តើអាមេរិកប្រើបច្ចេកវិទ្យាអ្វីដើម្បីដោះស្រាយបញ្ហាទីក្រុងលិចទឹក?

Proeksa Meas
31 ខែឧសភា 2026
ព័ត៌មានសំណង់
326 មើល

ក្រុមវិស្វករអាមេរិកកំពុងទាញបច្ចេកវិទ្យាដ៏ទំនើបរបស់ក្រុមហ៊ុន Bentley Systems ដើម្បីធានាថាទីក្រុងទីក្រុង New Orleans នឹងមិនលិចលង់ទៅក្នុងទឹកឡើយ ខណៈដែលការព្យាករណ៍ថ្មីមួយបង្ហាញថាទីក្រុងនេះនឹងលិចចូលក្នុងទឹកសមុទ្រនាពេលអនាគត។

ការសិក្សាថ្មីមួយពីសាកលវិទ្យាល័យ Tulane បានព្រមានការកើនឡើងកម្ពស់ទឹកសមុទ្រអាចនឹងរុញច្រានឆ្នេរសមុទ្រនៃឈូងសមុទ្រម៉ិកស៊ិកឱ្យចូលមកក្នុងដីគោកចម្ងាយ ៦២ ម៉ាយល៍ (ប្រហែល ១០០ គីឡូម៉ែត្រ) ដែលនឹងធ្វើឱ្យទីក្រុង New Orleans នៃរដ្ឋ Louisiana លិចនៅក្រោមទឹក។

ទោះបីជាការសិក្សាមិនបានបង្ហាញថាបញ្ហានេះនឹងកើតឡើងពេលណាក៏ដោយ ប៉ុន្តែក្រុមហ៊ុនវិស្វកម្មក្នុងស្រុកមួយឈ្មោះថា Forte & Tablada បានត្រៀមខ្លួនរួចជាស្រេចដើម្បីទប់ទល់នឹងបញ្ហានេះ។ ក្រុមហ៊ុនបានចាប់ផ្តើមធ្វើទំនើបកម្មលើប្រព័ន្ធការពារទឹកជំនន់ក្នុងតំបន់ ដោយប្រើប្រាស់កម្មវិធីកម្មវិធីកុំព្យូទ័ររបស់ក្រុមហ៊ុន Bentley Systems។

ក្រុមហ៊ុននេះបានបង្កើត Digital Twin ដែលគំរូឌីជីថលនៃប្រព័ន្ធគ្រប់គ្រងនឹងជំនន់ពិតៗនៃស្ថានីយបូមទឹក 17th Street Canal បានដោយជោគជ័យ ដែលវាជាសមាសភាគដ៏សំខាន់មួយនៃប្រព័ន្ធគ្រប់គ្រងទឹកជំនន់របស់ទីក្រុង New Orleans។

ក្រុមវិស្វករក៏បានប្រើកម្មវិធីវិធីរបស់ក្រុមហ៊ុន Bentley ដើម្បីតាមដាន ថែទាំ និងដំណើរការរបស់គម្រោងគ្រប់គ្រងទឹកដ៏ស្មុគស្មាញនៅតាមបណ្តាញឆ្នេរសមុទ្រទាំងនេះឱ្យកាន់តែមានភាពឆ្លាតវៃជាងមុនផង។

អត្ថប្រយោជន៍ចម្បងនៃបច្ចេកវិទ្យា Digital Twin គឺការផ្តល់ទិន្នន័យភ្លាមៗ (Real-time data) ដល់ប្រតិបត្តិករ ដែលជួយឱ្យពួកគេអាចធ្វើការពិសោធពីសេណារីយ៉ូឧទាហរណ៍ស្ថានភាពនានាបានដូចជា ស្ថានភាពទឹកជំនន់ធ្ងន់ធ្ងរជាដើម។ ដូច្នេះពួកគេអាចសម្រេចចិត្តបានលឿន និងច្បាស់លាស់ជាងមុន មុនពេលគ្រោះធម្មជាតិដ៏កាចសាហាវកើតឡើតទៅទៀត។

តាមរយៈការបង្កើតឌីជីថលសម្រាប់ហេដ្ឋារចនាសម្ព័ន្ធនានានៅតាមបណ្តោយទន្លេ Mississippi អាជ្ញាធរក៏អាចធ្វើទំនើបកម្មប្រព័ន្ធការពារ ព្យាករណ៍ពីតម្រូវការរចនាសម្ព័ន្ធ និងធានាថាទីក្រុងនេះនឹងមិនលិចទឹក ឬខូចខាតដោយធ្ងន់ធ្ងរពីបញ្ហាការប្រែប្រួលអាកាសធាតុនោះទេ។