វិធីប្រើ AI ​ ឱ្យបង្រៀនយើងឱ្យចេះប្រើកម្មវិធីវិស្វកម្មសំណង់ថ្មី ឬកម្មវិធីស្មុគស្មាញផ្សេងទៀត

• webmaster@construction-property.com
• 10 ខែ​តុលា 2025
• ព័ត៌មានអន្តរជាតិ
• 110 មើល

លោក Kyle Rosenmeyer ដែលជាអ្នកដឹកនាំផ្នែកការរចនាម៉ូដនៅក្រុមហ៊ុន VHB កាលពីថ្មីៗនេះ បានបង្កើតប្រព័ន្ធ AI មួយដោយប្រើ Copilot Studio របស់ Microsoft ដើម្បីជួយបង្រៀនវិស្វករឱ្យចេះប្រើកម្មវិធី Bentley ដែលស្មុគស្មាញ ពោលគឺជួយឱ្យវិស្វករមានពេលផ្ដោតលើការងារជាក់ស្ដែង ជាជាងការទៅចំណាយពេលច្រើនដើម្បីរៀនពីវិធីប្រើកម្មវិធីថ្មីៗ។

AI របស់ Rosenmeyer ដើរតួទាំងជាអ្នកបង្រៀន ជាលេខា និងជាអ្នកផ្ដល់ដោះស្រាយ នៅពេលវិស្វករមានចម្ងល់ ឬមានបញ្ហាទាក់ទងនឹងការប្រើកម្មវិធីរបស់ Bentley ដូចជា OpenRoads ឬ ProjectWise  ជាដើម។

AI ជាដំបូងនឹងរៀនពីកម្មវិធីដូចខ្លួនឯង បន្ទាប់វានឹងទៅស្រាវជ្រាវនៅតាមប្រភពផ្សេងៗដូចជា​គេហទំព័របស់ Bentley ប្លុក ឯកសារផ្លូវការ វីដេអូក្នុង YouTube និងពិសេស Forum ដែលវិស្វករជជែកពិភាក្សាពីិកម្មវិធីទាំងនេះ ។

បន្ទាប់មក AI នឹងមានទិន្នន័យគ្រប់យ៉ាងទាក់ទងនឹងរបៀបប្រើកម្មវិធីនេះ។ ប៉ុន្តែ វានឹងបង្រៀនវិស្វករតែចំណុចសំខាន់ៗចាំបាច់ប៉ុណ្ណោះ ហើយពន្យល់ទៅវិស្វករ ឬឆ្លើយតែសំណួរណា វិស្វករចង់ដឹងប៉ុណ្ណោះ។

លោក Rosenmeyer បាននិយាយថា វិស្វករមិនមែនមានតួនាទីមករៀនពីកម្មវិធីទេ ពួកគេមានតួនាទីសង់ហេដ្ឋារចនាសម្ព័ន្ធ ហើយ AI ននឹងជួយធ្វើលេខាផ្ដល់ចម្លើយទាក់ទងនឹងវិធីប្រើកម្មវិធី ដើម្បីសម្រួលឱ្យវិស្វករផ្ដោតលើការងារស្នូលរបស់ពួកគេ។

គាត់អះអាងថា ឧបករណ៍នេះបានជួយគាត់ចំណេញពេលជាង 100 ម៉ោងកាលពីឆ្នាំមុន ហើយដោយផ្អែកលើការស្ទង់មតិរបស់ក្រុមហ៊ុន វាបានជួយអ្នកប្រើប្រាស់ផ្សេងទៀតចំណេញពេលប្រមាណពី 1 ទៅ 2 ម៉ោងក្នុងមួយសប្តាហ៍។

សម្លឹងទៅមុខរយៈពេល ៥ ឆ្នាំ លោក Rosenmeyer វិស្វករនឹងមានលេខាជា AI ដែលអាចឆ្លើយនឹងសំណួរអ្នកគ្រប់យ៉ាង។ នេះគឺជំហានមួយឆ្ពោះទៅរកការបង្កើត “Physical AI” និងមនុស្សយន្តសម្រាប់ប្រើក្នុងការដ្ឋានសំណង់។ នៅពេលគ្រប់យ៉ាងអាចដំណើរការដោយខ្លួនឯងបាន យើងត្រូវការប្រព័ន្ធ AI ដើម្បីជួយគ្រប់គ្រង។

• iTwin
• OpenRoads
• AI
• Bentley Systems