ប្រឡាយ ផ្លូវ៦០ម៉ែត្រ នៅអង្គរឃ្យុងយូ នឹងប្រែមុខមាត់ទៅជាសួនកំសាន្ដប្លែកថ្មីមួយ

• 4 ខែ​កុម្ភៈ 2021
• ព័ត៌មានក្នុងស្រុក
• 9 មើល

អាជ្ញាធរជាតិអប្សរា ឆាប់ៗនេះ នឹងកែប្រែមុខមាត់ប្រឡាយតាមបណ្ដោយផ្លូវ៦០ម៉ែត្រ នៅតំបន់អង្គរឃ្យុងយូ ខេត្តសៀមរាប ឱ្យទៅជាសួនកំសាន្ដដែលមានផ្លូវកង់ ផ្លូវថ្មើរជើង និងកន្លែងអង្គុយលេង ដ៏ស្រស់ស្អាត ក្នុងគោលបំណងដើម្បីលើកកម្ពស់សោភណ្ឌភាពក្រុង និងទាក់ទាញភ្ញៀវទេសចរ។

លោក ហង់ ពៅ អគ្គនាយកអាជ្ញាធរជាតិអប្សរា កាលពីថ្ងៃទី២ ខែកុម្ភៈ បានឱ្យដឹងថា ប្រឡាយទឹកតាមបណ្តោយផ្លូវ៦០ម៉ែត្រ មានទទឹងប្រវែង ៤ម៉ែត្រ ជម្រៅ២ម៉ែត្រ និងមានចម្ងាយជិត២គីឡូម៉ែត្រ។ ប៉ុន្តែ នៅដំណាក់កាលទីមួយ គឺនឹងកែលម្អពីចំណុចស្ពាននាគ ដល់ចំណុចរង្វង់មូលនាងអប្សរា តំបន់អង្គរឃ្យុងយូ។

លោកបន្តថា៖ «សម្រាប់ដំណាក់កាលបន្ទាប់ នឹងបន្តចាប់ពីចំណុចរង្វង់មូលនាងអប្សរា ឆ្ពោះទៅកាន់ផ្លូវជាតិលេខ៦ និងចាប់ពីចំណុចឆែកសំបុត្រ និងទៅកាន់ប្រាសាទស្រះស្រង់ ឬផ្លូវទៅព្រះដាក់ ស្រុកបន្ទាយស្រី»។

អាជ្ញាធរជាតិអប្សរា បានឱ្យដឹងថា គម្រោងកែលម្អប្រឡាយទឹកផ្លូវ៦០ម៉ែត្រនេះ នឹងប្រើពេលស្ថាបនា ក្នុងរយ:ពេល១៨ខែ៕

• Road and Infrastructure
• Projects Development