មីយ៉ាន់ម៉ាប្រឈមនឹងកង្វះលំនៅដ្ឋាន

• Proeksa Meas
• 3 ខែ​តុលា 2017
• Uncategorized @km
• 178 មើល

កំណើនសេដ្ឋកិច្ចរបស់មីយ៉ាន់ម៉ាថ្មីៗនេះ បានផ្តោតការយកចិត្តទុកដាក់លើតម្រូវការលំនៅដ្ឋាននាពេលអនាគតរបស់ខ្លួនចំពេលមានការព្រួយបារម្ភអំពីកង្វះលំនៅឋានសម្រាប់រយៈពេលមធ្យម។

នៅក្នុងព្រឹត្តិការណ៍អចលនទ្រព្យថ្មីមួយ ដែលរៀបចំឡើងដោយវេបសាយអចលនទ្រព្យ House.com.mm នាយកដ្ឋានអភិវឌ្ឍន៍លំនៅដ្ឋាននៃក្រសួងសំណង់ បានប្រកាសថា នាយកដ្ឋានមានគម្រោងអភិវឌ្ឍន៍ផ្ទះចំនួន ៨.០០០ ខ្នងក្នុងមួយឆ្នាំ។

ទោះជាយ៉ាងណា តួលេខប៉ាន់ស្មានតម្រូវការផ្ទះចំនួន ៤,៨លានខ្នងនៅឆ្នាំ ២០៤០ នោះ គឺមានត្រឹមតែ ២០ភាគរយ នៃឱនភាពប៉ុណ្ណោះ។ យោងតាមគេហទំព័រ House.com.mm អនុប្រធាននាយកដ្ឋានលោក Nway Hmu បានលើកឡើងថា លោករំពឹងថានឹងលើកយកតម្រូវការលំនៅឋានដែលនៅសេសសល់ទៅកាន់រដ្ឋាភិបាលតំបន់ និងរដ្ឋាភិបាលសហព័ន្ធ។

យោងតាមរបាយការណ៍អចលនទ្រព្យ មានការរំពឹងថាប្រទេសភូមានឹងមានផ្ទះចំនួន ១៦លានខ្នង នៅឆ្នាំ ២០៤០ កើនឡើងពីចំនួន ១០,៨៨ លានខ្នង ក្នុងឆ្នាំ ២០១៤។ នៅទីក្រុងរ៉ង់ហ្គូនតែមួយ មានផ្ទះចំនួន ១,៥៨ លានខ្នងនៅឆ្នាំ ២០១៤ ហើយគេរំពឹងថាតួលេខនេះនឹងកើនឡើងដល់ ២,៦៥ លានខ្នងនៅឆ្នាំ ២០៤០។