ការដ្ឋានជួសជុលកំណាត់ផ្លូវទាំង ២៩ខ្សែ ដែលខូចខាតដោយទឹកជំនន់ សម្រេចបានជាង៥០%ហើយ

31 ខែមីនា 2021
ព័ត៌មានក្នុងស្រុក
15 មើល

ការដ្ឋានជួសជុល និងអ៊ុតកៅស៊ូលើកំណាត់ផ្លូវទាំង ២៩ខ្សែ ដែលខូចខាតដោយសារទឹកជំនន់កាលពីខែតុលា ឆ្នាំ២០២០ កន្លងទៅនេះ គិតមកដល់បច្ចុប្បន្ន សម្រេចបាន ១៦ ខ្សែ ហើយ ពោលគឺប្រមាណ ៥០%។ នេះបើយោងតាមរដ្ឋបាលរាជធានីភ្នំពេញកាលពីថ្ងៃទី ២៩ មីនា។

មន្ត្រីរដ្ឋបាលរាជធានីភ្នំពេញ បានប្រាប់វិទ្យុជាតិកម្ពុជាថា គិតត្រឹមថ្ងៃទី ២៨ មីនា ក្រុមការងារបានបញ្ចប់ការអ៊ុតកៅស៊ូផ្លូវមួយចំនួនជុំវិញរង្វង់មូលគួចកាណុង (ស្តាតចាស់) រួចហើយ ដោយកំពុងបន្តការអ៊ុតកៅស៊ូផ្លូវលេខ ៤៧ បន្តទៀត ពីរង្វង់មូលស្ដាតចាស់ ដល់វត្តភ្នំ។

ប្រភពដដែលបានឱ្យដឹងថា គោលដៅបន្ទាប់គឺការជួលជុល និងអ៊ុតកៅស៊ូផ្លូវនៅខណ្ឌទួលគោក។

គួរបញ្ជាក់ផងដែរ ទឹកជំនន់កាលពីឆ្នាំមុន បានធ្វើឱ្យខូចខាតហេដ្ឋារចនាសម្ព័ន្ធទូទាំងប្រទេសជាង ៣ពាន់គីឡូម៉ែត្រ ដោយថវិកាយ៉ាងហោច ៩១លានដុល្លារអាមេរិក នឹងត្រូវចំណាយដើម្បីជួសជុល។ ក្នុងនោះ ផ្លូវ ២៩ខ្សែ ក្នុងរាជធានីភ្នំពេញ ក៏បានទទួលរងការខូចខាតផងដែរ។ (អានបន្ថែម)

- Video Advertisement -