NBC៖ វិស័យសំណង់ និងអចលនទ្រព្យ រួមចំណែកជំរុញកំណើនសេដ្ឋកិច្ចកម្ពុជាឆ្នាំ២០២២នេះ

22 ខែកក្កដា 2022
5 មើល

វិស័យសំណង់ និងអចលនទ្រព្យ ត្រូវបានរំពឹងថានឹងចូលរួមចំណែកដល់ការជំរុញកំណើនសេដ្ឋកិច្ចកម្ពុជាក្នុងឆ្នាំ២០២២។ នេះបើយោងតាមមន្រ្តីជាន់ខ្ពស់នៃធនាគារជាតិនៃកម្ពុជា។

ឯកឧត្តម ជា ចាន់តូ ទេសាភិបាលនៃធនាគារជាតិនៃកម្ពុជា បានលើកឡើថា កំណើនសេដ្ឋកិច្ចកម្ពុជាត្រូវបានរំពឹងថា នឹងសម្រេចបានក្នុងរង្វង់ ៥,៣% ក្នុងឆ្នាំ២០២២នេះ។

ក្នុងកិច្ចប្រជុំបូកសរុបការងាររបស់ធនាគារជាតិនៃកម្ពុជា កាលពីថ្ងៃទី ២០ ឯកឧត្តម ជា ចាន់តូ ថ្លែងថា៖ “សកម្មភាពសេដ្ឋកិច្ចកម្ពុជាត្រូវបានរំពឹងដោយសុទិដ្ឋិនិយមថា បន្តងើបឡើងប្រមាណ ៥,៣% ខ្ពស់ជាងឆ្នាំ២០២១ ដែលមានកម្រិត ៣% ដែលគាំទ្រជាចម្បងដោយកំណើនការនាំចេញនៃវិស័យកម្មន្តសាល កំណើនវិស័យសំណង់និងអចលនទ្រព្យ និងកសិកម្ម ជាមួយនឹងការងើបឡើងសន្សឹមៗនៃវិស័យទេសចរណ៍”។

ទោះជាយ៉ាងណា ឯកឧត្តម ជា ចាន់តូ គូសបញ្ជាក់ថា សេដ្ឋកិច្ចកម្ពុជា ក៏អាចប្រឈមនឹងភាពមិនប្រាកដប្រជាមួយចំនួន ដូចជា៖ ហានិភ័យនៃការធ្លាក់ចុះកំណើនសេដ្ឋកិច្ចសហភាពអឺរ៉ុប ដែលអាចប៉ះពាល់ដល់ការនាំចេញ និងការថមថយកំណើនសេដ្ឋកិច្ចចិន ដែលអាចបន្ថយកំណើនការវិនិយោគ និងការងើបឡើងវិញនៃវិស័យទេសចរណ៍ និងអចលនទ្រព្យ។

- Video Advertisement -