ADB ត្រៀមថវិកាជាង ១,៤ ពាន់លានដុល្លារសម្រាប់ជួយកម្ពុជាពីឆ្នាំ ២០២១ ដល់ ២០២៤

• 27 ខែ​កញ្ញា 2021
• Uncategorized
• 11 មើល

ធនាគារអភិវឌ្ឍន៍អាស៊ី (ADB) បានត្រៀមកម្ចីទឹកប្រាក់សរុប ១,៤៩ប៊ីលានដុល្លារ និងជំនួយឥតសំណង ៣១,៨ លានដុល្លារ សម្រាប់កម្ពុជាក្នុងរយៈពេល ៤ឆ្នាំ ពីឆ្នាំ២០២១ ដល់២០២៤។

យោងតាមសេចក្តីប្រកាសរបស់ ADB ចេញផ្សាយកាលពីសប្តាហ៍មុន ទឹកប្រាក់កម្ចី និងជំនួយឥតសំណងនេះ គឺសម្រាប់គាំទ្រដល់ការអភិវឌ្ឍសេដ្ឋកិច្ច និងការងើបឡើងវិញពីជំងឺរាតត្បាតកូវីដ១៩របស់កម្ពុជា។

ទាក់ទិននិងកម្ចី បើយោងតាមក្រសួងសេដ្ឋកិច្ច និងហិរញ្ញវត្ថុ គិតត្រឹមដំណាច់ឆមាសទី១ឆ្នាំ២០២១ កម្ពុជាមានសន្និធិបំណុលសាធារណៈសរុប ចំនួន ៩,១២ប៊ីលានដុល្លារ ដោយសុទ្ធតែជាបំណុលសាធារណៈក្រៅប្រទេស។ (អានបន្ថែម)

យ៉ាងណាមិញ នៅក្នុងឆមាសទី១ ឆ្នាំ២០២១ កម្ពុជា មិនមានការចុះហត្ថលេខាលើកិច្ចព្រមព្រៀងខ្ចីឥណទានសម្បទានថ្មីទេ ដោយសារគម្រោងអភិវឌ្ឍន៍ថ្មីជាច្រើន កំពុងស្ថិតក្នុងដំណាក់កាលសិក្សា និងរៀបចំ ហើយត្រូវបានពន្យារពេលដោយសារការរីករាលដាលជំងឺកូវីដ១៩។

គួរបញ្ជាក់ថា កាលពីថ្មីៗនេះ ធនាគារអភិវឌ្ឍន៍អាស៊ី (ADB) ក៏បានបន្ថយការព្យាករណ៍កំណើនសេដ្ឋកិច្ចកម្ពុជាសម្រាប់ឆ្នាំ២០២១ ពី ៤% មកត្រឹម ១,៩% ប៉ុណ្ណោះ ប៉ុន្តែថាឆ្នាំ២០២២ អាចនឹងមានកំណើនដល់ទៅ ៥,៥%។ (អានបន្ថែម)

• Economy and Finance