ត្រឹម ៩ខែ ២០២៦ កម្ពុជារកចំណូលបានជាង ១,៧ ប៊ីលានដុល្លារ ពីឧស្សាហកម្មនាំចេញសំបកកង់រថយន្ត

Proeksa Meas
21 ខែតុលា 2026
ព័ត៌មានអចលនទ្រព្យ
38 មើល

ក្នុងរយៈពេល ៣ ត្រីមាសក្នុងឆ្នាំ២០២៦ ពោលគិតចាប់ពីខែមករា ដល់ខែកញ្ញា ឆ្នាំ២០២៦ កម្ពុជារកចំណូលបានជាង ១,៧ ប៊ីលានដុល្លារពីការនាំចេញសំបកកង់រថយន្តទៅទីផ្សារអន្តរជាតិ។ នេះបើយោងតាមទិន្នន័យអគ្គនាយកដ្ឋានគយ និងរដ្ឋាករកម្ពុជា(GDCE) ផ្សាយចេញកាលពីពេលថ្មីៗនេះ។

ប្រភពដដែលបន្តថា ចន្លោះពីខែមករា-កញ្ញា ឆ្នាំ២០២៦ កម្ពុជារកចំណូលពីការនាំចេញសំបកកង់រថយន្តទៅទីផ្សារអន្តរជាតិបាន ១.៧២៣ លានដុល្លារ កើនឡើង ៧៧,៤៦% បើធៀបនឹងរយៈពេលដូចគ្នាកាលពីឆ្នាំមុន។ ឧស្សាហកម្មនាំចេញសំបកកង់រថយន្តកំពុងក្លាយជាទំនិញអាទិភាពមួយរបស់កម្ពុជា បន្ទាប់ពីវិស័យវាយនភណ្ឌ និងកសិកម្ម។

យោងតាមក្រសួងពាណិជ្ជកម្ម ការនាំចេញផលិតផលសំបកកង់រថយន្តរបស់កម្ពុជាក្នុងឆ្នាំ២០២៥ សម្រេចបានទឹកប្រាក់ ១,៣៨ ប៊ីលានដុល្លារ កើនឡើង ៥៧,៨៦% បើធៀបនឹងឆ្នាំ២០២៤។

គិតត្រឹមខែកក្កដា ឆ្នាំ២០២៦ កម្ពុជាមានផ្ទៃដីដាំកៅស៊ូសរុប ៤៤៨.០៥១ ហិកតា។ ក្នុងនោះ ផ្ទៃដីដែលអាចចៀរជ័របានមានចំនួន ៣៥៧.៤៨៣ ហិកតា ស្មើនឹង ៨០% នៃផ្ទៃដីសរុប ខណៈផ្ទៃដីកៅស៊ូដែលកំពុងថែទាំមានចំនួន ៩០.៥៦៨ ហិកតា ស្មើនឹង ២០%។ នេះបើតាមក្រសួងកសិកម្ម រុក្ខាប្រមាញ់ និងនេសាទ កាលពីពេលថ្មីនេះ៕ (អានបន្ថែម)

- Video Advertisement -