ក្រុមហ៊ុន Royal Railway ផ្សាយលក់មូលបត្របំណុលជាលើកទី២ តម្លៃ ២៤លានដុល្លារ

• Sommana Yan
• 23 ខែ​ធ្នូ 2022
• ព័ត៌មានក្នុងស្រុក
• 110 មើល

ក្រុមហ៊ុន រ៉ូយ៉ាល់ រេលវេ ម.ក បានបោះផ្សាយលក់មូលបត្របំណុលចំនួន ២៤លានដុល្លារអាមេរិកបន្ថែមទៀតជាសាធារណៈ ដែលគ្រោងនឹងចុះបញ្ជីនៅថ្ងៃទី២៩ ខែធ្នូនេះនៅផ្សារមូលបត្រកម្ពុជា។ នេះបើតាមសន្និសីទសារព័ត៌មានកាលពីថ្ងៃទី២២ ខែធ្នូ ឆ្នាំ២០២២។

ក្រុមហ៊ុននេះ បានប្រកាសលក់មូលបត្របំណុលជាលើកទី២ ដែលកាលពីលើកមុន ក្រុមហ៊ុនបានចុះបញ្ជីលក់មូលបត្របំណុលក្នុងផ្សារមូលបត្រកម្ពុជា ក្នុងទំហំទឹកប្រាក់សរុប ៤១ប៊ីលានរៀល ប្រមាណជា ១០លានដុល្លារអាមេរិក រួចហើយ។ (អានបន្ថែម)

បើតាមឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនិយ័តករមូលបត្រកម្ពុជាបានឱ្យដឹងថា ក្រុមហ៊ុនរ៉ូយ៉ាល់ រេលវេ ម.ក ជាក្រុមហ៊ុនទី៨ ដែលបានចុះបញ្ជី លក់នៅផ្សារមូលបត្រកម្ពុជា ដែលបានបោះផ្សាយច្រើនជាងគេ ហើយជាការបោះផ្សាយសញ្ញាបណ្ណផ្នែកហេដ្ឋារចនាសម្ព័ន្ធដំបូងគេបង្អស់ផងដែរនៅកម្ពុជា។

ឯកឧត្តមប្រតិភូបានបន្ថែមថា ការចូលរួមទិញនូវសញ្ញាបណ្ណនេះ ជាការចូលរួមចំណែកជាមួយក្រុមហ៊ុន Royal Railway នេះ ក្នុងការអភិវឌ្ឍបណ្តាញផ្លូវដែក ដែលកំពុងមានសក្តានុពលសម្រាប់សេដ្ឋកិច្ចកម្ពុជា។

គួរបញ្ជាក់ថា ក្រុមហ៊ុន រ៉ូយ៉ាល់ រេលវេ ម.ក ជាក្រុមហ៊ុនផ្តល់សេវាកម្មដឹកជញ្ជូនតាមផ្លូវដែក រថភ្លើងដឹកអ្នកដំណើរ ការជួលឃ្លាំងទំនិញ និងសេវាកម្មពន្ធ-គយ។

• Economy and Finance