កម្ពុជា នឹងដាក់ឱ្យប្រើប្រាស់ស្ថានីយជញ្ជីងថ្លឹងរថយន្តថ្មី នៅផ្លូវក្រវ៉ាត់ក្រុងទី២ និងខេត្តក្រចេះ

• Samphors Sao
• 9 ខែ​កុម្ភៈ 2021
• ព័ត៌មានក្នុងស្រុក
• 242 មើល

ដើម្បីបង្កាបញ្ហាផ្លូវខូចខាត ដែលភាគច្រើនបណ្ដាលមកពីរថយន្តលើសទម្ងន់ ក្រសួងនឹងដាក់ឱ្យប្រើប្រាស់ស្ថានីយជញ្ជីងថ្លឹងរថយន្តថ្មី ចំនួន២បន្ថែមទៀត នៅផ្លូវក្រវ៉ាត់ក្រុងទី២ និងខេត្តក្រចេះ នាពេលឆាប់ៗខាងមុខនេះ ហើយក៏គ្រោងសាងសង់ ២ កន្លែង បន្ថែមទៀតនៅតាមបណ្ដាខេត្តដែលមានតម្រូវការចាំបាច់។

ឯកឧត្ដម សេង ឈួន ប្រធានគណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ នៃក្រសួងសាធារណការ និងដឹកជញ្ជូន បានឱ្យដឹងកាលពីថ្ងៃទី ៥ ខែកុម្ភៈ នេះថា ៖ « ស្ថានីយជញ្ជីងថ្មីទាំង ២ កន្លែង នេះ នឹងជួយជំរុញឱ្យអ្នកដឹកទំនិញ គោរពច្បាប់ទាំងអស់គ្នា និងចេះប្រើប្រាស់ផ្លូវបានយូរអង្វែង»។

បើតាមរបាយការណ៍របស់ក្រសួងសាធារណការ និងដឹកជញ្ជូន ក្នុង១ ឆ្នាំ២០២០ មានករណីរថយន្តដឹកលើសទម្ងន់ជាង ៥៨ ម៉ឺនគឿង ឬស្មើនឹង ២៧,៧៩ % នៃរថយន្តដែល បើកបរលើផ្លូវសរុប។

គួរបញ្ជាក់ផងថា កាលពីដើមខែកុម្ភៈកន្លងមកនេះ ក្រសួងសាធារណការ ទើបតែបើកសម្ពោធ និងដាក់ឱ្យប្រើប្រាស់ជាផ្លូវការនូវអគារមជ្ឈមណ្ឌលបណ្ដុះបណ្ដាលបើកបរយានយន្តធុនធ្ងន់ថ្មីមួយ នៅខណ្ឌព្រែកព្នៅ ក្នុងគោលបំណងដើម្បីបង្រៀនទៅអ្នកបើកបររថយន្តធុនធ្ងន់ ទាំងបច្ចេកទេស និងច្បាប់។ (អានបន្ថែម)

• Road and Infrastructure
• Projects Development