ក្រុមហ៊ុន CHINALCO បង្ហាញលទ្ធផលវិជ្ជមានលើគម្រោងវិនិយោគលើវិស័យធនធានរ៉ែ និងផលិតដែកនៅកម្ពុជា

• Proeksa Meas
• 24 ខែ​កក្កដា 2026
• ព័ត៌មានសំណង់
• 41 មើល

ក្រុមហ៊ុន CHINALCO (Aluminum Corporation of China) ដែលជាក្រុមហ៊ុនធំមួយរបស់ចិន បានមកសិក្សាលទ្ធភាពលើវិស័យផលិតដែក និងវិស័យធនធានរ៉ែនៅកម្ពុជា សំដៅជំរុញកំណើនសេដ្ឋកិច្ច។ នេះបើតាមជំនួបពិភាក្សាកាលថ្ងៃទី១៥ ខែកក្កដា ឆ្នាំ២០២៦ រវាងសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ជាមួយលោក Wang Shilei ប្រធានក្រុមហ៊ុន CHINALCO។

នៅក្នុងជំនួបនេះ លោកប្រធានក្រុមហ៊ុនក៏ជម្រាបពីវឌ្ឍនភាពនៃគម្រោងមួយចំនួនរបស់ក្រុមហ៊ុននៅកម្ពុជា ដែលក្នុងនោះក្រុមហ៊ុនបានសិក្សាសមិទ្ធិលទ្ធភាពលើវិស័យផលិតដែក និងវិស័យធនធានរ៉ែ។ ផ្អែកលើមូលដ្ឋាននេះ ក្រុមហ៊ុនក៏បានបង្ហាញចំណាប់អារម្មណ៍ក្នុងការស្វែងរកកាលានុវត្តភាពវិនិយោគបន្ថែមលើវិស័យផលិតដែក និងវិស័យធនធានរ៉ែនៅកម្ពុជាផងដែរ។

ជាការឆ្លើយតប សម្ដេចធិបតីបានស្វាគមន៍ចំពោះគោលបំណងរបស់ក្រុមហ៊ុន ក្នុងការស្វែងរកកាលានុវត្តភាពវិនិយោគលើវិស័យសក្ដានុពលនានានៅកម្ពុជា ដូចជា៖ វិស័យហេដ្ឋារចនាសម្ព័ន្ធ ការសាងសង់ផ្លូវដែក និងធនធានរ៉ែ។ សម្ដេចថា រដ្ឋាភិបាលកម្ពុជាត្រៀមខ្លួនផ្ដល់ការគាំទ្រជានិច្ចដល់គ្រប់ក្រុមហ៊ុនវិនិយោគ ដើម្បីធានាបាននូវភាពជោគជ័យនៅកម្ពុជា។

សូមជម្រាបដែរថា ក្រុមហ៊ុន CHINALCO ជាសហគ្រាសឈានមុខមួយនៅក្នុងប្រទេសចិន ដែលមានប្រតិបត្តិការអាជីវកម្មលើឧស្សាហកម្មធនធានរ៉ែ ការសាងសង់ហេដ្ឋារចនាសម្ព័ន្ធ និងតំបន់សេដ្ឋកិច្ចពិសេស និងការសាងសង់ផ្លូវដែក​ជាដើម៕

• Mineral
• Mining
• chemical industrial
• Cambodia's industry
• steel production