ផ្លូវទំនើបដែលអាចសាកថ្មឡានអគ្គិសនីដោយស្វ័យប្រវត្តិពេលបើកបរ នឹងបើកឱ្យប្រើឆ្នាំ២០២៣

• Kongleaphy Keam
• 22 ខែ​កុម្ភៈ 2022
• ព័ត៌មានសំណង់
• 172 មើល

ផ្លូវអគ្គិសនី ឬផ្លូវទំនើបមួយខ្សែ ដែលអាចអាចសាកឡានអគ្គិសនីដោយស្វ័យប្រវត្តិ ពេលកំពុងបើកបរ ដោយមិនចាំបាច់ដោតខ្សែ នឹងត្រូវសាងសង់នៅសហរដ្ឋអាមេរិកឆាប់ៗនេះ ហើយគ្រោងនឹងបើកឱ្យប្រើប្រាស់នៅឆ្នាំ ២០២៣។ នេះបើយោងតាមការប្រកាសរបស់រដ្ឋ Michigan កាលពីដើមខែ កុម្ភៈ។

គម្រោងនេះនឹងត្រូវសាងសង់ក្នុងទីក្រុង Detroit រដ្ឋ Michigan ដោយនឹងសាងសង់សាកល្បងត្រឹមប្រវែង ១ម៉ាយ ឬ ១,៦គីឡូម៉ែត្រសិន ក្នុងជំហានដំបូង ហើយនឹងត្រូវពង្រីកនៅជំហានបន្ទាប់។

ក្រុមហ៊ុនឯកជនឈ្មោះថា Electreon និងសហការជាមួយនាយកដ្ឋានដឹកជញ្ជូននៃរដ្ឋ Michigan ដើម្បីធ្វើគម្រោងនេះ។ នាយកដ្ឋានដឹកជញ្ជូន នឹងផ្តល់មូលនិធិ ១,៩ លានដុល្លារ ខណៈចំណាយផ្សេងទៀតគឺចេញដោយក្រុមហ៊ុន Electreon។

 

• បច្ចេកវិទ្យា និងវិស្វកម្ម
• Technology & Engineering