កម្ពុជា-សាធារណរដ្ឋក្រូអាស៊ី ប្តេជ្ញាជំរុញកិច្ចប្រតិបត្តិការលើវិស័យសក្តានុពលសំខាន់ៗចំនួន ៨

• Proeksa Meas
• 30 ខែ​តុលា 2026
• ព័ត៌មានអចលនទ្រព្យ
• 67 មើល

កម្ពុជា-សាធារណរដ្ឋក្រូអាស៊ី បានប្តេជ្ញាគាំទ្រដល់គោលដៅកម្ពុជា និងបន្តពង្រឹងកិច្ចសហប្រតិបត្តិការជាមួយកម្ពុជា លើគ្រប់វិស័យអាទិភាពសំខាន់ៗចំនួន ៨។នេះបើយោងតាមសេចក្ដីប្រកាសព័ត៌មានរបស់ក្រសួងការបរទេសកម្ពុជា ស្ដីពីលទ្ធផលនៃដំណើរទស្សនកិច្ចការរបស់រដ្ឋមន្ត្រីការបរទេស និងកិច្ចការអឺរ៉ុបនៃសាធារណរដ្ឋក្រូអាស៊ី មកកាន់កម្ពុជា ផ្សាយចេញកាលថ្ងៃទី២២ ខែតុលា ឆ្នាំ២០២៦។

នាឱកាសនោះ កម្ពុជា-ក្រូអាស៊ី បានបញ្ជាក់ពីការប្តេជ្ញាជំរុញកិច្ចសហប្រតិបត្តិការពាណិជ្ជកម្ម និងការវិនិយោគ ខណៈភាគីទាំងពីរ ក៏បានទទួលស្គាល់អំពីសារៈ សំខាន់ចំពោះកិច្ចខិតខំប្រឹងប្រែងបន្ថែមទៀតក្នុងការធ្វើឱ្យកាន់តែស៊ីជម្រៅនូវកិច្ចសហប្រតិបត្តិការសេដ្ឋកិច្ច ជាពិសេសលើវិស័យកសិកម្ម កសិ-ឧស្សាហកម្ម ផលិតកម្មឱសថ បច្ចេកវិទ្យា ថាមពល ការដឹកជញ្ជូន និង ព័ស្តុភារកម្ម និងទេសចរណ៍។

ភាគីទាំងពីរ ក៏បានបញ្ជាក់សារជាថ្មីនូវការប្តេជ្ញាចិត្តក្នុងការជំរុញទំនាក់ទំនង ធុរកិច្ច និងលើកកម្ពស់ការចូលរួមរបស់វិស័យឯកជន ដើម្បីបង្កើតឱកាសថ្មីៗសម្រាប់ពាណិជ្ជកម្ម និងការ វិនិយោគរវាងកម្ពុជា និងក្រូអាស៊ី។

តាមរយៈសេចក្តីប្រកាសខាងលើ ដោយទទួលស្គាល់អំពីការរួមចំណែក និងបទពិសោធន៍ នៅក្នុងកិច្ចខិតខំប្រឹងប្រែងបោសសម្អាតមីនសកលរបស់កម្ពុជា ក៏ដូចជាក្រូអាស៊ី ភាគីទាំងពីរបានឯកភាពគ្នាស្វែងរកឱកាសក្នុងការពង្រឹងកិច្ចសហ ប្រតិបត្តិការក្នុងការបោសសម្អាតមីន។ ក្រូអាស៊ីបានប្តេជ្ញាចិត្តជួយគាំទ្រដល់គោលដៅរបស់កម្ពុជាក្នុង ការសម្រេចឱ្យបាននូវប្រទេសមួយដែលគ្មានមិនត្រឹមឆ្នាំ២០៣៥៕

• Investment incentives
• Investment
• Croatia