ត្រឹមខែកុម្ភ: ឆ្នាំ២០២៣ CGCC ផ្តល់កម្ចីជាង ១០០លានដុល្លារ ដល់ជាង ១​ម៉ឺនអាជីវកម្ម

• 15 ខែ​មីនា 2023
• Uncategorized @km
• 7 មើល

គិតត្រឹមចុងខែកុម្ភ: ឆ្នាំ២០២៣ សាជីវកម្មធានាឥណទានកម្ពុជា (CGCC) បានផ្តល់ការធានាឥណទានជូនដល់ ១១៥៥ ក្រុមហ៊ុន/អាជីវកម្ម ក្នុងទំហំទឹកប្រាក់កម្ចីប្រហាក់ប្រហែល ១០៤,៩ លានដុល្លារអាមេរិក។ នេះបើតាម CGCC បានឱ្យដឹងកាលពីថ្ងៃទី១០ ខែមីនា ឆ្នាំ២០២៣។

ទំហំឥណទាននេះ មានការកើនឡើងចំនួន ១៥,៩លានដុល្លារអាមេរិក បើធៀបនឹងត្រឹមឆ្នាំ២០២២ មានតែ ៨៩លានដុល្លារអាមេរិកតែប៉ុណ្ណោះ។ (អានបន្ថែម)

ក្នុងនោះ ក្រុមហ៊ុន/អាជីវកម្មធុនធំមានចំនួន ៨១ រីឯសហគ្រាសខ្នាតមីក្រូ តូច និងមធ្យមមានចំនួន ១០៧៤មូលដ្ឋាន ខណៈប្រភេទកម្ចីមានទ្រព្យធានាមាន ៤១០មូលដ្ឋាន និងគ្មានទ្រព្យធានាមានចំនួន ៧៤៥មូលដ្ឋាន។

បន្ថែមពីនេះ CGCC បានបញ្ជាក់ដែរថា គិតត្រឹមខែថ្ងៃទី៣១ ខែមករា ឆ្នាំ២០២៣ សន្និធិឥណទានដែលមានការធានាមានចំនួន ៨១,៦លានដុល្លារអាមេរិក ដោយឡែកសន្និធិទំហំការធានាឥណទានមានចំនួន ៥៨,៩លានដុល្លារអាមេរិក។​

• Economy and Finance