ត្រឹមឆ្នាំ២០២២ កម្ពុជាសង់ផ្លូវជាតិសរុបបានជាង ៨០០ខ្សែ ស្មើនឹងជាង ១៩ពាន់គីឡូម៉ែត្រ

• Sommana Yan
• 15 ខែ​កុម្ភៈ 2023
• ព័ត៌មានក្នុងស្រុក
• 216 មើល

គិតត្រឹមឆ្នាំ២០២២ ផ្លូវជាតិ និងផ្លូវខេត្ត ដែលគ្រប់គ្រងដោយក្រសួងសាធារណការ និងដឹកជញ្ជូន មានសរុបចំនួន ៨៣​​១​​ខ្សែ កើនឡើង ៨៤ខ្សែ ស្មើនឹង ១៩.៧៩៥,១ គ.ម កើនឡើងប្រវែង ៩៩១,៩០ គ.ម។ នេះបើតាមរបាយការណ៍បូកសរុបលទ្ធផលការងារឆ្នាំ២០២២ និងលើកទិសដៅការងារឆ្នាំ២០២៣ របស់ក្រសួងសាធារណការ និងដឹកជញ្ជូន។

ក្នុងនោះ ផ្លូវក្រាលកៅស៊ូបានប្រវែង ១០.៦៩២,៨៣ គ.ម (កើន ៦៩៨,៩៦ គ.ម) និងក្រាលបេតុងបានប្រវែង ៣៤៩,​៣៨​គ.ម (កើន ៦១,៦៦គ.ម) ស្មើនឹង ៥៥,៧៨% នៃប្រវែងផ្លូវសរុប។

ចំពោះ ផ្លូវជាតិកម្រិត១ ចំនួន ០៩ខ្សែ មានប្រវែង ២.២៥៤ គ.ម (ក្រាលកៅស៊ូ និងបេតុងបាន ១០០% ) ខណៈផ្លូវជា​តិកម្រិត២​ មានចំនួន ៧២ខ្សែ (កើន១ខ្សែ) មានប្រវែង ៥.១៦១,១០ គ.ម (ក្នុងនោះក្រាលកៅស៊ូ និងបេតុងមាន ៣​.៩​២​៧​,​​៦៣ ​គ.​ម ស្មើនឹង ៧៦%) ថយចុះប្រវែង ១៧,០៤ គ.ម បើធៀបទៅឆ្នាំ២០២១ មានប្រវែង ៥.១៧៨,១៤ គ.ម​​​។

ដោយឡែក ផ្លូវខេត្តមានចំនួន ៧៥០ ខ្សែ (កើន ៨៣ខ្សែ) មានប្រវែងសរុប ១២.៣៨០ គ.ម កើនឡើងប្រវែង ១ ០០​៩​ ​​គ.ម បើធៀបទៅឆ្នាំ២០២១ មានប្រវែង ១១.៣៧១ គ.ម (ក្នុងនោះក្រាលកៅស៊ូ និងបេតុងបាន ៤.៨៦០ គ.ម ស្មើ ៣៩%)។

• Road and Infrastructure