Bentley បង្ហាញបច្ចេកវិទ្យាថ្មី ដែលអាចសិក្សាប្រវត្តិសាស្ដ្រអាមេរិកបែបរស់រវើក

Proeksa Meas
7 ខែសីហា 2026
ព័ត៌មានសំណង់
42 មើល

ស្របពេលដែលប្រទេសអាមេរិកធ្វើខួបលើកទី ២៥០ ក្រុមហ៊ុន Bentley បានដាក់ចេញនូវកម្មវិធីថ្មីមួយដែលអាចឱ្យមនុសស្សទូទៅអាចសិក្សាពីទីតាំងប្រវិត្តសាស្ដ្រនានារបស់អាមេរិកបានយ៉ាងរស់រវើក ដូចទៅទីតាំងពិតៗ តែធ្វើឡើងក្នុងប្រព័ន្ធកុំព្យូទ័របាន។

*ទិដ្ឋភាពពីលើអាកាសនៃអគារ Capitol សហរដ្ឋអាមេរិក ដែលត្រូវបានធ្វើគំរូដោយ Cesium។*

ក្រុមហ៊ុនប្រើប្រាស់បច្ចេកវិទ្យាភូមិសាស្ត្រតាមរយៈប្រភពបើកចំហ (Open-source) របស់ Cesium ដោយអ្នកប្រើប្រាស់ចូលទៅសិក្សាភូមិសាស្ដ្រ និងរូបរាងរបស់ទីតាំងប្រវត្តិសាស្ដ្រសំខាន់ៗចំនួន ១៧ បាន ដោយមានរួមទាំងរូបសំណាកសេរីភាព (Statue of Liberty) ទំនប់វារីអគ្គិសនី Hoover និងអគារ Empire State ជាដើម។

ការផ្លាស់ប្តូរទៅជាឌីជីថលនេះ បានបង្ហាញពីសមត្ថភាពនៃប្រព័ន្ធកម្មវិធីរបស់ Bentley Systems ដែលដើរតួនាទីយ៉ាងសំខាន់ក្នុងការធ្វើគំរូ និងការគ្រប់គ្រងគម្រោងហេដ្ឋារចនាសម្ព័ន្ធដ៏ស្មុគស្មាញបែបនេះ។

ទិដ្ឋភាពពីលើអាកាសនៃភ្នំ Rushmore ដែលបង្ហាញពីមុខប្រធានាធិបតីឆ្លាក់ធំៗចំនួនបួន ដែលយកគំរូតាមថ្ម Cesium។

តាមរយៈការរួមបញ្ចូលគ្នារវាងគំរូឌីជីថល (Digital twins) និងទិន្នន័យភូមិសាស្ត្រ កម្មវិធីរបស់ Bentley ជួយឱ្យវិស្វករអាចមើលឃើញ វិភាគ និងថែទាំសំណង់ប្រវត្តិសាស្ត្រទាំងនេះដោយភាពត្រឹមត្រូវខ្ពស់។

ឧបករណ៍ឌីជីថលទាំងនេះក៏ផ្តល់នូវអត្ថប្រយោជន៍សំខាន់ៗ រួមមានសមត្ថភាពក្នុងការវាយតម្លៃរចនាសម្ព័ន្ធលម្អិត ការពិសោធន៍ផលប៉ះពាល់បរិស្ថាន និងការបង្កើនប្រសិទ្ធភាពនៃកាលវិភាគថែទាំដោយមិនចាំបាច់ចុះទៅធ្វើការងារដោយផ្ទាល់នៅនឹងកន្លែង។

គួរបញ្ជាក់ផងដែរថា ទស្សនកិច្ចនិម្មិតនេះបម្រើជាការអបអរសាទរចំពោះភាពប៉ិនប្រសប់របស់ជនជាតិអាមេរិក និងជាសក្ខីភាពសម័យទំនើបចំពោះរបៀបដែលដំណោះស្រាយកម្មវិធីកុំព្យូទ័រមានភាពចាំបាច់សម្រាប់ការអភិរក្សអតីតកាល ព្រមទាំងការរៀបចំផែនការសម្រាប់អនាគតនៃហេដ្ឋារចនាសម្ព័ន្ធដ៏សំខាន់បំផុតរបស់ប្រទេសជាតិ។