Norway គ្រោងសង់ផ្លូវរូងក្រោមដី តែអណ្តែតទឹកដំបូងបង្អស់របស់ពិភពលោក

• 18 ខែ​មិថុនា 2023
• Uncategorized
• 12 មើល

រដ្ឋបាលផ្លូវសាធារណៈន័រវេស (NPRA) បានស្នើសង់ផ្លូវរូងក្រោមដីអណ្តែតទឹកដំបូងបង្អស់លើពិភពលោក ដែលព្យាករណ៍ថាអាចនឹងចំណាយអស់ 40ពាន់លានដុល្លារ។

ផ្លូវរូងបណ្ដែតទឹកនេះនឹងជួយកាត់បន្ថយការធ្វើដំណើរពីទីក្រុង Kristiansand ភាគខាងត្បូងនៃប្រទេស ទៅកាន់ Trondheim នៅភាគខាងជើងនៃប្រទេស បានជាងពាក់កណ្ដាល។ ជាធម្មតា ការធ្វើដំណើរចំណាយពេល 21ម៉ោង ដោយត្រូវឆ្លងសាឡាងចំនួន 7 និងឆ្លងកាត់ដៃសមុទ្រជ្រៅ ឬFjord ជាង 1,190កន្លែង ។ ប៉ុន្តែជាមួយនឹងផ្លូវបណ្ដែតទឹកថ្មីនេះ អ្នកអាចបើកបរក្រោមសមុទ្របានយ៉ាងងាយស្រួល។

ជាក់ស្ដែង នៅពេលដៃសមុទ្រ ឬ Fjord មានជម្រៅលើសពី 1គីឡូម៉ែត្រ ឬទទឹងវែង 5 គីឡូម៉ែត្រ បាតសមុទ្រនឹងជ្រៅពេក ហើយមិនអាចខួងសាងសង់ផ្លូវរូងក្រោមសមុទ្របែបធម្មតា ឬធ្វើស្ពានបានទេ។ ដូច្នេះហើយ ទើបគម្រោងផ្លូវបណ្ដែតទឹកនេះត្រូវបានស្នើឡើង។

​ផ្លូវ​រូង​ក្រោម​ដី​អណ្តែត​ទឹក​នេះនឹងមាន​ជម្រៅ​ប្រហែល ៣០ម៉ែត្រ​ក្រោម​ផ្ទៃ​ទឹក ដោយនឹងត្រូវភ្ជាប់គ្នានឹងថ្មនៅត្រើយសងខាងសមុទ្រ និងទប់លំនឹងដោយប្រើពោងបណ្ដែក​លើ​ផ្ទៃ​សមុទ្រ។ ពោងនីមួយៗ នឹងមានគំលាតធំទូលាយ​  ដើម្បី​អនុញ្ញាត​ឲ្យ​នាវា​ឆ្លងកាត់បាន។

រដ្ឋបាលផ្លូវសាធារណៈន័រវេស (NPRA) មានគោលបំណងបញ្ចប់ការសាងសង់នៅឆ្នាំ 2050 ។ បើសង់បានពិតមែន គម្រោងនេះនឹងក្លាយជាគម្រោងយក្សសម្រាប់ពិភពលោក។

• Road and Infrastructure
• Projects Development