រមណីយដ្ឋានខ្នាតយក្សនៅឥណ្ឌាថ្មីមួយត្រូវបានសាងសង់ដោយប្រើ AI និង Digital Twin

Proeksa Meas
18 ខែកញ្ញា 2026
ព័ត៌មានសំណង់
33 មើល

ក្រុមហ៊ុន AVS ENGINEERS និង ISID STRUCTURES បានបញ្ចប់ការសាងសង់រមណីយដ្ឋានប្រណីតខ្នាតយក្សថ្មីមួយឈ្មោះ Fairmont Palace Udaipur នៅរដ្ឋ Rajasthan ប្រទេសឥណ្ឌា បានដោយរលូន និងលឿនជាងផែនការ ដោយប្រើកម្មវិធីកម្មវិធី Digital Twin និងជំនួយពី AI.

រមណីយដ្ឋានទំហំ 500,000 ម៉ែត្រការ៉េនេះត្រូវបានបញ្ចប់នៅខែកក្កដា ឆ្នាំ 2025 ដោយរួមបញ្ចូលភាពប្រណីតទំនើបជាមួយស្ថាបត្យកម្មប្រពៃណី Rajasthani។

គម្រោងនេះមាន ទីតាំងដែលស្ថិតនៅលើជម្រាលភ្នំ ហើយមានការរចនាដ៏ស្មុគស្មាញ រួមទាំងអាងហែលទឹកដែលស្ថិតនៅពីលើ Conference Hall ដែលចំណុចពិសេសទាំងនេះបានបង្កើតបញ្ហាប្រឈមជាច្រើនសម្រាប់ការរចនា និងសាងសង់។

ដើម្បីដោះស្រាយបញ្ហាទាំងនេះ ម្ចាស់គម្រោងសម្រេចចិត្តប្រើកម្មវិធីរបស់ Bentley រួមមាន STAAD.Pro, RAM Structural System និង RAM Elements ដោយរួមបញ្ចូលទាំងការប្រើជំនួយពី AI។

ក្រុមវិស្វករបានប្រើឧបករណ៍ឌីជីថលរបស់ Bentley ដើម្បីធ្វើម៉ូដែលលក្ខខណ្ឌដី ជម្រាល ទម្ងន់ខ្យល់ និងរញ្ជួយដី ព្រមទាំងអន្តរកម្មរវាងដី និងរចនាសម្ព័ន្ធ។ ដំណើរការរួមបញ្ចូលនេះបានជួយបង្កើនការសម្របសម្រួល កាត់បន្ថយកំហុសក្នុងការរចនា និងប្រើប្រាស់បេតុងនិងដែកថែបបានកាន់តែមានប្រសិទ្ធភាព។

គម្រោងនេះត្រូវបានបញ្ចប់ លឿនជាងមុន 35% ដោយសន្សំធនធានការងារបានជាង 800 ម៉ោង។ ការបង្កើនប្រសិទ្ធភាពការប្រើប្រាស់សម្ភារៈបានកាត់បន្ថយការប្រើប្រាស់ដែកថែបប្រមាណ 420 តោន និងបេតុង 2,400 ម៉ែត្រគូប ដែលអាចសន្សំថ្លៃសម្ភារៈប្រមាណ 2.8 ពាន់លានរូពី និងសន្សំថ្លៃដើមសរុបជាង 3.8 ពាន់លានរូពី។

គម្រោងនេះក៏បានបង្កើនភាពធន់នៃរចនាសម្ព័ន្ធប្រមាណ 20% និងជួយកាត់បន្ថយការបញ្ចេញឧស្ម័ន CO₂ បានជាង 1,000 តោន។

ដោយទទួលបានការទទួលស្គាល់ជា អ្នកឈ្នះពានរង្វាន់ Bentley Year in Infrastructure (YII) គម្រោង Fairmont Palace Udaipur បង្ហាញពីរបៀបដែលវិស្វកម្មឌីជីថលអាចជួយពន្លឿនការសាងសង់ ខណៈពេលកាត់បន្ថយថ្លៃដើម ការប្រើប្រាស់សម្ភារៈ និងផលប៉ះពាល់ដល់បរិស្ថាន។