គម្រោង D’SEAVIEW ចាប់ផ្តើមជំហានទី ២ របស់ខ្លួន

• 8 ខែ​កក្កដា 2016
• ព័ត៌មានអចលនទ្រព្យ
• 3 មើល

Camhomes ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន HLH Group បានចាប់ផ្តើមគម្រោងអភិវឌ្ឍន៍អចលនទ្រព្យចម្រុះ D’Seaview ដំណាក់កាលទី ២ របស់ខ្លួន នៅក្នុងខេត្តព្រះសីហនុ ប្រទេសកម្ពុជា បន្ទាប់ពីការដាក់លក់នូវខុនដូ ៣០០ ឯកតា នៅក្នុងដំណាក់កាលទី ២ ត្រូវបានអតិថិជនទិញអស់។

គម្រោង D’Seaview នេះមានទីតាំងស្ថិតនៅលើទំហំដីចំនួន ៩.៨១៨ ម៉ែត្រការ៉េ ចម្ងាយប្រហែល ១ គីឡូម៉ែត្រពីឆ្នេរសុខា ក្នុងនោះមានលំនៅឋានសរុបប្រមាណ ៧៣៥ ឯកតា ដែលមានជម្រើសចាប់ពីបន្ទប់គេងមួយ ដល់ជម្រើសបន្ទប់គេងបី។ អតិថិជននៅក្នុងដំណាក់កាលទី ១ មានទាំងអតិថិជនក្នុងស្រុក និងអន្តរជាតិ។

បច្ចុប្បន្នគម្រោងនេះស្ថិតនៅក្នុងដំណាក់កាលបុកគ្រឹះ ហើយបើតាមកាលវិភាគការងារសាងសង់ គម្រោងនេះគ្រោងនឹងបញ្ចប់ការសាងសង់ទាំងមូលក្នុងរយៈពេលពីរឆ្នាំបន្ទាប់ពីការចាប់ផ្តើមសាងសង់របស់ខ្លួន។

ក្រុមហ៊ុន Camhomes ដែលមានមូលដ្ឋាននៅប្រទេសសិង្ហបុរី បានផ្លាស់ប្តូរយ៉ាងលឿន ដើម្បីពង្រឹងខ្លួននៅក្នុងទីផ្សារកម្ពុជាជាមួយនិងគម្រោងជាច្រើននៅទូទាំងប្រទេស។