Vinhomes ចុះបញ្ជីក្នុងផ្សារហ៊ុនហូជីមិញ

• 8 ខែ​ឧសភា 2018
• ព័ត៌មានអចលនទ្រព្យ
• 3 មើល

ក្រុមហ៊ុនអភិវឌ្ឍន៍អចលនទ្រព្យដ៏ធំបំផុតរបស់វៀតណាមបានចុះបញ្ជីភាគហ៊ុនចំនួន ២,៧ប៊ីលានហ៊ុននៅក្នុងផ្សារហ៊ុនហូជីមិញ (HoSE) សម្រាប់វីឡាប្រណីត និងអាផាតមិនរបស់ខ្លួន។

ក្រុមហ៊ុន Vingroup ដែលមានមូលដ្ឋាននៅទីក្រុងហាណូយនេះ ត្រូវបានបង្កើតឡើងនៅឆ្នាំ ២០១៤ ដោយមានភាគហ៊ុន ៦៩,៦៧ភាគរយនៃដើមទុនសរុបរបស់ក្រុមហ៊ុន Vinhomes ដែលបានចុះបញ្ជីក្នុងតម្លៃ ១,១៧ ប៊ីលានដុល្លារអាមេរិក។

ក្រុមហ៊ុន Vingroup មានម៉ាកអចលនទ្រព្យជាច្រើនរួមមាន Vinhomes Royal City (ហាណូយ) Vinhomes Times City (ហាណូយ) Vinhomes Riverside (ហាណូយ) និង Vinhomes Dong Khoi (ទីក្រុងហូជីមិញ) ។

ធនាគារបរទេសចំនួន៤ ត្រូវបានគេកំណត់ថាជាអ្នកទិញការបោះផ្សាយលក់មូលបត្រកម្មសិទ្ធិលើកដំបូងជាសាធារណៈរបស់ Vinhomes ដែលក្នុងនោះមាន Citigroup, Credit Suisse, Deutsche Bank និង Morgan Stanley ។

ការលក់ភាគហ៊ុនបានមកពីកំណើនសេដ្ឋកិច្ចដ៏រឹងមាំរបស់វៀតណាមដែលជំរុញដោយតម្រូវការក្នុងស្រុក ចំណូលពីការនាំចេញ និងការកែទម្រង់។