ក្រុមហ៊ុនសូហ្វវែរ Bentley ចាប់ដៃគូជាមួយ Google នាំយកសមត្ថភាពដ៏អស្ចារ្យនៃផែនទីភូមិសាស្ត្រដ៏ជាក់លាក់បញ្ចូលក្នុងសំណង់ហេដ្ឋារចនាសម្ព័ន្ធ

• ៣០ តុលា ២០២៤
• ព័ត៌មានសំណង់
• 633 មើល

កិច្ចសហប្រតិបត្តិការនេះ អនុញ្ញាតឱ្យអ្នកប្រើប្រាស់អាចទាញយកមាតិកាភូមិសាស្រ្ត Google 2D និង3D នៅក្នុងកម្មវិធីសូហ្វវែររបស់ Bentley ដែលនឹងផ្តល់នូវការយល់ដឹងកាន់តែទូលំទូលាយសម្រាប់អ្នកជំនាញផ្នែកហេដ្ឋារចនាសម្ព័ន្ធ

ក្រុមហ៊ុនសូហ្វវែរវិស្វកម្មហេដ្ឋារចនាសម្ព័ន្ធ Bentley Systems បានប្រកាសភាពជាដៃគូយុទ្ធសាស្ត្រជាមួយ Google ដើម្បីរួមបញ្ចូលមាតិកាភូមិសាស្ត្រគុណភាពកម្រិតខ្ពស់របស់ Google ចូលទៅក្នុងសូហ្វវែរវិស្វកម្មហេដ្ឋារចនាសម្ព័ន្ធរបស់ Bentley និង ឌីជីថលភ្លោះ ដែលជាកម្មវិធីដើម្បីកែលម្អរបៀបដែលហេដ្ឋារចនាសម្ព័ន្ធត្រូវបានរចនា សាងសង់ និងប្រតិបត្តិការ នេះបើយោងតាមការប្រកាសផ្សាយរបស់ក្រុមហ៊ុន Bentley System កាលពីថ្ងៃទី 9 ខែតុលា ឆ្នាំ2024 នៅទីក្រុង Vancouver ប្រទេសកាណាដា។

ក្នុងនាមជាអ្នកបង្ហាញពិភពពិតនៃឌីជីថល ឌីជីថលភ្លោះបានដោះស្រាយនូវតម្លៃដ៏មានអត្ថន័យ និងផ្តល់ការយល់ដឹងយ៉ាងទូលំទូលាយនៃវដ្តជីវិតសំណង់ហេដ្ឋារចនាសម្ព័ន្ធដែលយើងបានសាងសង់ ពីការរៀបចំគម្រោង និងការរចនាតាមរយៈការសាងសង់ និងប្រើប្រាស់សំណង់។ ឆ្លងកាត់ការប្រើប្រាស់ទិន្នន័យវិស្វកម្មដែលបានបង្កើត និងគ្រប់គ្រងនៅក្នុងកម្មវិធី Bentley រួមជាមួយនឹងទិន្នន័យភូមិសាស្ត្រ AI និងការវិភាគរបស់ Google បូកបញ្ចូលបច្ចេកវិទ្យាទាញចេញពី cloud វិស្វករអាចរចនា និងគ្រប់គ្រងគម្រោងសំណង់ហេដ្ឋារចនាសម្ព័ន្ធក្នុងបរិបទ ឬកម្រិតមួយដ៏ធំដើម្បីដោះស្រាយបញ្ហាប្រឈមបន្ទាន់បំផុតនាពេលបច្ចុប្បន្ននេះ គឺរាប់ចាប់ពីការកាត់បន្ថយហានិភ័យអាកាសធាតុ រហូតដល់ការរក្សាហេដ្ឋារចនាសម្ព័ន្ធឱ្យនៅគង់វង់យូរអង្វែង។

តាមរយៈភាពជាដៃគូនេះ អ្នកប្រើប្រាស់ និងអ្នកអភិវឌ្ឍន៍កម្មវិធី Bentley អាចប្រើប្រាស់មាតិកាភូមិសាស្ត្ររបស់ Google Maps Platform រួមទាំងផ្ទាំងរូបភាព 3D ដ៏គួរទាក់ទាញ និងអស្ចារ្យរបស់ Google សម្រាប់បរិបទភូមិសាស្ត្រនៃពិភពផែនដីក្នុងគំរូពិតជាមួយនឹងបទពិសោធន៍ 3D ដ៏អស្ចារ្យនៅក្នុងលំហូរការងារឌីជីថលរបស់ខ្លួន។ ភាពជាដៃគូនេះបានបំពេញបន្ថែមនូវការទិញយក Cesium ដោយក្រុមហ៊ុន Bentley ដែលជាវេទិកាបើកចំហជាមូលដ្ឋានសម្រាប់បង្កើតកម្មវិធីភូមិសាស្ត្រ 3D ដ៏មានអានុភាព ក្នុងពេលថ្មីៗនេះ។ Cesium គឺជាអ្នកបង្កើត 3D Tiles open standard ដែលប្រើដោយ Google។ ឥឡូវនេះក្រុមហ៊ុន Bentley Systems ក៏កំពុងសហការជាមួយ Google Cloud ដើម្បីផ្តល់នូវការយល់ដឹងបន្ថែមដែលជំរុញដោយ AI សម្រាប់វិភាគការប្រើប្រាស់សំណង់។

នាយកប្រតិបត្តិក្រុមហ៊ុន Bentley Systems លោក Nicholas Cumins បាននិយាយថា “តាមរយៈការរួមបញ្ចូលនូវមាតិកាភូមិសាស្ត្រដ៏ទូលំទូលាយ និងសមត្ថភាព cloud របស់ Google ជាមួយសូហ្វវែរវិស្វកម្មហេដ្ឋារចនាសម្ព័ន្ធ និងវេទិកាឌីជីថលភ្លោះរបស់ Bentley Systems អ្នកជំនាញផ្នែកហេដ្ឋារចនាសម្ព័ន្ធអាចកែលម្អការងាររបស់ពួកគេ និងធានាថា គម្រោងរបស់គេត្រូវបានបង្កើត និងដំណើរការដោយភាពធន់ និងនិរន្តរភាពយូរអង្វែង។ ភាពជាដៃគូនេះ បានបង្ហាញពីរបៀបដែលស្តង់ដារបើកចំហ ដូចជា 3D tiles អាចជួយឱ្យអ្នកជំនាញផ្នែកហេដ្ឋារចនាសម្ព័ន្ធទទួលបានបទពីសោធន៍ និងចំណេះដឹងថ្មីបន្ថែមពីការងារ និងការប្រើប្រាស់ឥទ្ធិពលនៃបរិបទភូមិសាស្ត្រដ៏ជាក់លាក់។

លោក Chris Phillips អនុប្រធាន និងជាអ្នកគ្រប់គ្រងទូទៅនៃ Geo របស់ Google បាននិយាយថា “Tile 3D Photorealistic នៅក្នុង Google Maps Platform បានផ្តល់អំណាចដ៏អស្ចារ្យនូវបទពិសោធន៍ និងការផ្លាស់ប្តូរលំហូរការងាររបស់ស្ថាបត្យករ វិស្វករ និងអ្នករៀបចំផែនការទីក្រុង។ យើងមានសេចក្តីសោមនស្សរីករាយក្នុងការចាប់យកក្រុមហ៊ុន Bentley Systems ជាដៃគូដើម្បីនាំយកបរិបទភូមិសាស្ត្រដ៏អស្ចារ្យ និងសមត្ថភាពដ៏មានអានុភាព ដែលអាចធ្វើឱ្យប្រសើរឡើងពីរបៀបដែលហេដ្ឋារចនាសម្ព័ន្ធត្រូវបានរចនា សាងសង់ និងដំណើរការជាមួយទិន្នន័យរបស់ Google ។
អំពីក្រុមហ៊ុន Bentley Systems

ក្រុមហ៊ុន Bentley Systems (Nasdaq: BSY) គឺជា ក្រុមហ៊ុន សូហ្វវែរវិស្វកម្មផ្នែកហេដ្ឋារចនាសម្ព័ន្ធ។ យើងផ្តល់កម្មវិធីច្នៃប្រតិដ្ឋថ្មី ដើម្បីជំរុញហេដ្ឋារចនាសម្ព័ន្ធរបស់ពិភពលោក  ក្នុងគោលដៅទ្រទ្រង់ទាំងសេដ្ឋកិច្ចពិភពលោក និងបរិស្ថាន។ ដំណោះស្រាយផ្នែកកម្មវិធីសូហ្វវ៊ែរ ឈានមុខគេ របស់យើង ត្រូវបានប្រើប្រាស់ដោយអ្នកជំនាញ និងអង្គការគ្រប់ទំហំ សម្រាប់ការរចនា ការសាងសង់ និងប្រតិបត្តិការផ្លូវ និងស្ពាន ផ្លូវដែក និងការដឹកជញ្ជូន គម្រោងហេដ្ឋារចនាសម្ព័ន្ធទឹក និងសំណល់រាវ ការងារសាធារណៈ និងឧបករណ៍ប្រើប្រាស់សម្រាប់ អគារ និងបរិវេណសាលា ការជីកយករ៉ែ និង គ្រឿងបរិក្ខារឧស្សាហកម្ម។ ក្រុមហ៊ុនយើងមានផ្តល់ជូនកម្មវិធីដូចជា iTwin Platform សម្រាប់ ហេដ្ឋារចនាសម្ព័ន្ធឌីជីថលភ្លោះ រួមមាន កម្មវិធី MicroStation និង Bentley Open សម្រាប់ការបង្កើតគំរូ និងការធ្វើតេស្តសាក កម្មវិធី Seequent សម្រាប់ អ្នកជំនាញភូមិសាស្ត្រ និងកម្មវិធី Bentley Infrastructure Cloud គ្របដណ្តប់លើប្រព័ន្ធ ProjectWise សម្រាប់ការចែកចាយគម្រោង SYNCHRO សម្រាប់ការគ្រប់គ្រងសំណង់ និងកម្មវិធី AssetWise សម្រាប់ប្រតិបត្តិការទ្រព្យសកម្ម។ សហសេវិក ចំនួន ៥០០០នាក់របស់ក្រុមហ៊ុន Bentley Systems បង្កើតប្រាក់ចំណូលប្រចាំឆ្នាំជាង ១ ពាន់លានដុល្លារ មកពី ១៩៤ ប្រទេស។
www.bentley.com

© 2023 Bentley Systems, Incorporated. Bentley, the Bentley logo, Bentley Infrastructure Cloud, Bentley Open, AssetWise, iTwin, MicroStation, ProjectWise, Seequent, and SYNCHRO are either registered or unregistered trademarks or service marks of Bentley Systems, Incorporated or one of its direct or indirect wholly-owned subsidiaries. All other brands and product names are trademarks of their respective owners.

• [:en]Business and Market[:km]ធុរកិច្ច និងទីផ្សារ[:]
• [:en]Urbanization and Architect[:km]នគរូបនីយកម្ម និងស្ថាបត្យកម្ម[:]
• [:en]Digital and Smart City[:km]ក្រុងឌីជីថល ឬឆ្លាតវៃ[:]
• [:en]Technology and Engineering[:km]បច្ចេកវិទ្យា និងវិស្វកម្ម[:]
• Bentley
• Digital Twin
• Cesium
• 3D tiles
• Google
• Geospatial