ក្រុមហ៊ុនកូរ៉េសន្សំថវិកាបានប្រមាណ ១,៥ ពាន់លានវ៉ុន ដោយប្រើកម្មវធីសំណង់ឌីជីថលនេះ

Proeksa Meas
21 ខែសីហា 2026
ព័ត៌មានសំណង់
343 មើល

ក្រុមហ៊ុន Hyundai Engineering បានពន្លឿនការរចនាប្លង់គម្រោងរោងចក្រខ្នាតយក្សរបស់ខ្លួនបានដល់ទៅ ៨០% ខណៈក៏សន្សំថវិកាបានប្រមាណ ១,៥ ពាន់លានវ៉ុនកូរ៉េ ដោយប្រើកម្មវិធីមួយចំនួនរបស់ Bentley។ តើមានកម្មវិធីអ្វីខ្លះ? មកសិក្សាទាំងអស់គ្នា។

ក្រុមហ៊ុនប្រើកម្មវិធីទាំងអស់ចំនួន ៣ សំខាន់ៗ រួមមានកម្មវិធី STAAD.Pro កម្មវិធី OpenSTAAD API និង Command Editor។

ក្រុមហ៊ុនប្រើកម្មវិធី STAAD.Pro ក្នុងការរចនាប្រព័ន្ធដឹកជញ្ជូនសំណង់បែបម៉ូឌុល និងរចនាសម្ព័ន្ធបេតុង Precast ខណៈប្រើ OpenSTAAD API និង Command Editor ដើម្បីបង្កើតប្រព័ន្ធស្វ័យប្រវត្តិកម្មផ្ទាល់ខ្លួន។

កម្មវិធីទាំងនេះអាចធ្វើការវិភាគរចនាសម្ព័ន្ធ បង្កើតម៉ូដែល កំណត់បន្ទុក (Load) និងរចនាសមាសធាតុបេតុងដែលមានទម្រង់ស្មុគស្មាញដោយស្វ័យប្រវត្តិ កាត់បន្ថយការងារធ្វើដោយដៃ និងបង្កើនភាពត្រឹមត្រូវ។

ប្រព័ន្ធថ្មីនេះបានកាត់បន្ថយពេលវេលាវិភាគការដឹកជញ្ជូនម៉ូឌុលបាន ៧៥% ពីរយៈពេល ២ ខែ មកនៅតិចជាង ២ សប្តាហ៍ ខណៈពេលវេលាពិនិត្យការរចនាបេតុង Precast ត្រូវបានកាត់បន្ថយ ៨៣% ពី ១,៥ ខែ មកនៅប្រហែល ១ សប្តាហ៍។

ការអភិវឌ្ឍប្រព័ន្ធនេះក៏បានជំនួសការជួលក្រុមហ៊ុនខាងក្រៅសម្រាប់ការវិភាគរចនាសម្ព័ន្ធ ដែលជួយសន្សំថវិកាបានជាង ៧៥០ លានវ៉ុនកូរ៉េក្នុងមួយឆ្នាំ។

លើសពីនេះ កម្មវិធីក៏ជួយឱ្យវិស្វករវាយតម្លៃលទ្ធភាពគម្រោងបានលឿនជាងមុនក្នុងដំណាក់កាលដេញថ្លៃ បង្កើនសមត្ថភាពប្រកួតប្រជែង និងជួយកែលម្អការរចនាឱ្យប្រើសម្ភារៈតិចជាង ៥% ដែលអាចសន្សំថវិកាបានប្រហែល ១,៥ ពាន់លានវ៉ុនកូរ៉េក្នុងមួយគម្រោង។