ក្រុមហ៊ុនចិនចំនួនពីរសម្រេចបោះទុនវិនិយោគនៅក្នុងតំបន់សេដ្ឋកិច្ចមួយនៃខេត្តស្វាយរៀង

Proeksa Meas
7 ខែមិថុនា 2026
ព័ត៌មានសំណង់
564 មើល

ក្រុមហ៊ុនចំនួនពីរបានសន្យាបោះទុនវិនិយោគនៅក្នុងតំបន់សេដ្ឋកិច្ចពិសេស Qilu បន្ទាប់ពីដំណើរទស្សនកិច្ចរបស់គណៈប្រតិភូខេត្តដោយជោគជ័យទៅកាន់ខេត្ត Shandong និងទីក្រុង Zibo

ក្រុមហ៊ុនចិនចំនួនពីរ បានសម្រេចចិត្តបោះទុនវិនិយោគនៅក្នុងតំបន់សេដ្ឋកិច្ចពិសេសឈីលូ (Qilu SEZ) ក្នុងខេត្តស្វាយរៀង នាពេលឆាប់ៗខាងមុខនេះ ដើម្បីរួមចំណែកពង្រីក និងពង្រឹងកិច្ចសហប្រតិបត្តិការសេដ្ឋកិច្ច និងការអភិវឌ្ឍឧស្សាហកម្មនៅក្នុងខេត្ត។

ការបង្ហាញចំណាប់អារម្មណ៍វិនិយោគក្នុងខេត្តស្វាយរៀងនេះ ធ្វើឡើងក្នុងឱកាសដែលអភិបាលខេត្តស្វាយរៀង លោក ប៉េង ពោធិ៍សា បានដឹកនាំប្រតិភូរដ្ឋបាលខេត្តធ្វើដំណើរទស្សនកិច្ចការងារនៅខេត្តសានដុង និងនៅក្រុងZibo នៃសាធាររដ្ឋប្រជាមានិតប្រទេសចិន ចាប់ពីថ្ងៃទី២៥-២៧ ខែឧសភាឆ្នាំ២០២៦នេះ។

បើតាមលោកអភិបាលខេត្តស្វាយរៀង បានបញ្ជាក់ថា រដ្ឋបាលខេត្តសូមស្វាគមន៍ចំពោះក្រុមហ៊ុនចំនួនពីរដែលបានប្តេជ្ញាចិត្តក្នុងការដាក់ទុនវិនិយោគនៅក្នុងតំបន់សេដ្ឋកិច្ចពិសេសឈីលូ (Qilu SEZ) នាពេលឆាប់ៗខាងមុខនេះ។ លោកថា ការសម្រេចចិត្តបោះទុនវិនិយោគនេះ គឺបានស្តែងឱ្យឃើញបានកាន់តែច្បាស់នូវការជឿជាក់លើរាជរដ្ឋបាលកម្ពុជា ដែលជាការបោះជំហានទៅមុខក្នុងការពង្រីក និងពង្រឹងកិច្ចសហប្រតិបត្តិការសេដ្ឋកិច្ច និងការអភិវឌ្ឍឧស្សាហកម្មនៅក្នុងខេត្ត។

ក្រុមហ៊ុនចិនទាំងពីរដែលបានសម្រេចដាក់ទុនវិនិយោគនៅក្នុងតំបន់សេដ្ឋកិច្ចពិសេសឈីលូនៅក្នុងខេត្តស្វាយរៀង រួមមាន៖ ១-Shanghai Qixiang New Materials Technology Co.,Ltd. ២-Runze Packaging Materials Co,.Ltd៕