រដ្ឋាភិបាលត្រៀមកាត់ដីសរុបជាង ១០០០ ហិកតា ជូនប្រជាជនក្រីក្រនៅខេត្តបាត់ដំបង

30 ខែមីនា 2021
Uncategorized @km
9 មើល

រដ្ឋបាលខេត្តបាត់ដំបង បាននឹងកំពុងរៀបចំដីដីសម្បទានសង្គមកិច្ចប្រមាណជាង ១០០០ហិកតា ដើម្បីចែកជូនប្រជាពលរដ្ឋក្រីក្រ និងប្រជាពលរដ្ឋដែលកំពុងរស់នៅតំបន់ដែនជម្រកសត្វព្រៃភ្នំសំកុស និងតំបន់ប្រើប្រាស់ច្រើនយ៉ាងសំឡូត។ នេះបើយោងតាមវិទ្យុជាតិកម្ពុជា កាលពីថ្ងៃទី ២៩ មីនា។

លោក កត់ បូរ៉ាណ ប្រធានមន្ទីរបរិស្ថានខេត្តបាត់ដំបង បានឱ្យដឹងថា រដ្ឋបាលខេត្តកំពុងចុះវាយតម្លៃដី ដែលស្ថិតក្នុងភូមិកំពង់ល្ពៅ ឃុំកំពង់ល្ពៅ ស្រុកសំឡូត ទំហំជាង ១០០០ហិកតា ដើម្បីធ្វើសំណើរស្នើសុំដីពីរដ្ឋាភិបាល។

ជាមួយគ្នានេះដែរ ឯកឧត្តម ងួន រតនៈ អភិបាលខេត្តបាត់ដំបង ក៏ធ្លាប់បានប្រាប់អាជ្ញាធរមូលដ្ឋានឱ្យ គ្រប់គ្រងដីតំបន់នេះឱ្យបានជាដាច់ខាត ចៀសវាងការទន្ទ្រានយកដីធ្វើជាកម្មសិទ្ធិ មុនពេលចែកជូនប្រជាជន។

គួរបញ្ជាក់ថា ដីដែលត្រៀមធ្វើជាសម្បទានសង្គមកិច្ចនេះ ត្រូវបែងចែកជូនប្រជាពលរដ្ឋក្រីក្រ មានទីតាំងស្ថិតនៅជិតផ្លូវជាតិលេខ ១០ ផងដែរ។

- Video Advertisement -