តើកម្មវិធីហេដ្ឋារចនាសម្ព័ន្ធ Bentley បានជួយផ្លាស់ប្តូរកំពង់ផែមែលប៊ន នៅអូស្ត្រាលីបានយ៉ាងដូចម្តេច?
ផលិតឡើងវិញដោយ Kathleen Moore ចេញពីប្រភព The B1M
កំពង់ផែមែលប៊នគឺជាកំពង់ផែកុងតឺន័រដ៏ធំបំផុតរបស់អូស្ត្រាលី ដែលវាកាន់តែមានភាពមមាញឹកជាងមុន។ កំពង់ផែមែលប៊នគ្រប់គ្រងច្រើនជាងមួយភាគបីនៃកុងតឺន័រទាំងអស់ដែលដឹកជញ្ជូនចេញ-ចូលប្រទេសអូស្ត្រាលី ដែលប្រមាណជាង 3.2 លានកុងតឺន័រ ហើយតួលេខនេះរំពឹងថានឹងកើនឡើងទ្វេដងនៅឆ្នាំ 2050។
បញ្ហាប្រឈមតែមួយប៉ុណ្ណោះ គឺរបៀបគ្រប់គ្រងកំណើននោះដោយមិនបន្ថែមការកកស្ទះដល់បណ្តាញផ្លូវដែលកំពុងតែមមាញឹក និងការបំពុលខ្យល់នៅក្នុងទីក្រុងដែលមានប្រជាជនជាង 5 លាននាក់រស់នៅ។
លោក Matthew Brooks អ្នកគ្រប់គ្រងគម្រោងជាន់ខ្ពស់នៅកំពង់ផែមែលបន” បាននិយាយថា “មានតែមធ្យោបាយមួយគត់ដែលអាចដោះស្រាយបាន គឺប្រើបណ្តាញផ្លូវដែលកំពុងមានចរាចរណ៍មមាញឹក” ។ ដូច្នេះហើយ យើងត្រូវរកវិធីផ្សេងទៀតដើម្បីដឹកកុងតឺន័រចេញ-ចូលកំពង់ផែ។
ចម្លើយគឺ ផ្លូវដែក៖ ខ្សែរថភ្លើងមួយអាចផ្ទុកទូកុងតឺន័របានច្រើនជាង ៣០ដង នៃឡានដឹកទំនិញជាមធ្យម។ ប៉ុន្តែដំណោះស្រាយបានទាញមកជាមួយនូវបញ្ហាប្រឈម ដូចជារបៀបយកកុងតឺន័រពីសមុទ្រទៅកាន់ទូរថភ្លើង ដោយគ្មានឡានដឹកទំនិញលើកដាក់ ដែលបច្ចុប្បន្នវាត្រូវបានប្រើប្រាស់ដើម្បីផ្ទេរទូកុងតឺន័រទៅវិញទៅមក និងកន្លែងដែលត្រូវទុកដាក់កុងតឺន័រទាំងអស់នៅលើចំណតដែលកំពុងតែចង្អៀតណែន។
ដំណោះស្រាយ៖ គម្រោងផ្លាស់ប្តូរផ្លូវដែករបស់ទីក្រុងមែលប៊ន។ គម្រោងដ៏ស្មុគស្មាញនេះបានបញ្ចប់នៅឆ្នាំ 2024 ត្រូវបានគេហៅថា ជាស្ថានីយផ្លូវដែកថ្មី និងការកែលម្អបណ្តាញផ្លូវដែកដែលមានស្រាប់ រួមទាំងការតភ្ជាប់ដោយផ្ទាល់ដ៏សំខាន់រវាងកប៉ាល់ និងរថភ្លើង។ កម្រាលថ្មរាប់ពាន់តោនត្រូវវាយកម្ទេច និងបំលែងដើម្បីធ្វើគ្រឹះសម្រាប់ស្ថានីយថ្មី។
គ្រប់ការងារទាំងអស់នេះត្រូវធ្វើឡើងដោយមិនរំខានដល់សកម្មភាពប្រចាំថ្ងៃរបស់កំពង់ផែឡើយ ហើយបញ្ចប់ក្នុងរយៈពេលដ៏ខ្លី។ អ្នកប្រឹក្សាផ្នែករចនា WSP និងអ្នកម៉ៅការ Seymour Whyte Construction មានពេលត្រឹមតែ 12 សប្តាហ៍ដើម្បីបញ្ជូនឯកសាររចនាប្លង់ទាំងអស់ និង 6 សប្តាហ៍ដើម្បីបង្កើតលទ្ធផលដំបូង។
ជាមួយនឹងមនុស្សជាង 250 នាក់ដែលកំពុងធ្វើការលើគម្រោង វាជារឿងសំខាន់ដែលមនុស្សគ្រប់គ្នាអាចសហការគ្នាបានយ៉ាងរលូន និងជិតស្និទ្ធ។
បញ្ចូលដំណោះស្រាយដោយផ្អែកលើ iTwin និង ProjectWise ពី Bentley Systems គឺជាកិច្ចការចម្បង ដែលបានផ្តល់ឱ្យក្រុមការងារនូវ one-stop-shop សម្រាប់ទិន្នន័យ និងគំរូឌីជីថលទាំងអស់របស់ខ្លួន ដែលអនុញ្ញាតឱ្យគេអាចគ្រប់គ្រងព័ត៌មានដ៏ច្រើនមហិមា។ ក្រុមការងារអាចសម្រួលលំហូរការងាររបស់ខ្លួន រក្សាកាកសំណង់ និងកែច្នៃឡើងក្នុងកម្រិតអប្បបរមា ហើយជម្រុញគម្រោងឱ្យទាន់ពេលវេលា។
លោក Alex Yammas អ្នកដឹកនាំផ្នែកវិស្វកម្មឌីជីថលប្រចាំតំបន់របស់ WSP មាននិយាយថា “ជាមួយប្រតិទិនការងារដ៏ខ្លី យើងត្រូវរៀបចំអ្វីៗគ្រប់យ៉ាងឱ្យត្រឹមត្រូវជាទីបំផុត”។
“នេះគឺជាកន្លែងដែលផ្តល់នូវប្រភពនៃការពិតតែមួយ បរិយាកាសដែលភ្ជាប់ការងាររវាងគ្នាដែលយើងត្រូវយល់ដឹង”។
ស្វែងយល់បន្ថែមលើគេហទំព័រ The B1M ។