ក្រុមហ៊ុនចំនួន៤ បានស្នើមកកម្ពុជា ដើម្បីធ្វើការអភិវឌ្ឍន៍ប្រេងនៅទីតាំងប្លុកA ឡើងវិញ

• webmaster@construction-property.com
• 22 ខែ​វិច្ឆិកា 2024
• ព័ត៌មានក្នុងស្រុក
• 291 មើល

ក្រសួងរ៉ែ និងថាមពល ទទួលបានការចាប់អារម្មណ៍ពីក្រុមហ៊ុនចំនួន៩ សម្រាប់ប្លុក​ A ដែលក្នុងនោះ ក្រុមហ៊ុនចំនួន៤ បានដាក់សំណើរសុំធ្វើការអភិវឌ្ឍ រុករកប្រេង ក្នុងប្លុក A ខណៈក្រុមហ៊ុន៥ផ្សេងទៀត ពុំទាន់បានធ្វើការដាក់ពាក្យស្នើសុំអភិឌ្ឍជាផ្លូវការនៅឡើយទេ។​

នៅក្នុងរបាយការណ៍ចេញផ្សាយនៅថ្ងៃបិទសន្និបាតប្រចាំឆ្នាំ ក្រសួងលើកឡើងថា ក្រុមហ៊ុនចំនួនបួន ដែលបានដាក់សំណើសុំធ្វើការអភិវឌ្ឍមាន ក្រុមហ៊ុន EnerCam Resources Co Ltd (EnerCam) ពីប្រទេសកាណាដា ក្រុមហ៊ុន Cambodian Gather Energy Co Ltd ពីប្រទេសចិន ក្រុមហ៊ុន​ Vietnam Investment Construction Services ពីប្រទេសវៀតណាម និងក្រុមហ៊ុន MPC Future Company Limited Co Ltd ពីប្រទេសថៃ។​

ក្រុមហ៊ុន៥ទៀត នៅពុំទាន់បានធ្វើការដាក់ពាក្យស្នើសុំធ្វើការអភិវឌ្ឍជាផ្លូវការនៅឡើយ មានក្រុមហ៊ុន Valeura Energy Inc និងក្រុមហ៊ុន Lee Li Holdings Inc ពីប្រទេសកាណាដា ក្រុមហ៊ុន Petrovietnam Exploration Production Corporation Ltd ពីប្រទេសវៀតណាម ក្រុមហ៊ុន BP ពីប្រទេសអង់គ្លេស និងក្រុមហ៊ុន UACU ពីប្រទេសថៃ។​

ក្រសួងនឹងលើកសំណើវិធានការដោះស្រាយជូនរាជរដ្ឋាភិបាលពិនិត្យ និងសម្រេច ក្នុងករណីនៅឆ្នាំ២០២៥ ក្រសួងពុំអាចជ្រើសរើសក្រុមហ៊ុនវិនិយោគគម្រោងប្រេងកាតប្លុកAនេះបាន។​

គួរបញ្ជាក់ថា ប្លុក A ត្រូវបានផ្អាកការបូមប្រេង បន្ទាប់ពីក្រុមហ៊ុនទទួលសិទ្ធិវិនិយោគ KrisEnergy ប្រកាសក្ស័យធន កាលពីឆ្នាំ២០២១។​ (អានបន្ថែម)

• Energy and Environment
• Cooperation and networking