បច្ចុប្បន្នកម្ពុជាមានកន្លែងឆៀករថយន្តចំនួន ២៣ទីតាំង ខណៈទើបសម្ពោធថ្មី នៅសំរោងអណ្តែត

• Sommana Yan
• 24 ខែ​មេសា 2023
• ព័ត៌មានក្នុងស្រុក
• 87 មើល

គិតត្រឹមបច្ចុប្បន្ន ក្រសួងសាធារណការ និងដឹកជញ្ជូន បានផ្តល់អាជ្ញាបណ្ណអនុញ្ញាតឱ្យក្រុមហ៊ុនចំនួន ៥ ធ្វើអាជីវកម្មត្រួតពិនិត្យលក្ខណៈបច្ចេកទេសយានយន្ត (ឆៀក) ស្មើនឹង ២៣ទីតាំងទូទាំងប្រទេស។ នេះបើតាមធីសម្ពោធដាក់ឱ្យដំណើរការជាផ្លូវការ មណ្ឌលត្រួតពិនិត្យលក្ខណៈបច្ចេកទេសយានយន្ត (ឆៀក) របស់ក្រុមហ៊ុន ខេមបូឌា ម៉ូធ័រវីហ៊ីឃល អ៊ិនស្អេកសិន ខមភេនី (CMVIC) សាខាសំរោងអណ្តែត កាលពីថ្ងៃទី២១ ខែមេសា ឆ្នាំ២០២៣។

ក្នុងចំនួនទីតាំងសរុប ក្រុមហ៊ុន CMVIC បានទទួលអាជ្ញាបណ្ណច្រើនជាងគេរហូតដល់ទៅ ១៩ទីតាំង ដោយក្នុងនោះ ៦ទីតាំងនៅភ្នំពេញ និង ១៣ទីតាំងផ្សេងទៀត នៅតាមបណ្តាខេត្ត។

ក្រៅពីនេះ ក្រុមហ៊ុន HK Car Inspection មានចំនួន ១ទីតាំង ,ក្រុមហ៊ុន Future Automobile Inspection (FAI) មានចំនួន ១ទីតាំង ,ក្រុមហ៊ុន So Brothers Co.,Ltd មានចំនួន ១ទីតាំង និងក្រុមហ៊ុន Auto Checks Expert មានចំនួន ១ទីតាំង ស្ថិតនៅទីរួមខេត្តតាកែវ គ្រោងនឹងបើកដំណើរការនៅពេលឆាប់ៗខាងមុខនេះ។

គួរបញ្ជាក់ថា បច្ចុប្បន្នមានយានយន្តជាង ១៥៣ពាន់គ្រឿង ស្នើនឹង ១៤% ដែលផុតសុពលភាព នៅមិនទាន់បានឆៀក​​នៅឡើយទេ ដែលប្រឈមនឹងការផាកពិន័យ ៥០០រៀលក្នុង ១ថ្ងៃ សម្រាប់ឡានតូច និង ២០០០រៀល សម្រាប់​ឡានធំ។

• Road and Infrastructure
• Projects Development