ក្រុងល្បីមួយនៃប្រទេសបារាំងប្រើប្រាស់បច្ចេកវិទ្យា iTwin ដើម្បីកំណត់ទិសដៅអភិវឌ្ឍក្រុង

• Proeksa Meas
• 23 ខែ​កក្កដា 2026
• ព័ត៌មានសំណង់
• 19 មើល

ទីក្រុង Pau ប្រទេសបារាំង ថ្មីៗនេះសម្រេចងាកមកប្រើបច្ចេកវិទ្យា Digital Twin ដើម្បីធ្វើទំនើបកម្មការរៀបចំផែនការអភិវឌ្ឍទីក្រុងឱ្យកាន់តែមានប្រសិទ្ធភាព។

តាមរយៈការប្រើកម្មវិធី រដ្ឋបាលបារាំងដាក់បង្ហាញផែនការរៀបចំទីក្រុងនាពេលអនាគតបានយ៉ាងដូចពិត និងរស់រវើក ដែលជាចំណុចសំខាន់បំផុតដើម្បីឱ្យគម្រោងមានការទទួលស្គាល់ និងយកព្រមពីប្រជាជន។

កម្មវិធីនេះជួយផ្តល់ឱ្យប្រជាពលរដ្ឋនូវបទពិសោធន៍អន្តរកម្ម ដើម្បីមើលឃើញជាមុនថា គម្រោងអភិវឌ្ឍន៍ថ្មីៗនឹងសម្របសម្រួលជាមួយទេសភាពទីក្រុងយ៉ាងដូចម្តេច។

កម្មវិធីនេះអាចធ្វើការងារបានដោ រលូន ដោយបាច់ពឹងផ្អែកលើរបាយការណ៍ក្រដាសបែបហួសសម័យទៀតទេ។

បច្ចេកវិទ្យានេះបានដើរតួនាទីយ៉ាងសំខាន់ក្នុងការអភិរក្សទេសភាពស្ថាបត្យកម្មប្រវត្តិសាស្ត្ររបស់ទីក្រុង ដែលស្ថិតក្រោមការការពារ ខណៈពេលជួយលើកកម្ពស់តម្លាភាព និងបង្កើនទំនុកចិត្តរបស់សាធារណជនចំពោះគម្រោងអភិវឌ្ឍន៍នានា។

ឧទាហរណ៍ ក្រុមអ្នករៀបចំផែនការបានប្រើកម្មវិធីនេះដើម្បីកែប្រែចំណតរថយន្តដែលធ្វើពីបេតុងឱ្យក្លាយជាតំបន់បៃតងសម្រាប់អ្នកថ្មើរជើង និងបានស្តារតំបន់ដែលធ្លាប់ត្រូវបានមើលរំលងឱ្យប្រែក្លាយជាមជ្ឈមណ្ឌលវប្បធម៌ដ៏រស់រវើក។

លើសពីការងាររចនា កម្មវិធីនេះក៏ជួយឱ្យវិស្វករ និងស្ថាប័នពាក់ព័ន្ធធ្វើការសហការគ្នាលើគម្រោងហេដ្ឋារចនាសម្ព័ន្ធស្មុគស្មាញ គ្រប់គ្រងបណ្តាញសេវាសាធារណៈ និងបង្កើតជាសេណារីយ៉ូនៃស្ថានភាពចរាចរណ៍នានាជាមួយនឹងកម្រិតភាពជាក់លាក់ខ្ពស់មិនធ្លាប់មានពីមុនមក។

វិធីសាស្ត្រនេះក៏ត្រូវទទួលបានការទទួលស្គាល់នៅលើឆាកអន្តរជាតិ ដោយក្នុងនោះរួមមានពានរង្វាន់ដ៏មានកិត្យានុភាព “Founders’ Honors” ផងដែរ។

សម្រាប់ទិសដៅនាពេលអនាគត ទីក្រុង Pau នៅតែបន្តជំរុញការច្នៃប្រឌិត ដោយរួមបញ្ចូលទិន្នន័យពេលវេលាជាក់ស្តែង (Real-time Data) និងការវិភាគព្យាករណ៍ (Predictive Analytics) ដើម្បីកសាងបរិស្ថានទីក្រុងដែលមាននិរន្តរភាព ប្រសិទ្ធភាពខ្ពស់ និងផ្តល់គុណភាពជីវិតកាន់តែប្រសើរសម្រាប់ប្រជាពលរដ្ឋទាំងអស់។