រោងចក្រស៊ីម៉ង់ដ៍ក្នុងស្រុក ផលិតស៊ីម៉ង់ដ៍បាន១,៥លានតោន ក្នុងរយៈពេលពីរខែដើមឆ្នាំ

• 18 ខែ​មីនា 2022
• Uncategorized
• 10 មើល

ផលិតកម្មស៊ីម៉ង់ដ៍ក្នុងស្រុក សម្រេចបានប្រមាណ ១,៥លានតោន ក្នុងរយៈពេលពីរខែដើមឆ្នាំ២០២២នេះ មានកំណើ​ន ២ភាគរយ ធៀបនឹងរយៈពេលដូចគ្នា​កាលពីឆ្នាំ២០២១។​

យោងតាមរបាយការណ៍ពីសមាគមឧស្សាហកម្មស៊ីម៉ង់ដ៍កម្ពុជា រោងចក្រទាំងប្រាំដែលជាសមាជិករបស់សមាគម ផលិតស៊ីម៉ង់ដ៍ ផលិតស៊ីម៉ង់ដ៍ក្នុងខែ កុម្ភៈ មានបរិមាណ ប្រមាណ ៧៩៩ ២២៦ តោន កើនឡើង ពី៧២៥ ០២២ តោន ក្នុងខែមករា។​

កាលពីឆ្នាំមុន បរិមាណ ស៊ីម៉ង់ដ៏ផលិតក្នុងស្រុក មានបរិមាណ ៨,៧លានតោន ប្រហាក់ប្រហែលបរិមាណផលិតក្នុងឆ្នាំ២០២០។​

បច្ចុប្បន្ន មានរោងចក្រស៊ីម៉ង់ដ៍ចំនួនប្រាំ កំពុងដំណើរការនៅកម្ពុជា ក្នុងនោះមានរោងចក្រស៊ីម៉ង់ដ៏ កំពត ស៊ីមេន ខូអិលធីឌី (Kampot Cement Co., Ltd) រោងចក្រស៊ីម៉ងតិ៍កម្ពុជា ចក្រីទីង (Cambodia Cement Chakreyting Co., Ltd) រោងចក្រស៊ីម៉ង់តិ៍ ជីប ម៉ុង អ៊ិនស៊ី ស៊ីមេន ខបភើរេស៊ិន (Chip Mong Insee Cement Corporation) រោងចក្រស៊ីម៉ងត៍ បាត់ដំបង ខនស៍ ស៊ីមេន លីមីធីត និងរោងចក្រស៊ីម៉ង់តិ៍ថៃប៊ុនរ៉ុង។

• Economy and Finance