រយៈពេល៤ខែ កម្ពុជានាំចូលដែក និងដែកថែប ប្រមាណ ១៦៨លានដុល្លារ កើនជាង ៣០%

Sommana Yan
10 ខែមិថុនា 2024
Uncategorized
101 មើល

ក្នុងរយៈពេល ០៤ខែ ដើមឆ្នាំ២០២៤ កម្ពុជាបាននាំចូលដែក និងដែកថែបមានទឹកប្រាក់ចំនួន ១៦៨លានដុល្លារ។ នេះបើតាមរបាយការណ៍របស់អគ្គនាយកដ្ឋានគយនិងរដ្ឋាករ។

បើតាមប្រភពដដែលនេះ ការនាំចូលខាងលើគឺមានកំណើន ៣០,៦ភាគរយ ធៀបនឹងរយៈពេលដូចគ្នាកាលពីឆ្នាំ២០២៣ ដែលមានទឹកប្រាក់ត្រឹមតែ ១២៩លានដុល្លា។

បន្ថែមពីលើនេះ ការនាំចូលសម្ភារៈធ្វើពីដែក ឬដែកថែប ក៏មានកំណើនគួរឱ្យកត់សម្គាល់ដែរ ដែលមានទឹកប្រាក់ប្រមាណ ២២៤,៨១លានដុល្លារ កើនឡើង ៤៥,៤ភាគរយ បើធៀបនឹងរយៈពេលដូចគ្នាកាលពីឆ្នាំមុន ការនាំចូលមានទឹកប្រាក់ត្រឹមតែ ១៥៤លានដុល្លារ ។

តាមរយៈកំណើននាំចូលខាងលើនេះ គេអាចបង្ហាញបានថា វិស័យសំណង់នៅក្នុងប្រទេសកម្ពុជាចាប់ផ្ដើមមានសកម្មភាពឡើងវិញនៅក្នុងឆ្នាំ២០២៤ នេះ ដោយរំពឹងថានឹងទទួលបានការវិនិយោគឡើងវិញជាបន្តបន្ទាប់ ក្រោយពីសកម្មភាពនៃវិស័យនេះបានថមថយអស់រយៈពេលប៉ុន្មានឆ្នាំកន្លងមក។

- Video Advertisement -