ទីផ្សារប្រណីតីិនៅទីក្រុងហូជីមិញកំពុងតែរីកចម្រើនខ្លាំង

• 30 ខែ​មីនា 2017
• ព័ត៌មានអចលនទ្រព្យ
• 3 មើល

ទីផ្សារខុនដូប្រណីិតកំពុងតែរីកចម្រើនខ្លាំងនៅក្នុងទីក្រុងហូជីមិញ ដែលជាទីក្រុងធំបំផុតទីពីររបស់ប្រទេសវៀតណាម ហើយកំពុងតែបន្តនាំមុខជាចលករនៃវិស័យអចលនទ្រព្យនៅអាស៊ាន។

របាយការណ៍ថ្មីមួយរបស់ CBRE បានចាត់ទុកទីផ្សារដែលមានសុទិដ្ឋិនិយម ជាមួយនិងបន្ទប់ខុនដូចំនួន ៤៣.៨៦១ កំពុងដាក់លក់អនឡាញនៅឆ្នាំ ២០១៧ ដែលក្នុងនោះបន្ទប់ខុនដូចំនួន ១.៦២៧ ស្ថិតនៅក្នុងវិស័យទីផ្សារខុនដូប្រណីត។

នេះគឺបន្តពីភាពរឹងមាំនៅឆ្នាំ ២០១៦ នៅពេលដែលបន្ទប់ខុនដូចំនួន ៣៧.៤១៩ ត្រូវបានដាក់លក់។ ទោះបីជាចំនួនបន្ទប់ខុនដូដែលបានលក់ចេញនៅឆ្នាំ ២០១៦ សរុបមានចំនួនតែ ៣៥.០០៨ ធ្លាក់ចុះ ៤,៥ភាគរយ ពីឆ្នាំ ២០១៥ ក៏ដោយ ប៉ុន្តែថ្លៃបន្ទប់ខុនដូបានកើនឡើង ៤,៦ ភាគរយ ធៀបនឹងឆ្នាំមុនក្នុងរយៈពេលដូចគ្នា។

ភាគច្រើននៃកំណើននេះគឺត្រូវបានជម្រុញដោយទំនុកចិត្តរបស់វិនិយោគិននៅអាស៊ីលើសេដ្ឋកិច្ចរបស់វៀតណាម ដោយការវិនិយោគផ្ទាល់ពីបរទេស (FDI) មានកម្រិតខ្ពស់បំផុត ក្នុងរយៈពេលប្រាំបីឆ្នាំមកនេះ។