Bentley ផ្តល់រង្វាន់សរុប ១ លានដុល្លារ ដល់អាជីវកម្ម ៤ ដែលប្រើបច្ចេកវិទ្យា iTwins និង Cesium

webmaster@construction-property.com
6 ខែតុលា 2025
ព័ត៌មានអន្តរជាតិ
105 មើល

ក្រុមហ៊ុន Bentley Systems ថ្មីៗនេះ បានផ្ដល់រង្វាន់សរុប ១ លានដុល្លារឱ្យទៅក្រុមហ៊ុន start-up ចំនួន ៤ ដែលកំពុងប្រើប្រាស់បច្ចេកវិទ្យាប្រើ iTwins និង Cesium ដើម្បីធ្វើបដិវត្តន៍ការរចនា និងការគ្រប់គ្រងអាជីវកម្មរបស់ពួកគេ។

ក្រុមហ៊ុនជ័យលាភីទាំងបួនដែលត្រូវបានជ្រើសរើស នីមួយៗនឹងទទួលបានមូលនិធិរហូតដល់ ២៥០,០០០ ដុល្លារ បូករួមទាំងការគាំទ្រផ្នែកបច្ចេកទេស និងទីផ្សារយ៉ាងទូលំទូលាយពី Bentley ក្នុងរយៈពេលបួនខែ។

ចំណុចសំខាន់នៃកម្មវិធីឆ្នាំនេះ គឺផ្តោតលើក្រុមហ៊ុន Start-up ដែលបង្កើតដំណោះស្រាយដោយប្រើប្រាស់ ទន្នន័យភូមិសាស្ត្របែបរស់រវើកដែលស្គាល់ថា Cesium និង 3D Tiles (Bentley បានទិញ Cesium ក្នុងឆ្នាំ ២០២៤) ដើម្បីពង្រឹងអាជីវកម្មរបស់ខ្លួន។

លោក James Kress នាយកផ្នែកពន្លឿនឌីជីថលសម្រាប់ iTwin Ventures បានថ្លែងថា គោលដៅនៃការប្រកួតនេះ គឺដើម្បីជំរុញភាពច្នៃប្រឌិតក្នុងការប្រើប្រាស់កម្មវិធីឌីជីថលវិស្វកម្ម នៅក្នុងអាជីវកម្មផ្សេងៗទៀត ដែលមិនត្រឹមតែជាវិស័យសំណង់ ដើម្បីបង្កើតជាប្រយោជន៍។

ក្រុមហ៊ុនជ័យលាភីទាំងមួយរួមមាន៖

AERO AI (Las Vegas, សហរដ្ឋអាមេរិក): ប្រើកម្មវិធី Cesium បំប្លែងរូបភាពពីដ្រូនឱ្យទៅជារូបភាពរស់រវើកបែប 3D ដើម្បីវិភាគ ត្រួតពិនិត្យ និងកែលម្អគម្រោងហេដ្ឋារចនាសម្ព័ន្ធឱ្យកាន់តែប្រសើរ។
The Cross Product (TCP) (បារាំង): ធ្វើស្វ័យប្រវត្តិកម្មដំណើរការទិន្នន័យ LiDAR សម្រាប់ការត្រួតពិនិត្យ និងថែទាំ ផ្លូវដែក និងផ្លូវហាយវ៉េ ដែលវែងៗ និងនៅតំបន់ឆ្ងាយៗ។ នេះគឺជួយកាត់បន្ថយកម្លាំងមនុស្ស និងថវិកា បានច្រើនដោយមិនបាច់ចុះទៅពិនិត្យផ្ទាល់។
Jakarto (Montreal, កាណាដា): ប្រើប្រាស់ដំណោះស្រាយ Digital Twin និង AI ដើម្បីគូសផែនទី និងគ្រប់គ្រងទ្រព្យសម្បត្តិនានានៅក្នុងទីក្រុង ដូចជាស្លាកសញ្ញាផ្លូវ ដើមឈើ និងបណ្តាញខ្សែកាបនានា។ នេះក៏ជួយកាត់បន្ថយការចុះពិនិត្យផ្ទាល់ និងដោះស្រាយបញ្ហាបានទាន់ពេលផងដែរ។
SuperDNA 3D Lab (Amsterdam, ហូឡង់): បង្កើតរូបភាព CGI ដែលមើលទៅដូចរូបថតពិតៗ សម្រាប់អាជីវកម្មអនឡាញ (អតិថិជនរួមមាន Amazon និង Meta) ប៉ុន្តែឥឡូវនេះកំពុងពង្រីកបច្ចេកវិទ្យារបស់ខ្លួនដើម្បីគាំទ្រដល់អាជីវកម្មដឹកជញ្ជូន។

ការប្តេជ្ញាចិត្តរបស់ Bentley គឺដើម្បីធានាថា នៅពេលដែលហេដ្ឋារចនាសម្ព័ន្ធកាន់តែស្មុគស្មាញ អ្នកប្រើប្រាស់របស់ខ្លួនអាចចូលប្រើឧបករណ៍ច្នៃប្រឌិតជាច្រើនដែលបង្កើតឡើងលើស្តង់ដារបើកចំហ ដើម្បីរចនា គ្រប់គ្រង និងថែទាំអ្វីដែលយើងបានកសាងឱ្យជាប់ធន់បានយូរ។

- Video Advertisement -