កម្ពុជាទទួលបានគម្រោងវិនិយោគ ចំនួន១៥០គម្រោង មានទុនវិនិយោគ​ ៣.៤៥ពាន់លានដុល្លាររយៈពេល៩ខែ

• Sommana Yan
• 6 ខែ​តុលា 2022
• Uncategorized
• 215 មើល

ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគមានទុនវិនិយោគសរុប ៣.៥ពាន់លានដុល្លារ ក្នុងរយៈពេល ៩ខែឆ្នាំ២០២២នេះ កើនឡើង ៣ភាគរយ ធៀបនឹងរយៈពេលដូចគ្នា​កាលពីឆ្នាំមុន។ នេះបើយោងតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជាចេញផ្សាយកាលពីថ្ងៃព្រហស្បតិ៍នេះ។

របាយការណ៍ដដែលបញ្ជាក់ថា ចាប់ពីខែមករា ដល់ខែកញ្ញា ឆ្នាំ២០២២ CDC អនុម័តគម្រោងវិនិយោគចំនួន ១៥០គម្រោង កើនឡើង ១២ភាគរយ ធៀបនឹងរយៈពេលដូចគ្នាកាលពីឆ្នាំមុនដែលមានតែ១៣៤គម្រោង។

វិនិយោគិនក្នុងស្រុក នៅតែជាប្រភពវិនិយោគធំជាងគេ ដែលបានរួមចំណែក ៥០.៩៤ភាគរយ ខណៈវិនិយោគិនមកពីប្រទេសចិន ឈរនៅចំណាត់ថ្នាក់ទីពីរ ដែលបានរួមចំណែក ៤៣.៩៤ភាគរយ។

វិនិយោគិនបរទេសផ្សេងទៀត​មានដូចជាមកពីប្រទេសថៃ​ ជប៉ុន Cayman Islands Samoa​ កូរ៉េខាងត្បូង British Virgin Islands​ សឹង្ហបូរី ម៉ាឡេស៊ី និងអូស្រ្តាលី។​

គម្រោងវិនិយោគទាំង នេះ ភាគច្រើនរួមមាន កសិកម្ម កសិឧស្សាហកម្ម ឧស្សាហកម្ម ទេសចរណ៍ និងហេដ្ឋារចនាសម្ព័ន្ធ ក្នុងចំណោមវិស័យផ្សេងទៀត។