម
ឯកឧត្តមស៊ុន ចាន់ថុល ជំរុញឱ្យពន្លឿនបញ្ចប់ការសាងសង់កំពង់ផែទេសចរណ៍កំពតត្រឹមខែ មិថុនា ឆ្នាំនេះ
ឯកឧត្តមស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានបញ្ជាឱ្យក្រុមហ៊ុនទទួលខុសត្រូវបន្ថែមកំលាំង និងដាក់ផែនការឱ្យបានច្បាស់លាស់ ធ្វើយ៉ាងណាពន្លឿនបញ្ចប់ការសាងសង់កំពង់ផែទេសចរណ៍កំពត ឱ្យបានក្នុងខែ មិថុនា ឆ្នាំ ២០២១ នេះ ក្រោយពន្យារពេលជាច្រើនសារមក។ ឯកឧត្តម ស៊ុន ចាន់ថុល បានមានប្រសាសន៍ក្នុងកិច្ចត្រួតពិនិត្យកំពង់ផែ កាលពីព្រឹកថ្ងៃទី ៤ ខែមករា នេះ ថា៖ «ក្រុមហ៊ុន គួរបន្ថែមមនុស្សធ្វើការទៀត ឬដាក់ផែនការរាប់ថយក្រោយឱ្យបានច្បាស់លាស់ ធ្វើយ៉ាងណាឱ្យចប់តាមផែនការនៅខែ ៦»។ «យើងធ្វើយឺតយ៉ាវបែបនេះ គឺមិនល្អទេ ខាងក្រសួងទេសចរណ៍ក៏មិនសប្បាយចិត្ត ខាងADB ក៏មិនសប្បាយចិត្ត។ ដូច្នេះ ត្រូវតែគោរពតាមលក្ខណៈបច្ចេកទេស សាងសង់ឲ្យបានត្រឹមត្រូវ ត្រឹមខែ ៦ តាមការសន្យាជាមួយក្រសួងសេដ្ឋកិច្ច និងហិរញ្ញវត្ថុ» ឯកឧត្តម បានបន្ត។ ក្រុមហ៊ុនសាងសង់ បានទទួលសំណើរបស់ ឯកឧត្តម ស៊ុន ចាន់ថុល ហើយក៏បានរាយការណ៍ថា មកទល់បច្ចុប្បន្នការសាងសង់សម្រេចបាន ៤៥% ហើយ ដោយនៅខែ មេសា ខាងមុខនេះ គឹគ្រោងនឹងបញ្ចប់គ្រោងអគារទាំងមូល។ គួរបញ្ជាក់ផងដែរថា […]
អានបន្ថែម
ផ្លូវជាតិលេខ ៣ នឹងមានជញ្ជីងវាស់ទម្ងន់រថយន្តតាមស្ថានីយ ២កន្លែង និងកាមេរ៉ាវាស់ល្បឿន ១១កន្លែង
ផ្លូវជាតិលេខ ៣ នឹងត្រូវបំពាក់ដោយជញ្ជីងថ្លឹងទម្ងន់រថយន្តតាមស្ថានីយចំនួន ២កន្លែង និងកាមេរ៉ាចាប់ល្បឿនចំនួន ១១កន្លែង ក្នុងគោលបំណងដើម្បីធានាបាននូវសុវត្ថិភាព និងគុណភាពផ្លូវដែលនឹងជួសជុលរួចរាល់ឆាប់ៗនេះ។ នេះបើយោងតាម ឯកឧត្តម ស៊ុន ចាន់ថុល ក្នុងឱកាសចុះត្រួតពិនិត្យការដ្ឋាន កាលពីថ្ងៃទី ៤ មករា។ ឯកឧត្តមបានមានប្រសាសន៍ថា ៖ «យើងនឹងរៀបចំដាក់ជញ្ចឹងកប់ក្រោមផ្លូវទាំងសងខាងផ្លូវ ប៉ុន្តែឥឡូវហ្នឹងយើងកំពុងពិភាក្សាគ្នាដើម្បីរកថវិកា ប៉ុន្តែមិនមែនថវិការបស់គម្រោងទេ។ តែយើងបានដាក់សាកល្បងប្រើជញ្ជឹងក្រោមដីនេះហើយ។ ដោយឡែក កាមេរ៉ាចាប់ល្បឿន ក៏នឹងដាក់តាមផ្លូវផងដែរ»។ ឯកឧត្តមបានបន្ថែមថា ក្រុមការងារក៏កំពុងពិភាក្សាពីការដាក់ជញ្ជីងក្រោមដី និងជញ្ជីងថ្លឹងទម្ងន់រថយន្តតាមស្ថានីយនៅលើផ្លូវនេះ ដើម្បីត្រួតពិនិត្យលើរថយន្តដែលបើកបរនៅលើផ្លូវនេះ ក៏ដូចជារក្សាគុណភាពផ្លូវផងដែរ។ ជាមួយគ្នានេះដែរ សម្ដេចនាយករដ្ឋមន្រ្តី ហ៊ុន សែន ក៏បានសម្រេចឱ្យសាងសង់ស្ពានអាកាសថ្មើរជើងឆ្លងផ្លូវជាតិលេខ ៣ នេះផងដែរ បើទោះជាមានការតវ៉ាពីប្រជាជនក្នុងតំបន់ជាច្រើនក្ដី។ (អានបន្ថែម) គួរបញ្ជាក់ផងដែរថា ការស្ថាបនាផ្លូវជាតិលេខ ៣ (ភ្នំពេញ – កំពត) ចំណាយទឹកប្រាក់អស់ប្រមាណជាង ២១៩ លានដុល្លារអាមេរិក។ គិតមកដល់បច្ចុប្បន្នការស្ថាបនា សម្រចបានប្រមាណ ៩០% ហើយគ្រោងនឹងបញ្ចប់នៅខែ កញ្ញា ឆ្នាំនេះ ពោលគឺបញ្ចប់មុនការគ្រោងទុក។ […]
អានបន្ថែម
ការដ្ឋានលើកកម្ពស់ផ្លូវជាតិលេខ៣សម្រេចបាន៩០%គ្រោងបញ្ចប់មុនផែនការ
គម្រោងស្ថាបនាផ្លូវជាតិលេខ៣ ពីរង្វង់មូលចោមចៅ ទៅក្រុងកំពត សម្រេចបាន៩០%ហើយ ដោយគម្រោងបញ្ចប់មុនផែនការ ពោលគឺនៅខែកញ្ញា ឆ្នាំ២០២១ នេះ។ នេះបើតាមប្រសាសន៍របស់ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន។ ក្នុងកិច្ចសម្ភាសន៍ជាមួយអ្នកសារព័ត៌មាននាព្រឹកថ្ងៃទី៤ ខែមករា ឆ្នាំ២០២១ នេះ ឯកឧត្តមស៊ុន ចាន់ថុល បានបញ្ជាក់ថា៖ «ការសាងសង់ផ្លូវនឹងចប់មុនកាលកំណត់នេះ គឺដោយសារតែក្រុមហ៊ុនចិនគាត់លួចបច្ចេកទេសសាងសង់មិនមានលួចគុណភាពនោះទេ ពោលគឺគុណភាពនៅល្អដូចដែលបានព្រមព្រៀងគ្នា»។ ឯកឧត្តមបានបន្តទៀតថា តាមប្លង់ដំបូងគឺមិនមានចំណុច U-turn (ចំណុចបើកទ្រូងផ្លូវសម្រាប់បត់រថយន្ត) ទេ តែឥឡូវ ក្រុមការងារនឹងរចនាចំណុច U-turn ផងដែរ ដោយផ្លូវនៅចំណុចនោះនឹងធំជាងធម្មតា ដើម្បីទុកកន្លែងឱ្យបត់ឡានដោយមានសុវត្ថិភាព។ លើសពីនេះ ក្រសួងក៏នឹងសាងសង់ផ្លូវអាកាសថ្មើរជើង ២កន្លែង ជញ្ជីងក្រោមដី ២កន្លែង និងបំពាក់កាមេរ៉ាចាប់ល្បឿន ១១កន្លែងផងដែរ (អានបន្ថែម និងបន្ថែម)។ គួរបញ្ជាក់ថា កំណាត់ផ្លូវជាតិលេខ៣ (ភ្នំពេញ-កំពត) មានប្រវែងសរុប ១៣៤គីឡូម៉ែត្រ ដោយក្នុងនោះ ប្រវែង ៦៩គីឡូម៉ែត្រ ចាប់ពីចោមចៅ ដល់បែកគុស នឹងត្រូវសាងសង់ជាផ្លូវ ៤គន្លង […]
អានបន្ថែម
សម្ដេច ហ៊ុន សែន សម្រេចឱ្យសង់ស្ពានអាកាសឆ្លងផ្លូវជាតិលេខ ៣ ជាក់លាក់ហើយ ទោះមានការតវ៉ាជាច្រើនក្ដី
សម្ដេចនាយករដ្ឋមន្រ្តី ហ៊ុន សែន បានសម្រេចឱ្យសាងសង់ស្ពានអាកាសថ្មើរជើងឆ្លងកាត់ផ្លូវជាតិលេខ ៣ ជាក់លាក់ហើយ ទោះមានការតវ៉ាពីប្រជាជនក្នុងតំបន់ជាច្រើនលើកច្រើនសារក្ដី។ នេះបើយោងតាម ឯកឧត្តម ស៊ុន ចាន់ថុល ក្នុងឱកាសចុះត្រួតពិនិត្យការដ្ឋានសាងសង់ផ្លូវជាតិលេខ៣ កាលពីថ្ងៃទី ៤ មករា នេះ។ រដ្ឋមន្ត្រីក្រសួងសាធារណការ និងដឹកជញ្ជូន ឯកឧត្តម ស៊ុន ចាន់ថុល បានឱ្យដឹងថា៖ «ស្ពានអាកាសនេះ មិនមែនស្ពានអាកាសសម្រាប់ឡានទេ គឺស្ពានថ្មើរជើង ឆ្លងកាត់មុខផ្សារត្រាំខ្នាថ្មី និងវិទ្យាល័យមួយ ដោយយើងបានសម្រេចឱ្យសាងសង់ហើយ»។ «កន្លងមកក៏មានការ តវ៉ាថាមិនគួរមានស្ពានទេ ព្រោះអាចធ្វើឱ្យខូចគុណភាពផ្សារ ហើយក៏មានការស្នើសុំពីសាលាថាឱ្យយើងបើកទ្រូងផ្លូវជំនួសវិញ» ឯកឧត្តមបានបន្ត។ ទាក់ទិននឹងបញ្ហានេះ ឯកឧត្តមបានធ្វើលិខិតស្ដីពីលក្ខខណ្ឌបច្ចេកទេសជូនទៅ សម្ដេច ស ខេង និងសម្ដេច ហ៊ុន សែន ថាគួរ ឬមិនគួរសង់ស្ពាននេះ។ ក្រោយពិចារណាសម្ដេចទាំង ២ បានឯកភាពឱ្យសង់ ហើយក្រើនឱ្យប្រជាជនក្នុងតំបន់ឱ្យចូលរួមសហការ។ ឯកឧត្តម ស៊ុន ចាន់ថុល បានឱ្យទៀតដឹងថា៖ «គោលបំណងចំបងនៃការធ្វើស្ពាននេះ គឺដើម្បីសុវត្ថិភាពរបស់អ្នកដើរផ្សារ និងសិស្សសាលា។ ផ្លូវដល់ទៅ […]
អានបន្ថែម