ក្លឹបកូរ៉េ-ចិនស្វែងរកឱកាសវិនិយោគនៅកម្ពុជា

• Proeksa Meas
• 30 ខែ​មីនា 2017
• Uncategorized
• 288 មើល

សមាគមអ្នកម៉ៅការសាងសង់កម្ពុជា (CCA) បានធ្វើបទបង្ហាញស្តីពីឱកាសវិនិយោគនៅក្នុងឧស្សាហកម្មសំណង់និងអចលនទ្រព្យនៅកម្ពុជា ជូនគណៈប្រតិភូដែលតំណាងឲ្យសមាគមមិត្តភាពកូរ៉េ-ចិន ដែលមានមូលដ្ឋាននៅក្នុងខេត្ត Jiangsu ប្រទេសចិន កាលពីខែកុម្ភៈ។

ក្នុងគណៈប្រតិភូនោះ មួយចំនួនជាក្រុមហ៊ុនបណ្តាក់ទុនរួមគ្នាធំបំផុតរវាងចិន និងកូរ៉េនៅក្នុងឧស្សាហកម្មសំណង់ និងអចលនទ្រព្យ ក្នុងគោលបំណងសិក្សាពីទីផ្សារសំណង់ និងការអភិវឌ្ឍអចលនទ្រព្យនៅក្នុងប្រទេសកម្ពុជា។

គោលបំណងរបស់ពួកគេគឺដើម្បីសិក្សាពីលទ្ធភាពក្នុងការអនុវត្តគម្រោងអភិវឌ្ឍន៍ប្រើប្រាស់ចម្រុះ ដែលរួមមានអគារខុនដូ ផ្សារទំនើប និងកន្លែងការិយាល័យ។

ក្នុងកិច្ចប្រជុំរយៈពេល១ម៉ោងកន្លះ នៅលេខាធិការដ្ឋានសមាគមនេះ តំណាងសមាគមអ្នកសាងសង់កម្ពុជាបានបង្ហាញសេចក្តីលម្អិតនៃទីផ្សារសំណង់នៅកម្ពុជាទៅកាន់ភ្ញៀវដោយរំលេចឲ្យឃើញពីការធ្វើផែនការ និងទិសដៅពង្រីកទីក្រុង កំណើនប្រជាជន និងនីតិវិធីផ្លូវច្បាប់សម្រាប់គម្រោងសាងសង់ជាដើម។

ក្នុងនាមជាតំណាងឲ្យឧស្សាហកម្មសំណង់ឯកជន សមាគមអ្នក សាងសង់កម្ពុជាជាប្រចាំតែង ស្វាគមន៍ប្រតិភូអន្តរជាតិដែលចង់ស្វែងយល់ពីឱកាសពាណិជ្ជកម្ម និងការវិនិយោគទាក់ទង ទៅនឹងទីផ្សារសំណង់និងអចលនទ្រព្យនៅក្នុងប្រទេសកម្ពុជា។