ការនាំចូលសម្ភារសំណង់ មានទឹកប្រាក់ ១,២៧ពាន់លានដុល្លារ ក្នុងឆមាសទី១

• 1 ខែ​សីហា 2022
• Uncategorized
• 9 មើល

ទំហំទឹកប្រាក់នាំចូលវត្ថុធាតុដើមនិងសម្ភារសំណង់ មានជាង ១២៧០​លានដុល្លារ ក្នុងឆមាសទី១ឆ្នាំ២០២២នេះ កើនឡើងប្រមាណ ១០ភាគរយ ធៀបនឹងរយៈពេលដូចគ្នាកាលពីឆ្នាំមុន។

របាយការណ៍ឆមាសទី១ និងទិសដៅការងារឆមាសទី២ របស់ធនាគារជាតិនៃកម្ពុជា បង្ហាញថា ការនាំចូលសម្ភាៈសំណង់ ឈរនៅចំណាត់ថ្នាក់ទីបី បន្ទាប់ពីការនាំចូលវត្ថុធាតុដើមសម្រាប់វិស័យកាត់ដេរ និងប្រេងឥន្ទនៈ។

ធនាគារជាតិនៃកម្ពុជា លើកឡើងក្នុងរបាយការណ៍ថា កត្តាអំណោយផលក្នុងស្រុក នៃការបើកប្រទេសពេញលេញ និងសកម្មភាពសង្គម-សេដ្ឋកិច្ច គួបផ្សំនឹងការងើបឡើងនៃសេដ្ឋកិច្ចសកល បានជំរុញការនាំចេញផលិតកម្មន្តសាល និងគាំទ្រដល់សកម្មភាពក្នុងវិស័យសំណង់ និងអចលនទ្រព្យ។​

កាលពីឆ្នាំ២០២១ កម្ពុជានាំចូលវត្ថុធាតុដើមនិងសម្ភារសំណង់ មានតម្លៃសរុប ២ ៥៦៧ លានដុល្លារ កើនឡើងពី ២ ០២០ លានដុល្លារ​ក្នុងឆ្នាំ២០២០។​

• Economy and Finance