ក្រុមហ៊ុនវិនិយោគចំនួន៤៨ មកពី៦ប្រទេស មកស្វែងរកឱកាសវិនិយោគនៅក្រចេះ

Proeksa Meas
6 ខែកក្កដា 2026
ព័ត៌មានអចលនទ្រព្យ
9 មើល

គណៈប្រតិភូចម្រុះជាតិសាសន៍ដែលមានក្រុមហ៊ុនជិតហាសិបក្រុមហ៊ុន ស្វែងយល់ពីសក្តានុពលកសិកម្ម និងទេសចរណ៍នៅក្នុងព្រំដែនសេដ្ឋកិច្ចដែលកំពុងរីកចម្រើនរបស់ប្រទេសកម្ពុជា

ក្រុមហ៊ុនវិនិយោគមានចំនួន ៤៨ក្រុមហ៊ុន មកពីប្រទេសចំនួន ៦ និងក្រុមហ៊ុនក្នុងស្រុកមួយចំនួនទៀត បានមកស្វែងយល់ពីសក្តានុពល និងឱកាសវិនិយោគនៅកម្ពុជា ពិសេសក្នុងខេត្តក្រចេះ។ នេះបើយោងតាមដំណើរទស្សនកិច្ច ស្ដីពីការស្វែងយល់ឱកាសពាណិជ្ជកម្ម ការផ្គូផ្គងដៃគូធុរកិច្ច និងឱកាសវិនិយោគស្ថិតក្រោម ” កម្មវិធីពិសេសជំរុញការវិនិយោគក្នុងខេត្ត ភូមិភាគឦសាន (២០២៥-២០២៨) របស់គណៈប្រតិភូ នៃវិនិយោគិនវៀតណាម ដឹកនាំដោយលោក ហោ ដារ៉េត អនុព័ន្ធពាណិជ្ជកម្មកម្ពុជា ប្រចាំប្រទេសវៀតណាម កាលថ្ងៃទី២៤ ខែមិថុនា ឆ្នាំ២០២៦។

ដំណើរទស្សនកិច្ចនេះ គឺក្នុងគោលបំណង ដើម្បីស្វែងយល់ពីសក្តានុពលក្នុងខេត្តក្រចេះ ដោយផ្តោតលើវិស័យកសិកម្ម-កសិឧស្សាហកម្ម និងទេសចរណ៍។ ដំណើរទស្សកិច្ចនេះ ក៏មានការចូលរួមពីអ្នកវិនិយោគិនដែលមកពីប្រទេសវៀតណាម អាល្លឺម៉ង់ ម៉ាឡេស៊ី អ៊ីស្រាអែល សិង្ហបុរី និងក្នុងប្រទេសកម្ពុជាផងដែរ។

នាឱកាសនោះ ឯកឧត្តម វ៉ា ថន អភិបាលខេត្តក្រចេះ បានស្វាគមន៍ដំណើរទស្សនកិច្ចរបស់បណ្តារក្រុមហ៊ុន និងអ្នកវិនិយោគ។ លោកបានបញ្ជាក់ថា ខេត្តក្រចេះ មានសណ្ឋានដីជាតំបន់ខ្ពង់រាប ដីមានជីជាតិល្អ ជាពិសេសបម្រើឱ្យការដាំដុះដំណាំកសិកម្ម កសិ-ឧស្សាហកម្ម និងមានធនធនធម្មជាតិរ៉ែសំខាន់ៗ ដូចជា៖ រ៉ែមាស ថ្មអារ ថ្មក្រានីត ថ្មកំបោរផលិតស៊ីម៉ងត៍ ថ្មសំណង់ ក្រួស-ខ្សាច់ ព្រមទាំងមានអំណោយផលពីធម្មជាតិ សម្រាប់កែច្នៃ និងបង្កើតជាតំបន់ទេសចរណ៍ ដែលសក្ដានុពលសំខាន់ៗជាច្រើន។

សូមជម្រាប បណ្តារក្រុមហ៊ុនវិនិយោគមានចំនួន ៤៨ក្រុមហ៊ុន ដែលបានទស្សនកិច្ចនៅខេត្តក្រចេះនាពេលនេះ គឺមកពីប្រទេសវៀតណាម ចិន ឥណ្ឌា អង់គ្លេស កូរ៉េ អូស្រា្ដលី និងក្រុមហ៊ុនក្នុងស្រុក។ ក្រុមហ៊ុនទាំងនេះ ភាគច្រើនវិនិយោគដូចជា៖ ដំណាំកៅស៊ូ ស្វាយចន្ទី ដំឡូងមី ចេកអំបូងលឿង អំពៅ ការចិញ្ចឹមសត្វគោ ដាំឈើប្រេងខ្យល់ ស្វាយកែវរមៀត ម្រេច និងទុរេន៕ (អានបន្ថែម)