កូរ៉េ និងថៃចាប់អារម្មណ៍ខ្លាំងលើការវិនិយោគវារីអគ្គិសនីនិងថាមពលស្អាតនៅកម្ពុជា

• Sommana Yan
• 19 ខែ​ធ្នូ 2022
• ព័ត៌មានក្នុងស្រុក
• 95 មើល

ក្រុមហ៊ុន CP Group ជាក្រុមហ៊ុនធំជាងគេរបស់ថៃ និងក្រុមហ៊ុន Soma Group របស់កម្ពុជា ចង់វិនិយោគលើគម្រោងវារីអគ្គិសនី និងផលិតថាមពលស្អាតនៅកម្ពុជា ខណៈក្រុមហ៊ុនអភិវឌ្ឍវិស័យថាមពលអគ្គីសនីនៃសាធារណរដ្ឋកូរ៉េ ក៏ចង់ធ្វើវិនិយោគក្នុងវិស័យថាមពលអគ្គីសនីនៅកម្ពុជាផងដែរ។

នេះបើតាមជំនួបជាមួយនឹងសម្តេចតេជោ ហ៊ុន សែន នៅថ្ងៃទី១៧ ខែធ្នូ ឆ្នាំ២០២២ វិនិយោគិនទាំងអស់បានបង្ហាញពីគោលបំណងវិនិយោគក្នុងវិស័យនេះ ដើម្បីជួយជំរុញគោលដៅរបស់ប្រទេសកម្ពុជាស្តីពីអព្យាក្រឹតភាពកាបូន និងសន្តិសុខថាមពល។

សម្តេចតេជោនា បានវាយតម្លៃខ្ពស់ចំពោះទិសដៅនៃការវិនិយោគរបស់ក្រុមហ៊ុន CP Group និងក្រុមហ៊ុន Soma Group លើការផលិតថាមពលស្អាតនៅកម្ពុជា។

ជាមួយគ្នានេះដែរ សម្តេចតេជោ បានស្នើឲ្យក្រុមហ៊ុនCP និងSoma ធ្វើការជាមួយស្ថាប័នពាក់ព័ន្ធរបស់កម្ពុជា ដើម្បីសិក្សាលើការផលិតថាមពលស្អាតនៅកម្ពុជា ឲ្យដំណើរការប្រកបដោយជោគជ័យ និងទទួលបានលទ្ធផលខ្ពស់។

មួយវិញទៀត ​បើតាមជំនួបរវាងឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន និងក្រុមហ៊ុនកូរ៉េ នៅថ្ងៃទី១៨ ធ្នូ ក៏បានបង្ហាញពីគោលបំណងចង់មកវិនិយោគលើការផលិតគ្រឿងបរិក្ខាផ្ទុកនិងបញ្ជូនអគ្គីសនី ដែលអាចធ្វើការផលិតជាអាគុយស្ងួត ការបញ្ជូនភ្លើងអគ្គីសនីតាមខ្សែភ្លើងពីកន្លែងមួយទៅកន្លែងមួយបានដោយសុវត្ថិភាព។

គួរបញ្ជាក់ថា បច្ចុប្បន្នក្រុមហ៊ុនអភិវឌ្ឍវិស័យថាមពលអគ្គីសនីនៃសាធារណរដ្ឋកូរ៉េមួយនេះកំពុងធ្វើអាជីវកម្មនៅក្នុងប្រទេសមីយ៉ាន់ម៉ាជិត ១០ឆ្នាំមកហើយ។

• Energy and Environment