វិទ្យាស្ថាន និងក្រុមហ៊ុនរបស់ចិន កំពុងពិនិត្យឱកាសវិនយោគលើវិស័យបវិស្ថាននៅកម្ពុជា

• Proeksa Meas
• 3 ខែ​កក្កដា 2026
• ព័ត៌មានសំណង់
• 149 មើល

វិទ្យាស្ថាន The Haikou Silk Road Academy of Social Sciences របស់ប្រទេសចិន បាននិងកំពុងពិនិត្យលើឱកាសវិនយោគលើវិស័យវិស្ថាននៅក្នុងប្រទេសកម្ពុជា ខណៈក្រសួងបរិស្ថាន ក៏បានបង្ហាញការគាំទ្រយ៉ាងពេញទំហឹង ចំពោះគម្រោងវិនិយោគដែលជួយដល់នរន្តរភាពបរិស្ថាននៅកម្ពុជាផងដែរ។

នេះបើតាមជំនួបរវាងឯកឧត្តម អ៊ាង សុផល្លែត រដ្ឋមន្រ្តីក្រសួងបរិស្ថាន ជាមួយលោក Qiu Wenxu (Marx) អនុប្រធានប្រតិបត្តិវិទ្យាស្ថាន The Haikou Silk Road Academy of Social Sciences របស់ប្រទេសចិន រួមជាមួយប្រតិភូក្រុមហ៊ុនចិនធំៗមួយចំនួន កាលថ្ងៃទី២៣ ខែមិថុនា ឆ្នាំ​២០២៦។

នាឱកាសនោះ លោក Qiu Wenxu បានលើកឡើងថា ក្រុមការងារវិនិយោគនៃប្រទេសចិននេះ មានបំណងពង្រឹងកិច្ចសហប្រតិបត្តិការ និងទំនាក់ទំនងរបស់ប្រទេសទាំងពីរ កម្ពុជា-ចិន ពិសេសក្នុងការពិនិត្យលើឱកាសវិនយោគនៅក្នុងប្រទេសកម្ពុជា។

ជាការឆ្លើយតប ឯកឧត្តម អ៊ាង សុផល្លែត បានគាំទ្រគោលបំណង របស់ក្រុមហ៊ុននានា មានបំណងចង់វិនិយោគនៅកម្ពុជា ជាពិសេស ដូចជាការវិនិយោគដែលធានាបាននូវនិរន្តរភាពបរិស្ថាន។ ឯកឧត្តមថា ចង់ឃើញកម្ពុជា មានភាពស្អាត សោភ័ណភាព និងបរិស្ថានបៃតង ប្រៀបបាននឹង «ផ្ទះរបស់ខ្លួន» ផ្ទាល់ ដើម្បីលើកកម្ពស់សុខុមាលភាពប្រជាជន ទាក់ទាញអ្នកវិនិយោគ និងអ្នកទេសចរមកកម្ពុជាកាន់តែច្រើន។

តាមរយៈជំនួបខាងលើ ក្រសួងបរិស្ថាន ក៏បានអះអាងថា ដើម្បីសម្រេចទស្សនវិស័យបរិស្ថាននេះ ក្រសួងបាននិងកំពុងអនុវត្ត យុទ្ធសាស្ត្រចក្រាវិស័យបរិស្ថាន ដោយផ្តោតលើសសរស្តម្ភសំខាន់ៗចំនួន ៣ គឺ ភាពស្អាត ភាពបៃតង និងចីរភាព។ ការចូលរួមពីភាគីពាក់ព័ន្ធ រួមទាំងវិស័យឯកជន គឺបានឆ្លើយតបនឹងយុទ្ធសាស្រ្តចក្រាវិស័យបរិស្ថាន ក្នុងនោះ ភាពស្អាត មាន ៣ គឺ ភាពស្អាតក្នុងខ្លួន ភាពស្អាតក្រៅខ្លួន (ក្នុងប្រទេសកម្ពុជា) និងភាពស្អាតលើឆាកអន្តរជាតិ។ ជាមួយគ្នានេះភាពបៃតង កម្ពុជាបានជំរុញការដាំដើមឈើឱ្យបានច្រើនក្នុង១ឆ្នាំ​ ដោយឡែកនៅឆ្នាំ​២០២៦នេះ ក្រសួងបរិស្ថាន គម្រោងចែកកូនឈើចំនួន៥លាន ដោយឥតគិតថ្លៃ ជូនប្រជាពលរដ្ឋដាំ ដើម្បីបង្កើនគម្របព្រៃឈើផងដែរ៕

• Energy and Environment
• environmental friendly
• environment