រដ្ឋលើកលែងបង់ថ្លៃសេវាសំខាន់ចំនួន ៣ ក្នុងវិស័យសំណង់ និងដីធ្លី

• Sommana Yan
• 26 ខែ​ឧសភា 2023
• Uncategorized @km
• 226 មើល

ក្រសួងសេដ្ឋកិច្ច និងហិរញ្ញវត្ថុ​ និងក្រសួងរៀបចំដែនដី នគរូបនីយកម្ម និងសំណង់ បានសម្រេចលើកលែងការបង់ថ្លៃសេវាសាធារណៈចំនួន៣ ក្នុងវិស័យសំណង់ និងដីធ្លី។ នេះបើតាមប្រកាសអន្តរក្រសួងលេខ ៣១២ សហវ.ប្រក.អទច ចុះថ្ងៃទី២២ ខែឧសភា ឆ្នាំ២០២៣។

សេវាសាធារណៈទាំង ០៣ ដែលត្រូវទទួលបានការលើកលែងនោះរួមមាន៖

១. ការផ្តល់គោលការណ៍សាងសង់ និងគោលការណ៍អភិវឌ្ឍន៍ដី ការផ្តល់លិខិតអនុញ្ញាតសាងសង់ និងការផ្តល់លិខិតអនុញ្ញាតសាងសង់លើសកម្រិតសន្ទស្សន៍ប្រើប្រាស់ដីអតិបរមាផ្លូវការ ចំពោះសំណើសុំសាងសង់អគារមន្ទីរពេទ្យ​ឯកជន សាងសង់អគារសាលារៀនឯកជន និងសាងសង់លំនៅឋានតម្លៃសមរម្យ។

២. ការចុះបញ្ជីដំបូងលើចំណែកឯកជននៃអគារសហកម្មសិទ្ធិ ចំពោះគម្រោងអភិវឌ្ឍន៍លំនៅឋានតម្លៃសមរម្យ។

៣. ការផ្តល់វិញ្ញាបនបត្រវាស់វែងលើកដំបូង សម្រាប់អ្នកវាស់វែងដែលជាមន្ត្រីរាជការ។

• Laws and Regulation