មានអ្វីថ្មីនៅក្នុងសន្និសីទ Cesium Developer Conference? iTwin ថែមបច្ចេកវិទ្យាអ្វីខ្លះ?

Proeksa Meas
26 ខែកក្កដា 2026
ព័ត៌មានសំណង់
48 មើល

នៅក្នុងសន្និសីទ Cesium Developer Conference ក្រុមហ៊ុន Bentley Systems បានបង្ហាញពីចំណុចពិសេសថ្មីៗជាច្រើនទាក់ទងនឹងកម្មវិធីរបស់ខ្លួន ពិសេសគឺការច្របាច់បញ្ចូលគ្នានៃកម្មវិធី Cesium បច្ចេកវិទ្យា iTwin និង AI ក្នុងគោលបំណងដើម្បីជួយដោះស្រាយបញ្ហាសំខាន់មួយក្នុងវិស័យហេដ្ឋារចនាសម្ព័ន្ធ។

ចំណុចពិសេសជាងគេនៃការធ្វើទំនើបកម្ម និងរួមបញ្ចូលបច្ចេកវិទ្យានេះគឺការពង្រឹងការរក្សាឱ្យទិន្នន័យគម្រោងដែលមានការតភ្ជាប់ជាប់លាប់ពេញមួយវដ្តជីវិតនៃគម្រោង ពោលគឺគ្រប់យ៉ាងនៃគម្រោងត្រូវបានតភ្ជាប់គ្នា ចាប់តាំងពីការធ្វើផែនការ ការគូរប្លង់ គណនី ការដ្ឋានជាក់ស្ដែង រហូតដល់ការគ្រប់គ្រងក្រោយសង់រួច។

អ្នកជំនាញក្នុងវិស័យបានលើកឡើងថា ព័ត៌មានសំខាន់ៗដែលត្រូវបានបង្កើតឡើងក្នុងដំណាក់កាលរចនា តែងតែបាត់បង់នៅពេលគម្រោងផ្លាស់ប្តូរពីការធ្វើផែនការ ទៅកាន់ការសាងសង់ និងការថែទាំ។

Bentley មានគោលបំណងដោះស្រាយបញ្ហានេះតាមរយៈការប្រើប្រាស់ Digital Twin ដែលជាគំរូឌីជីថលតំណាងឱ្យទ្រព្យសកម្មក្នុងពិភពពិត ដើម្បីរក្សាទិន្នន័យឱ្យអាចចូលប្រើ និងតភ្ជាប់បានអស់រយៈពេលជាច្រើនទសវត្សរ៍។

ដោយឡែគ កម្មវិធី Cesium របស់ Bentley អាចប្រមូល បង្ហាញ និងចែករំលែកទិន្នន័យភូមិសាស្ត្រ 3D ទ្រង់ទ្រាយធំ ខណៈដែលបច្ចេកវិទ្យា iTwin រួមបញ្ចូលទិន្នន័យវិស្វកម្ម និងប្រតិបត្តិការទៅក្នុងគំរូឌីជីថលតែមួយ។ ឧបករណ៍ទាំងនេះជួយឱ្យអង្គភាពនានាអាចគ្រប់គ្រងផ្លូវ ស្ពាន អគារ និងហេដ្ឋារចនាសម្ព័ន្ធផ្សេងៗបានកាន់តែមានប្រសិទ្ធភាព។

ក្រុមហ៊ុនក៏បានបង្ហាញពីតួនាទីកាន់តែសំខាន់របស់ AI ផងដែរ។ បច្ចេកវិទ្យា AI Agents និង Model Context Protocol (MCP) គឺជួយឱ្យអ្នកប្រើប្រាស់ទាក់ទងជាមួយកម្មវិធីវិស្វកម្មដោយប្រើភាសាធម្មតាៗ ដែលជួយសម្រួលលំហូរការងារ និងកាត់បន្ថយការបាត់បង់ទិន្នន័យរវាងដំណាក់កាលនានានៃគម្រោង។

នវានុវត្តន៍ផ្សេងទៀតរួមមាន iTwin Engage សម្រាប់ការមើលឃើញគម្រោងក្នុងបរិយាកាសអន្តរកម្ម និង iTwin Capture ដែលរួមបញ្ចូលជាមួយ AI ដើម្បីតាមដានការផ្លាស់ប្តូររបស់គម្រោងតាមរយៈគំរូ 3D ដែលមានភាពលម្អិតខ្ពស់។

Bentley បានបញ្ជាក់ថា បច្ចេកវិទ្យាទាំងនេះអាចជួយពង្រឹងកិច្ចសហការ បង្កើនល្បឿននៃការសម្រេចចិត្ត និងគាំទ្រដល់ការគ្រប់គ្រងហេដ្ឋារចនាសម្ព័ន្ធក្នុងរយៈពេលវែង។

- Video Advertisement -