សឹង្ហបុរី នឹងនាំបច្ចេកវិទ្យាថាមពលពន្លឺព្រះអាទិត្យបែបថ្មីមកកម្ពុជាក្នុងដំណាច់�

• Proeksa Meas
• 9 ខែ​មិថុនា 2018
• Uncategorized
• 195 មើល

បន្ទះពន្លឺព្រះអាទិត្យ កំពុងពេញនិយមខ្លាំងនៅកម្ពុជា

ក្រុមហ៊ុនថាមពលពន្លឺព្រះអាទិត្យដែលមានមូលដ្ឋាននៅសឹង្ហបុរី SolarHome គ្រោងនឹងបង្ហាញវត្តមាននៅកម្ពុជា នៅដំណាច់ឆ្នាំនេះ ដោយចូលទីផ្សារព្រះរាជាណាកម្ពុជាដើម្បីណែនាំឲ្យប្រើប្រាស់គំរូ នៃការបង់ប្រាក់មុនដើម្បីប្រើ សម្រាប់លំនៅដ្ឋានដែលគ្មានបណ្តាញអគ្គិសនី នៅតំបន់ដាច់ស្រយាល។

នៅក្នុងសេចក្តីប្រកាសមួយ ប្រមុខប្រតិបត្តិ និងជាសហស្ថាបនិក SolarHome លោក Ted Martynov បានមានប្រសាសន៍ថា៖ «ដើម្បីបំពេញទីផ្សារលំនៅដ្ឋាន២៧លានខ្នងនៅទូទាំងតំបន់អាស៊ីអគ្នេយ៍ សាខានៅកម្ពុជា ឥណ្ឌូនេស៊ីនិងហ្វីលីពីន ជាទស្សនៈវិស័យបន្ទាប់របស់យើង គឺនៅដំណាច់ឆ្នាំនេះ»។

SolarHome ផ្តល់ជូននូវប្រព័ន្ធភ្លើពន្លឺព្រះអាទិត្យ ផ្អែកលើផែនការជាវមួយ។ អតិថិជន ធ្វើការបញ្ចូលប្រាក់១០ដុល្លារអាមេរិកដំបូង ដែលនឹងត្រូវបញ្ចូលជាបន្ត តាមថ្ងៃ តាមសប្តាហ៍ ឬតាមខែ តាមរយៈកាតកោស ឬការបង់ប្រាក់ចល័ត។

យោងតាមសេចក្តីប្រកាសរបស់ក្រុមហ៊ុននេះឲ្យដឹងថា បន្ទាប់ពីបញ្ចប់គម្រោងបង់ប្រាក់ ប្រព័ន្ធនេះ «នឹងដោះលេខកូដ រួចផ្ទេរ សិទ្ធិទៅឲ្យអតិថិជន»។ គំរូបែប«ជួលដើម្បីក្លាយជាម្ចាស់នេះ» នឹងជួយឲ្យអតិថិជនលៃលករកប្រាក់ដើម្បីទូទាត់ និងបង្កើនតម្លៃសមរម្យ។

ក្រុមហ៊ុននេះ បាននិយាយថា៖«បច្ចេកវិទ្យាដំឡើងទៅជាប្រព័ន្ធនេះ ធានាថា វានឹងមិនដំណើរការទេ បើសិនជាគេមិនបង់ប្រាក់ ដោយពួកគេ នឹងអាចដំណើរប្រើវិញ នៅពេលមានការបង់ប្រាក់ជាថ្មី»៕